Montanierren eta Lorenen jarraipena, erabaki beharreko kontu bakarra
Carlos Martinezek 2018. urtera arte berritu zuen kontratua Realarekin, eta ondorioz, talde txuri-urdinak jokalari garrantzitsuenak lotuta ditu etorkizunerako. Orain, Philippe Montanier entrenatzailearen jarraipena, eta Lorenzo Juarros 'Loren' kirol zuzendariaren jarraipena dira Realak erabaki behar dituen kontu bakarrak.
Dani Estradak ez du kontratua berritu oraindik, baina gainontzeko jokalari garrantzitsuak ondo lotuta ditu Realak. Asier Illarramendik 2018ra arte du kontratua Realarekin, eta Carlos Martinezek ere 2018ra arte berritu zuen kontratua. Xabi Prieto, David Zurutza, Claudio Bravo, Iñigo Martinez eta Mikel Gonzalez jokalariek 2017. urtera arte dute kontratua talde txuri-urdinarekin, eta Markel Bergarak, Laissane Cadamurok eta Antoine Griezmannek, 2016. urtera arte. Griezmannen kasuan, zaila izango da jokalari frantziarrak Realean jarraitzea Tottenhamek Griezmann fitxatu nahi baitu nola edo ahala.
Imanol Agirretxek eta Diego Ifranek 2015. urtera arte dute lotura Realarekin. Horrenbestez, Dani Estrada eta Jon Ansotegi geratzen dira kontratu laburrenekin. 2014. urtean bukatzen zaie kontratua bi jokalari hauei.
Lorenzo Juarros 'Loren' kirol zuzendariaren etorkizuna erabaki beharko du Realeko zuzendaritzak datorren asteetan. Zaleen artean kexa ugari daude Lorenek egiten duen lanaren inguruan.
Philippe Montanier entrenatzailearen jarraipena gero eta gertuago dagoela dirudi. Bi hilabete lehenago, denboraldi amaieran ez zuela taldea zuzentzen jarraituko zirudien, baina txuri-urdinen bolada onak gauzak aldatu ditu, eta Montanierrek datorren denboraldian Reala zuzentzeko gero eta aukera gehiago ditu.
Aurten presideneta aukeratzeko hauteskundeak egongo dira Realean. Jokin Aperribay berriro aurkeztuko dela dirudi. Aperribayk ondo kudeatu du kluba, eta Anoetaren birmoldatzearen proiektua ere abiarazi du.
Zure interesekoa izan daiteke
Realak Ainoa Campo fitxatu du, 2029ra arte
Espanyoletik ailegatu da 29 urteko erdilaria talde txuri-urdinera, eta kapitaina zen bertan. “Oso eskertuta nago proiektu anbiziotsu honetan parte hartzeko Realak nigan jarri duen konfiantzagatik”, adierazi du Campok.
Realak iragarri egin du Koparekin argazkiak doan ateratzeko aukera egongo dela, zale txuri-urdinak haserre agertu ondoren
Talde gipuzkoarrak azaldu duenez, bazkideak "entzun" ondoren, zaleek argazkia doan ateratzeko aukera izango dute, Anoetan egiten ari diren hobekuntza lanak amaitzen direnean. Lan horiek datorren denboraldia hasita dagoenean bukatuko dira.
Realearen zaleek argazkia egin ahalko dute Errege Koparekin, ekainaren 19tik, 3 edo 6 euro ordainduta
Klub txuri-urdinak GUazen KOPAREKIN erakusketa irekiko du Anoetan, eta bertan garaikurrarekin argazkia ateratzeko aukera izango da. Bisita egin nahi dutenek sarrerak erreserbatu egin beharko dituzte; bazkideek, akziodunek eta RS Fanek 3 euroan eskuratuko dute, eta gainerako zaleek, 6 euroan.
Realak 2026-27 denboraldiaren amaierara arte luzatu du Unax Agoteren kontratua
Ezker hegaleko zizurkildarrak 1.700 minutu baino gehiago jokatu ditu Hypermotion Ligan eta Premier League International Cup txapelketan. Atzelaria 2015ean iritsi zen talde txuri-urdinera.
Sportingek Egoitz Arana fitxatu du
Aranak 11 partida jokatu ditu Bigarren Mailan amaitu berri den denboraldian Realaren bigarren taldearekin, eta aurreko denboraldian Lehen RFEF mailatik Hypermotion Ligara igotzen lagundu zion.
Realak Laura Camino fitxatu du
24 urteko jokalari kantabriarrak Eibarren jokatu du azken hiru denboraldietan.
Nahia Aparicio: “Gure jokatzeko modua erakutsi dugu denboraldi honetan”
Realaren hainbat jokalarik denboraldiaren balantzea egin dute gaur goizean Zubietan, datorren denboraldirako helburuez hitz egiteaz gain.
Realak Atletico mendean hartuta eman dio amaiera denboraldi bikainari (2-0)
Lucia Pardoren eta Cecilia Marcosen golek erabaki dute txapelketako azken jardunaldiko lehia. Emaitza horrekin, talde donostiarrak hiru puntu eskuratu ditu denboraldia bere zaleen aurrean oso sentsazio onekin agurtzeko.
Berdinketa batekin eman dio amaiera denboraldiari Sansek (1-1)
Cultural Leonesak hartu du aurrea markagailuan bigarren zatiaren hasieran, baina ezkerkada bikain batekin berdindu du Arkaitz Mariezkurrenak Ribeiroren gola.
Realak iragarri du Lucia Rodriguezek, Andreia Jacintok, Emma Ramirezek, Claire Lavogezek eta Lucia Pardok ez dutela taldean jarraituko datorren denboraldian
Europako txapelketetan aritzeko sailkapena lortu ondoren, talde txuri-urdinak bost baja iragarri ditu