Urrutiak babes handia lortu du Ohiko Batzar Nagusian
Josu Urrutia Athletic Club taldeko presidenteak babes handia lortu du denboraldi honetako aurrekontua onartzeko, % 80 ingurukoa, hain zuzen ere. Athletic Clubeko presidente denetik zuzendu duen zortzigarren Batzar Nagusia izan du honakoa, 4 urteko bigarren agintaldiaren azken.
Hasieran Urrutia bere aroari amaiera ematen ari zela bazirudien ere, azken momentuan bazkide bati emandako erantzunak ez du argi utzi etorkizunerako zein asmo dituen. Beraz, oraindik ez dakigu 2019ko hauteskundeetara aurkeztuko den.
Ohiko Batzar Nagusian, bazkideek 2017/18ko kontuak onetsi dituzte, botoen % 78,7 aldekoak izan baitira, eta 2018/19ko aurrekontuek bazkideen % 78,21en babesa jaso dute. Aurreko denboraldiko kontuek aldeko 484 boto eta aurkako 95 boto jaso dituzte, eta denboraldi honetako aurrekontuek, aldiz, 481 alde eta 92 kontra.
2017/18 denboraldian, 111,97 milioi euroko gastuak eta 191,01 milioi euroko sarrerak izan zituen Athleticek, Manchester Cityk Aymeric Laporte fitxatu zuenean ordaindutako 65 milioi euroak tartean.
2018/19 denboraldirako aurrekontua 128,9 milioi eurokoa izango da, eta 60 milioi euroko superabita espero da (Chelseak udan Kepa Arrizabalaga fitxatzeko ordaindutako 80 milioi euroak kontuan hartuta).
Kirol arloan, Urrutiak azken urteetan taldeak izandako lorpenak azpimarratu ditu: 6 urte Europan jokatzen (horietako bat, Txapeldunen Ligan), 2015ean Bartzelonaren aurka irabazitako Superkopa, Kopan jokatutako bi finalak eta 2012an jokatutako Europa Ligako finala.
Amaitzeko, ekonomia arloan, kluba "historiako momenturik onenean dago", gaineratu du.
Zure interesekoa izan daiteke
Alejandra Estefaniari ebakuntza egin diote berriro eskuineko belaunean
Erdilari zuri-gorriari artroskopia egin diote eskuin belaunean. Jokalariak larri lesionatu zen eskuin belaunean 2024ko irailean.
Athleticek Elx menderatu du, Guruzetak bi gol sartuta, eta hiru garaipen jarraian lortu ditu Ligan (2-1)
Aurrelari donostiarrak 64. minutuan egin du 1-0ekoa, Andre Da Silvak jarri du 1-1ekoa, penaltiz, eta 89.ean egin du Guruzetak Athleticen bigarrena, penaltiz. Valverderen taldeak, horrela, Ligako azken 4 partidetan jokoan izan dituen 12 puntuetatik 10 poltsikoratu ditu.
Ane Campos, berriro Ipuruan, Eibar-Athletic derbian: “Partida gogorra izango da, xehetasunek erabakiko dute”
Aurrelari gipuzkoarrak, lehen itzulian, gol bat egin zion bere talde ohiari; orain, aurrenekoz jokatuko du aurkari gisa Eibarren estadioan. Camposek EITBrekin hitz egin du, derbia aztergai; igandean izango da, 12:00etan, eta kirolakeitb.eus-ek eta ETB2k zuzenean emango dute.
Valverde: "Ez dugu sailkapenean ez gora ez behera begiratzen, gure buruari begira gaude"
Entrenatzaile zuri-gorriak baieztatu duenez, Dani Vivian jokatzeko prest izango da, giharretako arazo batengatik azken sei neurketa galdu ostean. Mikel Jauregizar, ordea, ezin izango du zelairatu, igandean Carlos Tartieren min hartu ondoren.
Unai Egiluz, Athleticeko jokalaria: "Taldearekin itzultzeko prest nago"
Unai Egiluz Athleticeko jokalaria gaur itzuli da entrenamenduetara, lesio luze baten ostean. Oso pozik agertu da prentsaurrekoan, lanerako gogoz.
Nico Williams baja izango da datozen jardunaldietan; Jauregizarren lesioa, berriz, ez da larria
Talde zuri-gorriak argitaratutako mediku-txostenaren arabera, Williamsek kanpoko espezialista batekin landuko du pubalgia. Jauregizarren kasuan, berriz, egindako probekin ikusi dute ez duela lesio larririk, ez belauneko lotailuan, ezta meniskoan ere.
Valverde: "Nico ez dago % 100ean, eta hori arazo bat da berarentzat eta guretzat"
Athleticeko entrenatzaileak Williams anai txikiak dituen arazo fisikoei buruz hitz egin du.
Oihan Sancet: "Badakigu hiru puntuak lortzea zein zaila den eta oso pozik gaude"
Valverderen taldeak Oviedoren etxean lortutako garaipen garrantzitsua izan du hizpide Athleticeko jokalariak (1-2).
Athleticek markagailua irauli du Oviedoren aurka, eta Ligan gora begira jarri da (1-2)
Ilyas Chairak Asturiasko taldea aurreratu du lehenengo zatian; bigarrenean, Athleticek hobera egin du, Mikel Jauregizarrek gol ederra sartu du 1-1ekoa jartzeko, eta Oihan Sancetek, penaltiz, 1-2koa egin du. Jauregizar lesionatu egin da gola sartu duen jokaldian.
Oguiza: "Astean zehar partida asko izan ditugu, eta hori azkenean igarri egiten da"
Irene Oguiza Athleticeko jokalariaren adierazpenak, F Ligako 20. jardunaldiko Realaren aurkako derbia 0-2 galdu ondoren.