Ghanako selekzioarekin arituko dela baieztatu du Iñaki Williamsek
Iñaki Williams Athleticeko aurrelariak astearte honetan iragarri duenez, Ghanako selekzioarekin jokatuko du "gaurtik aurrera", beraz, litekeena da Qataren jokatuko den hurrengo Munduko Txapelketan egotea bere gurasoak jaio ziren herrialdeko selekzioarekin.
28 urteko aurrelariak, 21 urtez azpiko selekzioan hainbat partida jokatutakoak, 2016ko maiatzaren 29an egin zuen debuta Espainiako selekzioarekin, Vicente del Bosqueren eskutik, baina ez partida ofizialean, baizik eta Bosniaren aurkako lagunarteko partida batean.
"Gaur erronka handi bat hasten da. Gaurtik aurrera, Ghanaren kamiseta defendatuko dut nire balioak presente ditudala, eta beti nire onena emanez. Hala, 'The Black Stars (Izar beltzak)' taldeko beste bat naiz", adierazi du Bilbon jaiotako aurrelariak sare sozialetan argitaratutako bideo batean.
Bideoan, Williams anaietako zaharrenak -Nico txikiak ere Athleticen jokatzen du- gogoeta egiten du bere bizitzaz, familiaz eta Ghanarekin aritzera bultzatu duten arrazoiez.
"Bizitzan ematen dugun urrats bakoitzak esanahi bat du, eboluzio bat, etorkizunari begirada bat, eta horrek aztarna bat uzten du, ondare bat. Gurasoek umiltasunean, errespetuan eta maitasunean oinarritutako balioak irakatsi dizkidate beti. Haiek erakutsi didate nola egin behar diodan aurre bizitzari, pertsona eta profesional gisa hobetzeko hazten eta lan egiten jarraitzeko etengabeko borroka honetan", adierazi du.
"Horrexegatik sentitzen dut garaia iritsi dela nire sustraiekin eta neure buruarekin bat egiteko, eta Afrikak eta Ghanak nire familiarentzat eta niretzat esan nahi duten guztiarekin", gaineratu du.
Zure interesekoa izan daiteke
Alejandra Estefaniari ebakuntza egin diote berriro eskuineko belaunean
Erdilari zuri-gorriari artroskopia egin diote eskuin belaunean. Jokalariak larri lesionatu zen eskuin belaunean 2024ko irailean.
Athleticek Elx menderatu du, Guruzetak bi gol sartuta, eta hiru garaipen jarraian lortu ditu Ligan (2-1)
Aurrelari donostiarrak 64. minutuan egin du 1-0ekoa, Andre Da Silvak jarri du 1-1ekoa, penaltiz, eta 89.ean egin du Guruzetak Athleticen bigarrena, penaltiz. Valverderen taldeak, horrela, Ligako azken 4 partidetan jokoan izan dituen 12 puntuetatik 10 poltsikoratu ditu.
Ane Campos, berriro Ipuruan, Eibar-Athletic derbian: “Partida gogorra izango da, xehetasunek erabakiko dute”
Aurrelari gipuzkoarrak, lehen itzulian, gol bat egin zion bere talde ohiari; orain, aurrenekoz jokatuko du aurkari gisa Eibarren estadioan. Camposek EITBrekin hitz egin du, derbia aztergai; igandean izango da, 12:00etan, eta kirolakeitb.eus-ek eta ETB2k zuzenean emango dute.
Valverde: "Ez dugu sailkapenean ez gora ez behera begiratzen, gure buruari begira gaude"
Entrenatzaile zuri-gorriak baieztatu duenez, Dani Vivian jokatzeko prest izango da, giharretako arazo batengatik azken sei neurketa galdu ostean. Mikel Jauregizar, ordea, ezin izango du zelairatu, igandean Carlos Tartieren min hartu ondoren.
Unai Egiluz, Athleticeko jokalaria: "Taldearekin itzultzeko prest nago"
Unai Egiluz Athleticeko jokalaria gaur itzuli da entrenamenduetara, lesio luze baten ostean. Oso pozik agertu da prentsaurrekoan, lanerako gogoz.
Nico Williams baja izango da datozen jardunaldietan; Jauregizarren lesioa, berriz, ez da larria
Talde zuri-gorriak argitaratutako mediku-txostenaren arabera, Williamsek kanpoko espezialista batekin landuko du pubalgia. Jauregizarren kasuan, berriz, egindako probekin ikusi dute ez duela lesio larririk, ez belauneko lotailuan, ezta meniskoan ere.
Valverde: "Nico ez dago % 100ean, eta hori arazo bat da berarentzat eta guretzat"
Athleticeko entrenatzaileak Williams anai txikiak dituen arazo fisikoei buruz hitz egin du.
Oihan Sancet: "Badakigu hiru puntuak lortzea zein zaila den eta oso pozik gaude"
Valverderen taldeak Oviedoren etxean lortutako garaipen garrantzitsua izan du hizpide Athleticeko jokalariak (1-2).
Athleticek markagailua irauli du Oviedoren aurka, eta Ligan gora begira jarri da (1-2)
Ilyas Chairak Asturiasko taldea aurreratu du lehenengo zatian; bigarrenean, Athleticek hobera egin du, Mikel Jauregizarrek gol ederra sartu du 1-1ekoa jartzeko, eta Oihan Sancetek, penaltiz, 1-2koa egin du. Jauregizar lesionatu egin da gola sartu duen jokaldian.
Oguiza: "Astean zehar partida asko izan ditugu, eta hori azkenean igarri egiten da"
Irene Oguiza Athleticeko jokalariaren adierazpenak, F Ligako 20. jardunaldiko Realaren aurkako derbia 0-2 galdu ondoren.