Unai Simonek kontratua berritu du Athleticekin 2029ra arte
Unai Simonek kontratua berritu du Athleticekin 2029ko ekainaren 30era arte. Murgiako (Araba) atezainak etete klausularik gabe berritu du klubarekin lotzen zuen kontratua.
Horrela, bada, Unai Simon beste bost denboraldiz egongo da talde zurigorrian, 32 bete arte, hain justu ere.
Athleticek bere oharrean azpimarratu du Simon "atezain ikonikoa" dela eta balioan jarri du "bere ibilbide profesionalaren gailurrean" eta "etete klausularik gabe" berritu duela kontratua.
Bestalde, Simonek adierazi du "munduko atezainik onena izatea" gustatuko litzaiokeela, "baina klub honetako kide izanda". "Uste dut anbizio handiz jokatzea dela hori", erantsi du.
Ildo bereran, aitortu du "Athleticen tituluak irabaztea zaila" dela, baina, behin lortzen duzunean, Kopan gertatu zen bezala, guretzat ez ezik, zaleentzat ere, gauza zoragarria da, bakarra, eta uste dut horrek beste klub batzuetan irabazteak baino gehiago merezi duela", nabarmendu du.
Horrez gain, kontratua klausularik gabe berritu izana "maila honetara iristen lagundu didan jendeari eskerrak emateko modu bat" dela esan du.
"Oso pozik nago Athleticen, eta eskerrak emateko modurik onena hemen egotea da, klubak nahi duen arte. Berdin dio ze talde datorren, nire ideia hemen egotea da", berretsi du.
Zure interesekoa izan daiteke
Athleticek hamarrekin irabazi du Logroñon (0-1)
Athletic Clubek bigarren garaipena jarraian lortu du F Moeve Ligan igande honetan Logroñori etxetik kanpo irabazita, Maddi Torreren gol bati esker eta 15. minututik bat gutxiagorekin jokatu arren. (Bideoa gazteleraz).
Oihan Sancet: “Partida ikaragarria egin dugu"
Athleticek 3-0 irabazi dio Atletico Madril taldeari San Mamesen, EA Sports Ligako 4. jardunaldiko partidan. Nico Williams, Robert Navarro eta Oihan Sancet izan dira golegileak.
Athleticek garaipen handia lortu du San Mamesen, Atletico menderatuta (3-0)
Athleticen lehen bi golak bigarren zatiaren hasieran iritsi dira, bata bestearen atzetik izandako bi jokalditan; Nico Williams eta Robert Navarro izan dira golegileak. Hirugarrena, berriz, Oihan Sancetek sartu du, neurketaren azken txanpan.
Terzic: “Ez dago talde garaiezinik, eta, are gutxiago, etxean jokatzen badugu”
Athleticek Atletico Madril hartuko du larunbatean San Mamesen. Edin Terzicek adierazi du badakiela aurkariak maila handia duela, baina esan du Bilboko taldea prest dagoela onenei aurre egiteko.
Adama Boiro West Ham United taldean arituko da, Athleticek utzita
Ezker hegaleko atzelaria 2026-2027 denboraldian ibiliko da Londresko klubean; hori bai, taldek jokalaria erosteko aukera izango du. West Ham United Championshipen dabil lehian, alegia, Ingalaterrako bigarren mailan.
Unai Vencedorrek Athleticekin zuen kontratua eten eta Burgosen jokatuko du
Errekaldeko erdilariak amaiera eman dio Athleticeko etapari, 82 partida ofizial jokatuta eta Superkopa bat irabazita.
Andoni Gorosabelek Espanyolen jokatuko du, Athleticek utzita
Eskuin hegaleko atzelari arrasatearra 2026-2027 denboraldian arituko da Kataluniako klubean; gainera, Espanyolek helburuei lotutako nahitaezko erosketa-aukera du.
Iñaki Williamsek eta Unai Simonek klubarekin duten arazoaz hitz egin dute
Iñaki Williams eta Unai Simon Athletic Clubeko jokalariek jokalarien eta klubaren arteko egungo egoeraz hitz egin dute, eta atsekabea "jokalariena bakarrik ez" dela eta "elkarrizketa bat egiteke" dutela azpimarratu dute.
Iñaki Williams: “Hau da jarraitu beharreko bidea"
Athletic Clubeko jokalariak Celtaren aurkako garaipenari buruz hitz egin du (0-2) EA Sports Ligako 3. jardunaldian. Pozik agertu da taldeak egindako partida onagatik, batez ere lehen zatian.
Athleticek mamuak uxatu ditu Celtari irabaziz (0-2)
Lehen zati ikusgarria egin dute lehoiek, eta aurkaria baino askoz gehiago izan dira. Berenguer eta Navarroren golekin, denboraldiko lehen garaipena lortu dute.