Realak ez du laugarren postua galdu nahi
BBVA Ligak asteburu honetan egingo duen geldialdiari sailkapen nagusiko laugarren postutik begiratuko dio Realak, hau da, Txapeldunen Liga jokatzeko aukera ematen duen postuetako batetik.
Larunbatean, Valladoliden aurka, lortutako garaipen handiak (4-1) talde txuri-urdinaren bolada ona berretsi du. Fisikoki bikain dago Reala, erraz mugitzen du baloia eta, gainera, zortea du lagun.
Griezmann (bi gol sartu zituen larunbatean), Agirretxe eta Prieto sasoi onean dira, baina, oro har, talde-lana izaten ari da Realaren arrakastaren gakoa. Azken hamar jardunaldietan, 22 gol sartu ditu Montanierren taldeak, eta 11 jaso ditu.
Hamar jardunaldi daramatza Donostiako taldeak porrotik jaso gabe, 2002-2003 denboralditik lehenengoz. Zaleak taldearen jokoarekin eta emaitzekin gozatzen ari dira.
Aurreko denboraldi osoan lortu zuen puntu kopurua (47) gainditu ditu dagoeneko, eta gol gehien sartu dituen laugarren taldea da Barçaren, Real Madrilen eta Atleticoren atzetik. Baina laugarren postuari eustea ez da lan erraza izango, Malaga, Valentzia eta Betis taldeek ere helburu berdina dutelako. 30. jardunaldian Malagarekin neurtuko ditu indarrak Realak, eta 33.ean Valentzia izango du aurkari.
Zure interesekoa izan daiteke
Alazne Estensorok 2028ra arte berritu du Realarekin
19 urteko atezain lazkaotarrak Moeve F Ligan egin du debuta denboraldi honetan, talde txuri-urdinarekin.
Sansek nagusitasunez irabazi dio Cadizi Nuevo Mirandillan (0-2)
Txuri-urdinen bigarren taldeak ondoz ondoko hirugarren garaipena lortu du Cadiz mendean hartuta. Donostiako taldeak sendotasuna eta eraginkortasuna erakutsi ditu, etxeko harmailetan atsekabea nagusitu den norgehiagokan.
?fmt=webp-alpha&qlt=80)
Unai Marrerok kontratua luzatu du 2030era arte
Azpeitiako atezainak txuri-urdinen atea defendatuko du lau denboraldi gehiagoz.
Alvaro Odriozolak ezker belauneko aurreko lotailu gurutzatua hautsi du
Realeko atzelariak belauna bihurritu zuen larunbatean, Anoetan, Oviedoren aurka jokatutako partidan.
Realak beste garaipen bat eskuratu du Espanyol garaituta (2-1)
Realak beste garipen bat lortu du RCD Espanyioli 2-1 irabazita gaur arratsaldean Zubietan jokatu den F Moeve Ligako 21. jardunaldiko partidan. Txuri-urdinak jaun eta jabe izan dira hasieratik amaierara arte.
Berdinketa mingotsa lortu du Realak Oviedoren aurka (3-3)
Realak buelta eman dio Oviedoren 0-2koari, baina Asturiasko taldeak markagailua berdindu du azken hasperenean.
Elustondo: "Ez gara eroso sentitu, saiatu gara, baina gauzak ez ziren ateratzen"
Aritz Elustondo Realeko jokalariaren adierazpenak, EA Sports Ligako 25. jardunaldiko partidan Oviedoren aurka 3-3 berdindu ostean.
Job Ochiengek 2028ko ekainera arte berritu du Realarekin
Hegalekoak debuta egin du dagoeneko lehen taldean, Matarazzoren gidaritzapean, eta beste bi denboraldi emango ditu txuri-urdinez jantzita.
Rino Matarazzo, Reala-Real Oviedo partidaz: "Erakutsi behar dugu gose garela eta gehiago nahi dugula"
Realak Real Oviedoren aurka jokatuko du Anoetan larunbatean, 14:00etan. Txuri-urdinen entrenatzailearen iritziz, Realak Bernabeun galdu ondoren, “errekzionatu beharra daukagu, aurkariarekiko errespetua erakutsi, eta maila igo”.
Oskarsson: "Denboraldiko unerik onenean nago"
"Egunetik egunera sentsazio hobeak ditut, erritmo eta konfiantza handiagoa", aitortu du Realeko aurrelariak, ETBk egindako elkarrizketan. Islandiarrak izan dituen lesioak gogora ekarri ditu, eta atzean utzi nahi dituela erantsi du. Bestalde, bere abestiari buruz hitz egin du: "Oso ezaguna da". Azkenik, eskerrak eman dizkie zaleei abestiagatik, eta une zailetan emandako babesagatik.