Reala-Malaga (3-2): Bigarren miraria jarraian txuri-urdinentzat
="/eu/kirolak/futbola/erreala/" _fcksavedurl="/eu/kirolak/futbola/erreala/">Realak garaipen garrantzitsua eskuratu du Malagari Anoetan 3-2 irabazita. Azken bost minutuetan sartutako bi golei esker eskuratu dituzte hiru puntuak txuri-urdinek.
Partida oso berdinduta hasi zen. Bi taldeetako bat ere ez zen baloiaren jabe egin eta gol aukerak ere urriak ziren. Norgehiagokako 11. minutuan, ordea, Realak gola sartu zuen. Estradak area barruan jarri zuen erdiraketa eta Agirretxeren burukada langara joan zen; langa jo ondoren Demichelisek sare barrura bidali zuen baloia. Argentinarrak bere atean sartutako golari esker 1-0 irabazten hasi zen etxeko taldea.
Golak Realari indarra eman beharrean Malagari eman zion. Pellegrinik zuzentzen duen taldeak erasora jo zuen berdinketaren bila eta Rondonen burukada bati esker 1-1ekoa jarri zuten. Berdinketa eta gero, gol aukera bana izan zuen talde bakoitzak, baina ez zutenez asmatu neurketa 1-1ekoarekin iritsi zen atsedenaldira.
Bigarren zatiaren hasieran Malaga izan zen nagusi. Reala lokartuta atera zen eta 58. minutuan Sebas Fernandez ‘Seba’k 1-2koa sartu zuen Mikel Gonzalezek defentsan egindako huts batez baliatuz. Zail jarri zen partida Realarentzat eta etxeko taldeak joko aldetik ez zuen ezer asko erakusten.
Partida kontrolpean zuen Malagak eta bazirudien andaluziarrek garaipena eramango zutela. Baina, 85. minutuan Carlos Velak area barruan kontrola egin eta ateari bizkarra ematen ari zela txilenaz berdinketaren gola egin zuen (2-2). Gol hau sartuta gora joan zen Reala garaipenaren bila eta lortu zuten. 90. minutuan Ifran Malagak defentsan egindako akatsaz baliatu zen 3-2koa sartzeko. Gol hau eta gero ez zen gehiagorako denborarik egon eta Realak hiru puntuak eskuratu zituen.
Fitxa teknikoa:
Reala: Bravo; Carlos Martinez, Mikel Gonzalez, Iñigo Martinez, Estrada (Llorente, min. 81); Aranburu (Ifran, min. 74), Elustondo, Griezmann, Zurutuza (Pardo, min. 85), Vela; Agirretxe.
Malaga: Willy Caballero; Monreal, Mathijsen, Demichelis, Sergio Sanchez (Camacho, min. 86); Duda, Toulalan, Isco, Cazola (Apoño, min. 64); Rondon (Van Nistelrroy, min. 74) eta Sebas Fernandez.
Epailea: Turienzo Álvarez (Castilla-León).
Golak: 1-0, min. 10: De Michelis (p.p.). 1-1, min. 20: Rondon. 1-2, min. 60: Sebas Fernandez. 2-2, min. 89: Carlos Vela. 3-2, min. 90: Diego Ifran.
Zure interesekoa izan daiteke
Yangel Herrera Atletico Madrilen aurkako partidari buruz: “Gustuko ditugu partida hauek; garaipen handi bat oparitu nahi diegu zaleei”
Yangel Herrerak prentsaurrekoa eman du ostegun arratsaldean. Bertan, "pozik eta gozatzen" ari dela eta iragan denboraldia atzean utzi nahi duela esan du. Europa Ligaz eta Atletico Madrilen aurkako partidaz ere aritu da. (Bideoa gazteleraz)
Realak Granadan galdu du (3-2), eta punturik batu ezinik jarraitzen du Moeve F Ligan
Gorka Alvarezen taldeak, Carlota Chaconek eta Klara Cahynovak sartutako golen bidez, bi aldiz berdindu zituen Granadaren abantailak, baina, bigarren zatiaren hasieran, Andaluziako taldeak hirugarren gola egin zuen, erabakigarria. Realak, txapelketako bi partida jokatuta, ez du punturik, oraindik.
Igor Zubeldia: “Talde honek bukaerara arte ez duela etsitzen erakutsi da”
Igor Zubeldia Realeko jokalariak taldeak Elxen lortutako garaipena baloratu du partida amaieran. Amaierara arte erakutsitako jarrera azpimarratu du atzelari txuri-urdinak.
Sucicek hamarrekin erreskatatu du Reala, Elxen jokatutako partida ero batean (2-3)
Kroaziarrak azken minutuetan sartutako gol batek garaipen handia eman die txuri-urdinei, 0-2 aurreratu eta Jon Martinen kanporaketaren ostean, eta Elxek partida nola berdindu duen ikusi ondoren.
Matarazzo: “Taldearen alde erasokorra ikusi nahi dut"
Realak Elxen aurka jokatuko du, astelehenean, EA Sports Ligako 4. jardunaldiko partida.
Soroetak puntu bat salbatu du Sanserentzat Zubietan (1-1)
Bigarren zatian berdegunean sartu den Donostiako aurrelariak Fabriciok Teneriferentzat sartu duen gola berdindu du, partidaren azken txanpan atezainaren gainetik ondo errematatu ondoren.
Realak ofizialki aurkeztu du Gorka Alvarez
Gorka Alvarez entrenatzaile lasartearrak ilusio handiz hartu du Realeko emakumeen lehen taldea zuzentzeko ardura. Bestalde, Maider Castillo Realeko Futbol arduradunak kritikatu egin du Arturo Ruizek denboraldia hasi ostean utzi izana kluba.
Heart of Midlothian, Eskoziako txapelduna, Realaren aurkaria Europa Cupeko atarikoan
Gorka Alvarezen taldeak Heartsen aurka neurtuko ditu indarrak irailaren 22 edo 23an eta irailaren 30an edo urriaren 1an. Joaneko partida Edinburgon jokatuko du; itzulikoa, Donostian.
Jon Martin: “Golak ez dira sartu, baina kontentu defentsan egin dugun lanarekin”
Realak hutsean utzi du markagailua Anoetan, Celtaren aurkako partidan. Ez dira gutxi izan gola sartzeko izan dituzten aukerak, batzuk argiak. Hala ere, Jon Martin kontentu agertu da defentsa lanarekin.
Golik gabeko berdinketa Realaren eta Celtaren artean (0-0)
Markagailua ez da mugitu ate aurrean bietako batek ere ez baitu asmatu. Realak eraman du jokoaren pisua lehen zatian, baina Celtak lehia orekatu du atsedenaldiaren ostean.