Athletic Club
2025/03/15 - 15:26
Valverde: ''Egia da Europako partiden ostean irabaztea kostatzen zaigula, baina behin bakarrik galdu dugu''
Athleticek Sevillaren aurka jokatuko du igandean, Sanchez Pizjuan estadioan (16:15), eta Ernesto Valverde entrenatzaileak agerraldia egin du neurketa horren atarian.
2025/03/15 - 15:23
Aitor Paredes azken orduko baja da, lesio muskular baten ondorioz
Valverdek Ander Izagirre Bilbao Athleticeko erdiko atzelaria sartu du zerrendan haren ordez. Sancetek eta Vivianek euren errekuperazio prozesuekin jarraitzen dute.
2025/03/13 - 23:15
Yuri: ''Garrantzitsuena San Mamesen egon den giroa izan da''
Yuri Berchiche Athleticeko jokalariak San Mamesen jokatu den Europa Ligako final-zortzirenetako itzuliko partidan Erromaren aurka lortutako garaipenaz (3-1) hitz egin du.
2025/03/13 - 21:47
Athleticek buelta eman dio Erromaren aurkako kanporaketari eta Europa Ligako final-laurdenetan da (3-1)
Nicoren bi golekin eta Yuriren beste batekin, zuri-gorriek buelta eman diote joaneko partidako kontrako emaitzari (2-1) eta aurrera egin dute txapelketan. Final-laurdenetan Rangers izango dute aurkari.
2025/03/13 - 19:19
Athleticeko zaleek sinetsi egiten dute garaipenean, Erromaren aurkako kanporaketan, eta taldea agurtu dute
Talde zuri-gorriaren ehunka zale Mouya plazan batu dira, jokalariak eta entrenatzaileak izan diren hotelean, Athletic autobusean igo denean.
2025/03/13 - 19:04
Tentsio uneak izan dira Erromako zaleen eta Ertzaintzaren artean, San Mamesen inguruan
Italiatik iritsitako 2.000 bat zale dabiltza Bilbon, Erroma animatzea helburu, eta segurtasun neurri handiak izan dira estadiora sartu direnean; San Mamesen ondoan, tentsio uneak izan dira, ertzainen eta zaleen artean.
2025/03/13 - 15:41
Athleticen eta Erromaren zaleen pronostikoak, San Mameseko partidari begira
Athletic eta Erroma nor baino nor gehiago ariko dira San Mamesen, 18:45ean, final-zortzirenetako itzuliko partidan. Neurketa baino ordu batzuk lehenagotik bi taldeen zaleak dabiltza Bilbon. Hauxe da norgehiagokari hartzen dioten itxurra.
2025/03/12 - 21:12
Athleticen zaleak Lezamara joan dira, talde zuri-gorria animatzeko, Erromaren aurkako partidaren atarikoan
Ehunka zale izan dira, asteazkenean, Athleticen azken entrenamenduan. Ostegunean, Bilboko taldea, San Mamesen, saiatuko da Europa Ligako final laudeneterako sailkatzen, joaneko 2-1ekoaren ostean.
2025/03/12 - 15:14
De Marcosek eta Valverdek finaltzat jotzen dute Erromaren aurkakoa; bajak izan arren, baikorrak dira
Oscar De Marcos Athleticeko jokalariak eta Ernesto Valverde talde zuri-gorriaren entrenatzaileak Erromaren aurkako Europa Ligako final-zortzirenetako itzuliko partidari buruz hitz egin dute Lezamako prentsa-aretoan. (Adierazpenak, gaztelaniaz)
2025/03/11 - 23:46
Athleticek "kontu bideraezinak" antzematen ditu ICCHk Erromaren aurka animatzeko egindako proposamenean
Astearteko azken orduan zabaldutako agiri ofizialean, Athleticek azaldu du klubak eta Iñigo Cabacas Herri Harmailaren ordezkariek bilera egin dutela, arratsaldean; klub zuri-gorriak beste bilera bat proposatu du, aste honetarako, eta nabarmendu du: "Beti dugu irekita elkarrizketarako atea".
2025/03/11 - 16:34
Hesiak jarri dituzte San Mamesen, Athletic-Erroma partidan segurtasuna indartzeko, eta finalerako proba gisa
San Mameseko zabaldegian, hesiak ipini dituzte, ostegunean, hilaren 13an, Athleticek eta Erromak jokatuko duten Europa Ligako neurketarekin lotutako segurtasuna indartzea helburu. Gainera, proba gisa baliatuko dute, Bilboko zelaian maiatzaren 21ean jokatuko duten finalari begira.
2025/03/10 - 13:16
Ane Elexpuruk 2027ra arte jarraituko du Athleticen
Futbolari bilbotarra 2018-2019 denboraldian iritsi zen taldera Bizkerre FT taldetik. Joan denboraldiaz gero, lehen taldean ari da buru-belarri.
2025/03/09 - 21:52
Andoni Gorosabel: ''Hiru puntuak nahi genituen; orain, Erroman pentsatu behar dugu''
Athleticek bana egin du Mallorcarekin San Mamesen, EA Sports Ligako 27. jardunaldiko partidan.
2025/03/09 - 21:44
Sancetek Ligako otsaileko jokalari onenaren saria jaso du
Oihan Sancet Athletic Clubeko jokalariak Ligako otsaileko jokalari onenaren saria jaso du igande honetan, zuri-gorriek Mallorcaren aurka jokatu duten partidaren aurretik.
2025/03/09 - 21:43
Athleticek ezin izan du Mallorcaren aurkakoan San Mamesen (1-1)
Jagoba Arrasateren taldea jarri da aurretik markagailuan, Raillok bigarren zatian buruz gol ederra eginda. Nico Williamsek bi minutu geroago sartu du berdinketaren gola, baina Athleticek ez da gai izan emaitza iraultzeko.
2025/03/09 - 18:42
Athletic, sendo goiko postuetan Granada menderatuta (0-2)
Athleticek 0-2 irabazi du Granadan. Ane Azkonaren eta Maddi Torreren golei esker, talde zuri-gorria sailkapeneko goiko postuei lotu zaie.
2025/03/08 - 14:34
Valverde: ''Mallorcaren aurkako partida Erroman pentsatuz planteatzen badut, galdu egingo dugu''
Ernesto Valverde Athleticeko entrenatzaileak esan du igandean Mallorcari aurre egiteko hamaikakorik lehiakorrena jarriko duela zelaian, osteguneko Erromaren kontrako Europa Ligako itzuliko neurketan pentsatu gabe.
2025/03/07 - 20:27
Vivianek giharretako lesioa du, eta baja ia segurua da Erromaren aurkako itzuliko partidarako
Horrenbestez, Ernesto Valverde entrenatzaileak partidaren amaieran giharretako arazoaz esandakoa baieztatu da, oso zaila ikusten baitzuen erdiko atzelaria itzuliko partidarako prest egotea.
2025/03/07 - 00:57
Unai Gomez: ''Krudela da horrela galtzea''
Unai Gomez Athleticeko jokalariak Erromaren aurka Europa Ligako final-zortzirenetako joaneko partidan azken segundoan jasotako porrotaz (2-1) hitz egin du.
2025/03/07 - 00:01
Athleticek Erromaren aurka galdu du, eta buelta eman beharko dio kanporaketari San Mamesen (2-1)
Iñaki Williamsek aurretik jarri ditu bisitariak, baina Angeliñok eta Shomurodovek emaitza irauli dute, eta, ondorioz, zuri-gorriek kanporaketari buelta eman beharko diote San Mamesen.