Realak gol-zaparrada lortu du Mestallan (2-5)
Realak urrezko garaipena eskuratu du Mestallan, Valentzia mendean hartuta (2-5). Merezitako gol-zaparrada lortu dute txuri-urdinek, baina azpimarratzekoa da Valentziak hamar jokalariekin jokatu duela bigarren zati osoa.
Joko ona eskaini du talde donostiarrak lehen zatian. Aurreneko ordu laurdenean Valentzia izan da gehiago, eta Roberto Soldadok markagailua estreinatu du 2. minutuan Bernat gaztearen erdiraketa baliatuta. Partida maldan gora jarri zaio Montanierren taldeari, baina ez du amore eman eta susperraldia erabatekoa izan da.
Lan bikaina egin du Realak eta abagune pilo sortu ditu taldeak. Garbienak Griezmann, Vela, Ifran eta Xabi Prietorentzat izan dira, baina berdinketaren gola De la Bellak egin du 43. minutuan. Zurutuzaren pasea bikaina izan da, eta jokalari katalanak gol ederra sartu du. Bi minutu lehenago, 41.ean, txartel gorria erakutsi dio epaileak Jonasi (ukondoarekin eman dio Zurutuzari) eta Valentzia hamarrekin geratu da.
Bigarren zatian asko sufritu du Realak. Ondo zelairatu da, eta markagailuan 1-3 aurreratu da Mikel Gonzalezen (56. minutua) eta Ifranen (63') golekin, baina 72.ean gola egin du Soldadok eta, oraindik ere, edozer gauza gerta zitekeen.
Orduan agertu da Imanol Agirretxe, eta 82. minutuan partida erabakita utzi du. Baina Velak ere bere gola erdietsi nahi zuen. Clos Gomez epaileak Feghoulik Velari egindako penaltia adierazi ,du eta mexikarrak berak sartu du gola hamaika metroetatik.
Montanierren gizonek denboraldiko seigarren garaipena eskuratu dute eta dagoeneko 20 puntu dituzte. Hurrengo asteburuan Getafe hartuko dute Anoetan.
Fitxa teknika:
Valentzia: Alves; Joao (Valdez, 76'), Costa, Ruiz, Cissokho (Guardado, 65'); Banega, Gago, Feghouli, Jonas, Bernat (Viera, 65') eta Soldado.
Reala: Bravo; C.Martinez, Mikel, Iñigo, De la Bella; Zurutuza (Castro, 72'), Pardo, Prieto, Vela, Ifran (Agirretxe, 78') eta Griezmann (Javi Ros, 74').
Golak:
1-0, 2', Soldado.
1-1, 44', De la Bella.
1-2, 56', Mikel.
1-3, 68', Ifran.
2-3, 73', Soldado.
1-4, 83', Agirretxe.
1-5, 91', Vela (p).
Horrelakoa izan da partida eitb.com-en
Zure interesekoa izan daiteke
Mamadou Sarr, Realeko jokalari berria
Talde txuri-urdinak eta Chelseak senegaldar atzelariaren lagapena adostu dute 2026-27 denboraldiaren amaierara arte. Ostegunean osasun-azterketa egin zioten, eta ostiral honetan bat egingo du taldekide berriekin Zubietan.
Arturo Ruizek Realeko entrenatzaile kargua utzi du
Emakumezkoen taldeko teknikariak bere kontratuan aurreikusitako kalte-ordaina ordainduko du bere irteera gauzatzeko.
?fmt=webp-alpha&qlt=80)
Reala vs Chelsea, zuzenean, EITBn
Irailaren 2an jokatuko den neurketa streaming bidez izango da ikusgai, kirolakeitb.eus atarian eta ETBONen, eta telebistaz, ETB1en, 19:00etatik aurrera, Zubietatik.
Mamadou Sarr Donostian dago, Realarekin bat egiteko
Mamadou Sarr atzelari frantziarra Donostiara iritsi da, mediku-azterketa egin eta Realarekin hasteko. Chelseak utzita dator, denboraldi baterako.
Remiro, Real Madrilen aurkako porrotaren ostean: “Lehen zatian, oso ondo lehiatu gara”
Alex Remiro Realeko atezainak Real Madrilen aurkako porrota (4-1) aztertu du, neurketa amaitutakoan.
Realak porrota jaso du Real Madrilen aurka (4-1)
Donostiako taldeak emaitza gogorrarekin galdu du Santiago Bernabeun, talde zuriari ordubetez ondo eutsi ostean. Mbappek hat trick batekin eta Viniciusek sartu ditzute zurien golak, eta Sucicek egin du txuri-urdinena.
Ainhoa Moraza: “Taldeak egin duen lanarekin geratu behar gara"
Emaitza gogorra Realarentzat, Londresen aurpegia eman arren (5-2)
Aturo Ruizek zuzentzen duen taldeak gol sorta ederra jaso du Londresen Chelsearen aurka jokatutako Txapeldunen Liga aurreko faseko joaneko partidan.
Realak emaitza ona lortu nahi du Txapeldunen Ligako atarikoan, Chelsearen aurka
Hirugarren kanporaketako joaneko partida gaur arratsaldean jokatuko dute, 19:45etik aurrera, Londresen.
Nerea Eizagirre: “Defentsako lana ondo egin behar dugu, eta ditugun aukerak aprobetxatu”
Lau urteren ondoren, Realak Txapeldunen Ligan jokatuko du berriro. Nerea Eizagirre kapitain izan zen orduan, eta hala izango da aurten ere. “Taldea indartsu” datorrela azaldu du eta Chelsearen aurkako partida zaila izango den arren, “lana ondo egin” behar dutela adierazi du.