Athleticek porrot egin du Valentziaren kontra (1-0), eta agur esan dio bolada onari
Athleticek porrot egin du Valentziaren aurka, 1-0, Mestallan urtarrilaren 20an jokatutako EA Sports Ligako 20. jardunaldiko partidan. Zuri-gorriek hamaika partida zeramatzaten Ligan galdu gabe, baina bolada ona Valentzian eten da.
Erritmo biziarekin hasi da norgehiagoka, baina bi taldeei kosta egin zaie abagune argiak sortzea. Fran Perezek eman du etxeko taldearen lehen abisua, kanpora joan zaion jaurtiketa baten bidez, eta Athleticen erantzuna jarraian etorri da; Nico Williamsen jaurtiketa, jokaldi on baten ostean, Mamardashvili atezainak gelditu du. 14. minutuan, Sergi Canosek min hartu du, eta ezin izan du jarraitu; Yaremchuk zelairatu da haren ordez.
Nico Williamsek izan du gola sartzeko lehen aukera argia, baina area barrutik egindako errematea Mamardashvilik gelditu du. Azken ordu-laurdenean, ordea, hobeto ibili da Valentzia. Athletici sufritzea egokitu zaio; hala ere, zuri-gorriak sendo egon dira defentsako lanean, eta partida golik gabe heldu da atsedenaldira (0-0).
Bigarren zatiaren hasieran, neurketako lehen gola sartzeko abagune argia izan du Bilboko taldeak, baina Sanceten errematea kanpora joan da oso gutxigatik. Ondoren, Athletic izan da baloiaren jabe. Dena den, zuri-gorriak ez dira fin ibili azken pasea emateko orduan.
Pixkanaka-pixkanaka, Valentzia Unai Simonek babestutako ate ingurura iristen hasi da, eta etxeko taldeak gola sartu du 61. minutuan: Hugo Durok jarri du 1-0ekoa markagailuan, hegaletik egindako erdiraketa buruz sare barrura bidalita.
Gola jaso ostean, erasora jo du Valverderen taldeak. Unai Gomez gola egitetik gertu egon da 79. minutuan, baina Mamardashvilik saihestu du bermeotarraren gola.
Azken unera arte saiatu da Athletic, baina etxeko taldeak ondo kudeatu ditu azken minutuak, eta Valentziak hiru puntuak poltsikoratu ditu.
Fitxa teknikoa:
1. Valentzia: Mamardashvili, Foulquier, Gabriel Paulista, Mosquera, Gaya; Pepelu, Guillamón, Canós (Yaremchuk, 14. min) (Javi Guerra, 83. min), Fran Perez (Thierry, 70. min); Diego Lopez (Jesus Vazquez, 83. min) eta Hugo Duro.
0. Athletic Club: Unai Simon, Yuri, Paredes, Vivian, Lekue; Herrera (Ruiz de Galarreta, 62. min), Prados (Unai, 69. min), Sancet (Raúl García, 79. min), Berenguer, Nico Williams (Ares, 79. min) eta Guruzeta (Villalibre, 69. min).
Gola: 1-0, 61. min: Hugo Duro.
Epailea: Pulido Santana. Txartel horia atera die Nico Williams, Ares eta Vivian Athleticeko jokalariei.
Zure interesekoa izan daiteke
Nico Williams baja izango da datozen jardunaldietan; Jauregizarren lesioa, berriz, ez da larria
Talde zuri-gorriak argitaratutako mediku-txostenaren arabera, Williamsek kanpoko espezialista batekin landuko du pubalgia. Jauregizarren kasuan, berriz, egindako probekin ikusi dute ez duela lesio larririk, ez belauneko lotailuan, ezta meniskoan ere.
Valverde: "Nico ez dago % 100ean, eta hori arazo bat da berarentzat eta guretzat"
Athleticeko entrenatzaileak Williams anai txikiak dituen arazo fisikoei buruz hitz egin du.
Oihan Sancet: "Badakigu hiru puntuak lortzea zein zaila den eta oso pozik gaude"
Valverderen taldeak Oviedoren etxean lortutako garaipen garrantzitsua izan du hizpide Athleticeko jokalariak (1-2).
Athleticek markagailua irauli du Oviedoren aurka, eta Ligan gora begira jarri da (1-2)
Ilyas Chairak Asturiasko taldea aurreratu du lehenengo zatian; bigarrenean, Athleticek hobera egin du, Mikel Jauregizarrek gol ederra sartu du 1-1ekoa jartzeko, eta Oihan Sancetek, penaltiz, 1-2koa egin du. Jauregizar lesionatu egin da gola sartu duen jokaldian.
Oguiza: "Astean zehar partida asko izan ditugu, eta hori azkenean igarri egiten da"
Irene Oguiza Athleticeko jokalariaren adierazpenak, F Ligako 20. jardunaldiko Realaren aurkako derbia 0-2 galdu ondoren.
Valverde: "Ez dago kexatzeko astirik, Oviedorako prest egon behar dugu"
Athletic Clubeko entrenatzaileak Oviedoren aurka EA Sports Ligako 24. jardunaldian jokatuko duten partidaz hitz egin du.
FIFAk zerrenda beltzetik atera du Athletic
Horrela, Erregistroa Debekatzeko Zerrendatik ateratzeko eskatzen diren baldintzak betetzen dituela baieztatu du.
FIFAk Athletic sartu du bere zerrenda beltzean, eta 2028ra arte fitxatzea galaraziko lioke
Jatorria Pumas talde mexikarrak FIFAri helarazitako kexa batean dago, haien ustez, bilbotarrek ez zutelako zuzen jokatu Padilla atezaina berreskuratzeko prozesuan. Balizko zigorrak fitxaketak egin ahal izateko hiru leiho barne hartuko lituzke.
Valverde: "Guk baino baino hobeto jokatu dute, joko puntu bikainean daude eta aitortu beharra dago"
Realak 0-1 irabazi dio Athletici San Mamesen jokatu den Errege Kopako finalerdietako joaneko partida. Talde txuri-urdina zuri-gorria baino askoz hobeto ibili da kanporaketako lehen norgehiagokan, eta sari handiagoa ere merezi izan du Katedralean.
Gorka Iraizoz: "Kanporaketa berdinduta ikusten dut; bi taldeak daude indartsu eta ilusio handiz"
Athleticeko atezain ohiak Kopako hiru final jokatu zituen talde zuri-gorriarekin, 2009an, 2012an eta 2015ean; EITB harekin izan da, Bizkaiko taldeak eta Realak jokoan izango duten finalerdia hizpide.