Andoni Gorosabelek Athleticen jokatuko du 2028ra arte
Athleticek eta Andoni Gorosabelek akordioa lortu dute 2028ko ekainaren 30era arte. Gorosabel libre helduko da talde zuri-gorrira, Alavesetik; 37 partidatan hartu du parte, eta minutu gehien jokatu dituen bigarren futbolaria izan da Gasteizko taldean.
Gorosabelek (27 urte) 183 neurketa osatu ditu elitean, sei denboralditan Realarekin eta azken urtean Mendizorrotzan. Donostiarrekin jokatutako 146 partiden artean, 19 Europa Ligan izan dira, ekitaldi honetan Athletic Clubekin jokatuko duena. Sevillan Kopako txapeldun izan zen Realarekin, bere ibilbideko titulu bakarra.
"¿¿¿¿Erronka bat gehiago da nire ibilbidean, Athletic klub handia da, historia handikoa, Ligan eta Europan goian egoteko beti lehiatu dena, aukera polita da eta zelaian itzuli ahal izatea espero dut. Athleticek filosofia polita du, asko baloratzen da, lehiatu eta tituluak irabazi ahal izatea, kanpotik atentzioa deitzen du", esan du Gorosabelek lehoi gisa egindako bere lehen hitzetan.
Bestalde, Mikel Gonzalez futbol zuzendari nagusiak uste du fitxaketa berria "erasoan nabarmentzen den jokalaria dela, taldekideekin jokoan elkartzeko, barruko eremuetan jokatzeko eta aurkarien zelaian paseak lortzeko erraztasuna duena. Gure ustez, oso ondo osa daiteke daukagun hegaleko futbolarien profilarekin, eta taldeari erasoko baliabide gehiago eman. Denboraldi asko daramatza futbol profesionalean lehiatzen eta esperientzia du Europako txapelketetan. Denboraldi bikaina egin du Deportivo Alavesen".
Zure interesekoa izan daiteke
Athleticek bere munduko hiru txapeldunak eta De la Fuente omenduko ditu
Espainiako selekzioko hiru jokalari zuri-gorriek parte-hartze garrantzitsua izan zuten Munduko Kopako finalean, eta horiei Luis de la Fuente hautatzailea gehitu behar zaie, Athleticeko jokalari gisa aritutakoa.
Athleticek Sestao River hartu du mendean, denboraldiaurreko hirugarren neurketan (0-2)
4.000 bat zalek harmailak bete dituzte. Edin Terzicen taldeak garaipena lortu du Gorka Guruzetaren eta Oihan Sanceten golei esker. Zuri-gorriek hurrengo partida larunbatean jokatuko dute, Zamudion, Eibarren kontra.
Athleticek gol festaz gozatu du Leioan (0-11)
Athleticek 0-11 irabazi du Leioaren aurka larunbat honetan Jose Ignazio Azkueta zelaian jokatutako lagunartekoa. Golegileak Guruzeta (3), Djalo (2), Navarro (2), Berenguer eta Hierro (2) izan dira. Gainera, etxekoen defentsak gol bat sartu du bere atean. Ikusi hemen partidako gol guztiak.
Vivian eta Maroan Athleticen denboraldiaurreko baja zerrendan sartu dira
Atzelariak “lesioa du eskuin hankako aduktore luzean", eta aurrelariak, berriz, "lesioa du ezker belauneko artikulazio tibioperoneoan", klubak jakinarazi duenez.
Edin Terzicen Athletic berriak ilusioa berpiztu du zale zuri-gorrien artean: “Proiektu oso ona da”
Bilboko taldeak, ostegunean, Lezaman, zaleen aurrean egin du entrenamendua; 500 bat izan dira bertan. Edin Terzic entrenatzaile berriak utzitako lehen sentsazioak onak dira, EITBk egin dituen elkarrizketetan ikusten denez.
Terzicen Athleticek Derio garaitu du denboraldiaurreko lehen partidan (0-3)
Athleticek denboraldiaurreko lehen lagunartekoa jokatu du gaur Derioren aurka Portugaleten. Terzicen taldea garaile atera da 0-3ko markagailuarekin, eta hiru golak bigarren zatian iritsi dira. Maroan Sannadik zelaia utzi du, belaunetako batean min hartu du eta.
Athletic lanean hasi da, Victor Martinen esanetara: “Taldea ausarta, erasokorra, joko alai eta ikusgarria izatea nahi dut”
Bizkaiko taldeak lehen entrenamendua egin du, Lezaman, entrenatzaile berriarekin. Irene Oguizak, kapitainetako bat bera, nabarmendu du garrantzitsua dela, denboraldiaurrean, jokalariak klubera iritsi berri den talde teknikora egokitzea.
Nico Serranok gihar-lesio arina du, eta ez da taldekideekin aritu
Jokalari nafarrak ezker hankako zuzen femorala du minduta.
Josean Lekuek Nico “ondo" dagoela ziurtatu du, eta iragan denboraldia esparru medikoan aspaldiko “txarrena" izan zela onartu du
Hala ere, "antzeko metodologiarekin", 2024-2025 denboraldian Athleticek laugarren amaitu eta Europa Ligako finalerdiak jokatu zituela, eta azken hamarkadako "onena" izan zela gaineratu du buruzagi mediko zuri-gorriak.
Urko Izetak Athletic utzi eta Cadizen jokatuko du
27 urteko jokalariak 16 partida ofizial jokatu zituen aurreko denboraldian Ernesto Valverderen aginduetara, horietatik hiru bakarrik titular gisa, eta gol bat sartu zuen.