San Mamesek 2020ko Eurokopako E multzoko hiru partida hartuko ditu
UEFAk ostegun honetan baieztatu du San Mames (Bilbo) 2020ko Eurokopako egoitza izango dela, eta E multzoko hiru partida hartuko dituela. Beraz, Bilbo E multzoko egoitza izango da Dublinekin batera eta final-zortzirenetako partida bat ere hartuko du Katedralak.
Gainera, UEFAk argitu duenez, "sailkatuta dagoen eta egoitza duen herrialde bakoitzak, gutxienez multzoen faseko bi partida jokatuko ditu etxean". Ondorioz, Espainiak 2020ko Eurokopara sailkatzea lortzen badu, gutxienez bi partida jokatuko ditu Bilbon.
UEFAren txostena
UEFAren Batzorde Exekutiboa ostegun honetan bildu da Nyonen (Suitza) duen Europako Futbolaren Etxean eta erabaki hauek hartu ditu:
UEFA EURO 2020
Burselak (Belgika) ez ditu bete UEFAren Batzorde Exekutiboak Eurostadiumari ezarritako baldintzak. Ondorioz, UEFAk erabaki du, Bruselan jokatu beharreko partidak (multzoen faseko hiru neurketa eta final-zortzirenetako bat) Londresek (Wembley) hartuko dituela. Gainera, baieztatzen dugu Wembleyn jokatuko direla finalerdiak eta finala, aurretik adostuta zegoen bezala.
Erromako Estadio Olinpikoak hartuko du EURO 2020ko lehen partida.
Egoitza izango diren herrialdeen bikotekidetza, zozketa aleatorio baten bitartez erabaki da, binakako sei zerrenda ezberdinetan banatu direlarik. Bikoteak, herrialdeen kirol-gaitasunen eta oinarri-geografikoen arabera egin dira. Hauexek izango dira:
• A Multzoa: Erroma eta Baku
• B Multzoa: San Petersburgo eta Kopenhage
• C Multzoa: Amsterdam eta Bucarest
• D Multzoa: Londres eta Glasgow
• E Multzoa: Bilbo eta Dublin
• F Multzoa: Munich eta Budapest
Sailkatuta dagoen eta egoitza duen herrialde bakoitzak, gutxienez multzoen faseko bi partida jokatuko ditu etxean.
Zure interesekoa izan daiteke
Alejandra Estefaniari ebakuntza egin diote berriro eskuineko belaunean
Erdilari zuri-gorriari artroskopia egin diote eskuin belaunean. Jokalariak larri lesionatu zen eskuin belaunean 2024ko irailean.
Athleticek Elx menderatu du, Guruzetak bi gol sartuta, eta hiru garaipen jarraian lortu ditu Ligan (2-1)
Aurrelari donostiarrak 64. minutuan egin du 1-0ekoa, Andre Da Silvak jarri du 1-1ekoa, penaltiz, eta 89.ean egin du Guruzetak Athleticen bigarrena, penaltiz. Valverderen taldeak, horrela, Ligako azken 4 partidetan jokoan izan dituen 12 puntuetatik 10 poltsikoratu ditu.
Ane Campos, berriro Ipuruan, Eibar-Athletic derbian: “Partida gogorra izango da, xehetasunek erabakiko dute”
Aurrelari gipuzkoarrak, lehen itzulian, gol bat egin zion bere talde ohiari; orain, aurrenekoz jokatuko du aurkari gisa Eibarren estadioan. Camposek EITBrekin hitz egin du, derbia aztergai; igandean izango da, 12:00etan, eta kirolakeitb.eus-ek eta ETB2k zuzenean emango dute.
Valverde: "Ez dugu sailkapenean ez gora ez behera begiratzen, gure buruari begira gaude"
Entrenatzaile zuri-gorriak baieztatu duenez, Dani Vivian jokatzeko prest izango da, giharretako arazo batengatik azken sei neurketa galdu ostean. Mikel Jauregizar, ordea, ezin izango du zelairatu, igandean Carlos Tartieren min hartu ondoren.
Unai Egiluz, Athleticeko jokalaria: "Taldearekin itzultzeko prest nago"
Unai Egiluz Athleticeko jokalaria gaur itzuli da entrenamenduetara, lesio luze baten ostean. Oso pozik agertu da prentsaurrekoan, lanerako gogoz.
Nico Williams baja izango da datozen jardunaldietan; Jauregizarren lesioa, berriz, ez da larria
Talde zuri-gorriak argitaratutako mediku-txostenaren arabera, Williamsek kanpoko espezialista batekin landuko du pubalgia. Jauregizarren kasuan, berriz, egindako probekin ikusi dute ez duela lesio larririk, ez belauneko lotailuan, ezta meniskoan ere.
Valverde: "Nico ez dago % 100ean, eta hori arazo bat da berarentzat eta guretzat"
Athleticeko entrenatzaileak Williams anai txikiak dituen arazo fisikoei buruz hitz egin du.
Oihan Sancet: "Badakigu hiru puntuak lortzea zein zaila den eta oso pozik gaude"
Valverderen taldeak Oviedoren etxean lortutako garaipen garrantzitsua izan du hizpide Athleticeko jokalariak (1-2).
Athleticek markagailua irauli du Oviedoren aurka, eta Ligan gora begira jarri da (1-2)
Ilyas Chairak Asturiasko taldea aurreratu du lehenengo zatian; bigarrenean, Athleticek hobera egin du, Mikel Jauregizarrek gol ederra sartu du 1-1ekoa jartzeko, eta Oihan Sancetek, penaltiz, 1-2koa egin du. Jauregizar lesionatu egin da gola sartu duen jokaldian.
Oguiza: "Astean zehar partida asko izan ditugu, eta hori azkenean igarri egiten da"
Irene Oguiza Athleticeko jokalariaren adierazpenak, F Ligako 20. jardunaldiko Realaren aurkako derbia 0-2 galdu ondoren.