Dena prest da Ibaiganen, bazkideek Athleticeko presidente berria hauta dezaten
Atzera kontua hasi da jada Ibaiganen Athleticeko presidente berria zein izango den aukeratzeko lehian. Asteazken honetan eman zaio amaiera hauteskunde-kanpainari ETBn egindako elkarrizketekin, eta hortaz, gaur, abenduak 27, Alberto Uribe-Echevarriaren edo Aitor Elizegiren alde egiteko eguna iritsi da. Jarraipena edo aldaketa. Aurki izango dugu erantzuna.
Bitartean, jarrai itzazue jardunaldiko berritasun guztiak, hautagaien botoak eta askoz gehiago, hemen, eitb.eus webgunean.
"Bazkideak dira hitza hartu behar dutenak eta jada informazio nahiko dute erabakia hartu ahal izateko. Ez nago ez kezkatuta ezta lasai ere, soilik zain", azaldu du Uribe-Echevarriak goizeko 10:00ak inguruan bere botoa eman ostean. "Goiz da oraindik estatistikaren inguruko ondorioak ateratzeko" adierazi du hautagaiak, hala ere, esan duenez, "jende nahiko hurbiltzen ari da Ibaigane Jauregira eta jardunaldi bukaera arte horrela izatea espero dut".
Eguerdiko 11:45ak inguruan, Aitor Elizegik ere bere botoa eman du zera azpimarratuz: "hauteskundeak baloia geldi dagoenean egin beharko lirateke".
Gaurko gaueko 21:00ak arte dute izango dute bazkideek botoa eman ahal izateko aukera. Bestalde, gogoratu, gaur, 22.15etatik aurrera programa berezia izango dugula zuzenean ETB4n eta eitb.eus webgunean hauteskundeek bere horretan eman duten guztiaren inguruan. Ez ezazue galdu.
Zure interesekoa izan daiteke
Alejandra Estefaniari ebakuntza egin diote berriro eskuineko belaunean
Erdilari zuri-gorriari artroskopia egin diote eskuin belaunean. Jokalariak larri lesionatu zen eskuin belaunean 2024ko irailean.
Athleticek Elx menderatu du, Guruzetak bi gol sartuta, eta hiru garaipen jarraian lortu ditu Ligan (2-1)
Aurrelari donostiarrak 64. minutuan egin du 1-0ekoa, Andre Da Silvak jarri du 1-1ekoa, penaltiz, eta 89.ean egin du Guruzetak Athleticen bigarrena, penaltiz. Valverderen taldeak, horrela, Ligako azken 4 partidetan jokoan izan dituen 12 puntuetatik 10 poltsikoratu ditu.
Ane Campos, berriro Ipuruan, Eibar-Athletic derbian: “Partida gogorra izango da, xehetasunek erabakiko dute”
Aurrelari gipuzkoarrak, lehen itzulian, gol bat egin zion bere talde ohiari; orain, aurrenekoz jokatuko du aurkari gisa Eibarren estadioan. Camposek EITBrekin hitz egin du, derbia aztergai; igandean izango da, 12:00etan, eta kirolakeitb.eus-ek eta ETB2k zuzenean emango dute.
Valverde: "Ez dugu sailkapenean ez gora ez behera begiratzen, gure buruari begira gaude"
Entrenatzaile zuri-gorriak baieztatu duenez, Dani Vivian jokatzeko prest izango da, giharretako arazo batengatik azken sei neurketa galdu ostean. Mikel Jauregizar, ordea, ezin izango du zelairatu, igandean Carlos Tartieren min hartu ondoren.
Unai Egiluz, Athleticeko jokalaria: "Taldearekin itzultzeko prest nago"
Unai Egiluz Athleticeko jokalaria gaur itzuli da entrenamenduetara, lesio luze baten ostean. Oso pozik agertu da prentsaurrekoan, lanerako gogoz.
Nico Williams baja izango da datozen jardunaldietan; Jauregizarren lesioa, berriz, ez da larria
Talde zuri-gorriak argitaratutako mediku-txostenaren arabera, Williamsek kanpoko espezialista batekin landuko du pubalgia. Jauregizarren kasuan, berriz, egindako probekin ikusi dute ez duela lesio larririk, ez belauneko lotailuan, ezta meniskoan ere.
Valverde: "Nico ez dago % 100ean, eta hori arazo bat da berarentzat eta guretzat"
Athleticeko entrenatzaileak Williams anai txikiak dituen arazo fisikoei buruz hitz egin du.
Oihan Sancet: "Badakigu hiru puntuak lortzea zein zaila den eta oso pozik gaude"
Valverderen taldeak Oviedoren etxean lortutako garaipen garrantzitsua izan du hizpide Athleticeko jokalariak (1-2).
Athleticek markagailua irauli du Oviedoren aurka, eta Ligan gora begira jarri da (1-2)
Ilyas Chairak Asturiasko taldea aurreratu du lehenengo zatian; bigarrenean, Athleticek hobera egin du, Mikel Jauregizarrek gol ederra sartu du 1-1ekoa jartzeko, eta Oihan Sancetek, penaltiz, 1-2koa egin du. Jauregizar lesionatu egin da gola sartu duen jokaldian.
Oguiza: "Astean zehar partida asko izan ditugu, eta hori azkenean igarri egiten da"
Irene Oguiza Athleticeko jokalariaren adierazpenak, F Ligako 20. jardunaldiko Realaren aurkako derbia 0-2 galdu ondoren.