Athleticek 125. urteurreneko kamiseta atera du
Athleticek 2023-24 denboraldirako kamiseta aurkeztu du ostiral honetan, taldeak bere 125. urteurrena beteko duen urtean erabiliko duena. Elastiko honek daramatzan marra zuri txikiagoek eta bost marra gorriek Castore (klubaren fabrikatzaile eta babesle berria) markarekin partekatzen dute protagonismoa.
Kamiseta Athleticek 125 urteko historian bizitako ibilbidean dago oinarrituta, marra zuri-gorri klasikoekin eta ezkutua ezkerreko goiko partean jarrita.
Klubaren 125. urteurrenak markatutako denboraldian, kamisetak oroitzapenezko logotipoa darama garondoan, ikurrin batekin batera, Athleticek bere lurrarekin, Euskal Herriarekin, duen lotura bereziaren ordezkari.
Ekipamendua osatzeko, lepo-mokoa eta ukabilak mahuketan, kolore-kontrastearekin, praka beltzak eta puntuzko galtzerdiak, goialdean erremate zuri-gorriak dituztenak.
Bestalde, atezainaren ekipamenduak Athleticeko atezainek jantzi ohi duten kolore beltz klasikoari eusten dio, marra zuri bertikalekin eta San Mameseko fatxadaren xehetasunekin.
Bestalde, Ruiz de Galarretaren aurkezpen prentsaurrekoa asteartean izango da San Mamesen, 11: 30ean. Erdilariaz gain, Jon Uriarte presidenteak eta Mikel Gonzalez Athleticeko futbol zuzendari nagusiak hartuko dute parte bertan.
Zure interesekoa izan daiteke
Naroa Uriartek 25 urterekin utziko du futbola, bi belauneetan lesio larriak izan ondoren
Bakioko jokalaria 2018an Munduko eta Europako 17 urtez azpiko txapeldun izan zen. Zazpi denboraldi eman ditu futbolaren maila gorenean. Talde zuri-gorriarekin 38 neurketa ofizial jokatu ditu eta, gainera, bi denboraldi eman ditu utzita Granadan. Igandean omenaldia egindo diote Lezaman.
Athleticek DUX Logroñori irabazi dio Las Gaunasen eta liga lehen zortzien artean amaitzea ziurtatu du (0-2)
Javi Lergak zuzentzen duen taldeak aurrea hartu du 15. minutuan, Ane Azkonak sartutako golari eskerz. Bigarren zatian, Maddi Torrek bigarren gola egin du 52. minutuan. Zuri-gorriek datorren denboraldian Erreginaren Kopako kanporaketa bat gutxiago jokatu beharko dute.
Naia Landaluzek 2028ra arte berritu du kontratua Athleticekin
Elastiko zuri-gorriarekin 100 partidatik gora jokatu dituen Orozkoko atzelariak beste bi denboraldiz luzatu du kontratua.
Valverde: “Hemen ikusi dut nire burua islatuta, aitortuta; klan bat gara eta hori da dagoena”
Larunbat honetan, Athleticek, Real Madrilen aurka neurtuko ditu, Valverderen azken partidan. Entrenatzaile zuri-gorria etxean egingo duen azken prentsaurrekoan agertu da eta partidaz, klubean izandako ibilbideaz eta Kopako garaipenaz hitz egin du bertan. (Bideoa gazteleraz).
Ane Azkonak Athleticen jarraituko du 2028ra arte
Aurrelari nafarrak hamar urte beteko ditu azaroan debuta egin zuenetik, eta bi denboraldiz luzatu du kontratua.
Athleticek bana egin du Celtarekin, aurtengo Ligan San Mamesen jokatu duen azken partidan
Swedbergek galiziarrak aurreratu ditu lehen zatian eta Iñaki Williamsek, berriz, berdinketa egin du bigarrenean. Valverderen eta Lekueren azken partida izan da Katedralean.
Valverde: "Iritsi gara lehen solairura, ea pixka bat gorago iritsi gaitezkeen"
Ernesto Valverdek, Athleticeko entrenatzaileak, "zapore onarekin" agur esan nahi duela azpimarratu du, Celtaren aurka garaipena eskuratuta; denboraldi "zail" baten ostean San Mamesen jokatuko duen azken partida izango baita.
Egiluzek min hartu du berriro eskuineko belaunean
Erdiko atzelariak haustura du berriro eskuin belauneko aurreko lotailu gurutzatuko plastian.
Dani Vivianek bihurdura bat dauka orkatilan, eta Celtaren aurkako partidarako baja izan daiteke
Athleticeko atzelaria, asteazkenean, Bartzelonan, Espanyolen aurka jokatutako partidaren atsedenaldian kendu behar izan zuen Ernesto Valverdek. Vivianek bere eskuineko orkatilaren kanpoko alboko lotailuan lesio bat du.
Yeray Alvarez: “Taldea minduta dago, baina aurrera begiratzea besterik ez zaigu geratzen"
Athleticek 2-0 galdu du Espanyolen aurka, eta horrek "inoren lurraldean" egotetik atera ditu, Yeray Alvarezek azaldu duenez. EA Sports Ligan bizi den egoera kontuan hartuta, atzelariak argi dauka: "Final bati bezala begiratu behar diogo Celtaren aurkako partidari".