Williamsek jarraian jokatutako partiden marka berdindu du
Iñaki Williams Athleticeko jokalariak Valentziaren aurka jokatu du larunbat honetan, Mestallan, eta, hala, LaLigako 202 partida kateatu ditu bata bestearen atzetik. Ondorioz, Juan Antonio Larrañaga Realeko jokalari historikoak 1992tik zeukan marka berdindu du.
2016ko apirilaren 20an, San Mamesen jokatutako Atletico Madrilen aurkako partida batean, hasi zuen aurrelari bilbotarrak etenik gabeko agerpen sorta hori.
Ordutik, aurrelari zuri-gorriak denboraldi hartako gainerako lau partidetan parte hartu zuen, baita 2016-2017, 2017-2018, 2018-2019, 2019-2020 eta 2020-2021 denboraldietako neurketa guztietan ere, eta, azkenik, Athleticek orain arte denboraldi honetan jokatu dituen zazpi jardunaldietan ere.
Oraingoz, Williamsek jarraian jokatu dituen 202 partidetatik (guztira 241 lehiatan parte hartu du), 168 alditan hasieratik ekin die norgehiagokei. Hala, gainerako 34 lehiatan aulkitik sartuta parte hartu du. Tarte horretan 39 gol sartu ditu.
Horrenbestez, 5 urte, 5 hilabete eta 5 egun geroago, Athleticeko aurrelaria orain arte Larrañagak bakarka zeukan sailkapen historiko horretako lehen postura iritsi da gaur. Realeko atzelariak 1986-1987 eta 1991-1992 denboraldien artean lortu zuen bere errekorra ezartzea.
Zure interesekoa izan daiteke
Naroa Uriartek 25 urterekin utziko du futbola, bi belauneetan lesio larriak izan ondoren
Bakioko jokalaria 2018an Munduko eta Europako 17 urtez azpiko txapeldun izan zen. Zazpi denboraldi eman ditu futbolaren maila gorenean. Talde zuri-gorriarekin 38 neurketa ofizial jokatu ditu eta, gainera, bi denboraldi eman ditu utzita Granadan. Igandean omenaldia egindo diote Lezaman.
Athleticek DUX Logroñori irabazi dio Las Gaunasen eta liga lehen zortzien artean amaitzea ziurtatu du (0-2)
Javi Lergak zuzentzen duen taldeak aurrea hartu du 15. minutuan, Ane Azkonak sartutako golari eskerz. Bigarren zatian, Maddi Torrek bigarren gola egin du 52. minutuan. Zuri-gorriek datorren denboraldian Erreginaren Kopako kanporaketa bat gutxiago jokatu beharko dute.
Naia Landaluzek 2028ra arte berritu du kontratua Athleticekin
Elastiko zuri-gorriarekin 100 partidatik gora jokatu dituen Orozkoko atzelariak beste bi denboraldiz luzatu du kontratua.
Valverde: “Hemen ikusi dut nire burua islatuta, aitortuta; klan bat gara eta hori da dagoena”
Larunbat honetan, Athleticek, Real Madrilen aurka neurtuko ditu, Valverderen azken partidan. Entrenatzaile zuri-gorria etxean egingo duen azken prentsaurrekoan agertu da eta partidaz, klubean izandako ibilbideaz eta Kopako garaipenaz hitz egin du bertan. (Bideoa gazteleraz).
Ane Azkonak Athleticen jarraituko du 2028ra arte
Aurrelari nafarrak hamar urte beteko ditu azaroan debuta egin zuenetik, eta bi denboraldiz luzatu du kontratua.
Athleticek bana egin du Celtarekin, aurtengo Ligan San Mamesen jokatu duen azken partidan
Swedbergek galiziarrak aurreratu ditu lehen zatian eta Iñaki Williamsek, berriz, berdinketa egin du bigarrenean. Valverderen eta Lekueren azken partida izan da Katedralean.
Valverde: "Iritsi gara lehen solairura, ea pixka bat gorago iritsi gaitezkeen"
Ernesto Valverdek, Athleticeko entrenatzaileak, "zapore onarekin" agur esan nahi duela azpimarratu du, Celtaren aurka garaipena eskuratuta; denboraldi "zail" baten ostean San Mamesen jokatuko duen azken partida izango baita.
Egiluzek min hartu du berriro eskuineko belaunean
Erdiko atzelariak haustura du berriro eskuin belauneko aurreko lotailu gurutzatuko plastian.
Dani Vivianek bihurdura bat dauka orkatilan, eta Celtaren aurkako partidarako baja izan daiteke
Athleticeko atzelaria, asteazkenean, Bartzelonan, Espanyolen aurka jokatutako partidaren atsedenaldian kendu behar izan zuen Ernesto Valverdek. Vivianek bere eskuineko orkatilaren kanpoko alboko lotailuan lesio bat du.
Yeray Alvarez: “Taldea minduta dago, baina aurrera begiratzea besterik ez zaigu geratzen"
Athleticek 2-0 galdu du Espanyolen aurka, eta horrek "inoren lurraldean" egotetik atera ditu, Yeray Alvarezek azaldu duenez. EA Sports Ligan bizi den egoera kontuan hartuta, atzelariak argi dauka: "Final bati bezala begiratu behar diogo Celtaren aurkako partidari".