Athleticek porrota jaso du minutu bakarrean bi gol hartuta
Athleticek porrot mingarria jaso du Malagaren aurka Rosaledan (2-1). Markagailuan aurrea hartu du Bizkaiko taldeak, baina lehen zatiaren amaieratik jokalari bat gitxiagorekin jokatu behar izan du, eta minutu bakarrean Malagak emaitza irauli du bi gol sartuta.
Talde zuri-gorriak oso ondo ekin dio norgehiagokari. Erritmoarekin, bizi eta aurkariaren baloi irteera oztopatzeko presio ona egin du Valverdek zuzentzen duen taldeak lehen minutuetan eta bigarren minutuan aurrea hartu du markagailuan: De Marcosek pase luzea eman dio Adurizi eta honek 0-1ekoa sartu du Kameni gaindituta. Gola sartu ostean, lehia parekatu egin da. Malagak bi abagune izan ditu; Chory Castrok jokaldi ona egin du hegaltik, baina Charlesek kanpora bidali du errematea eta Juanpik area kanpotik egindako jaurtiketa ere kanpora joan da. Ondoren, Iñaki Williamsek Athleticen bigarren gola sartzeko abagunea izan du, baina Kameniren aurrean bakarrik geratu denean, izkin egin nahi izan dio, eta Malagako atezainak aise lapurtu dio baloia. Bizkaiko taldeak kontrolpean izan du partida lehen zatian, baina 37. minutuan maldan gora jarri zaio: Rosalesek sarrera bortitza egin dio Balenziagari, jokalari gipuzkoarrak lurretik ostikoa eman eta txartel gorria ikusi du. Rosalesek ere txartel gorria ikusi behar zuen, baina epaileak txartel horia atera dio.
Bigarren zatiari jokalari bat gutxiagorekin ekin dio Athleticek eta gogotik lan egin behar izan du talde zuri-gorriak Malagaren erasoak geratzeko. Rosalesek abagune bikaina izan du 50. minutuan, baina bere jaurtiketa kanpora joan da zutoina urratuta. Etxeko taldeak erasora jo du bigarren zatian eta En-Nasyrik abagune argi bi huts egin ditu. Athletic larri ibili da une batzuetan, baina ondo eusten ibili da. 81. minutuan, ordea, defentsek kale egin dute markaketan eta Sandrok banakoa sartu du (1-1). Gola hartu ostean Athleticek kontzentrazioa galdu du, eta Malagak emaitzari buelta eman dio, hurrengo minutuan 2-1ekoa sartuta. Duda izan da golegilea. Valverdek ez du aldaketekin asmatu eta taldea behera etorri da azken txanpan. 93. minutuan Malagako Bakari Kone jokalariak bigarren txartel horia ikusi eta egotzia izan da, baina Athletici ez dio berdinketa lortzeko denborarik eman.
Fitxa teknikoa:
2 - Malaga CF: Kameni; Rosales, Llorente (En Nesyri, m.46), Koné, Ricca (Juan Carlos, m.62); Juanpi, Camacho, Recio, Chory Castro; Sandro eta Charles (Duda, m.66).
1 - Athletic Club: Iraizoz; De Marcos, Laporte, Yeray, Balenziaga; Williams (Lekue, m.43), San Jose, Beñat, Sabin Merino (Mikel Rico, m.74); Raul Garcia eta Aduriz (Etxeita, m.60).
Golak: 0-1, m.2: Aduriz. 1-1, m.81: Sandro. 2-1, m.82: Duda.
Epailea: Del Cerro Grande.
l Cerro Grande.Zure interesekoa izan daiteke
Beñat Gerenabarrena, debuta egin ostean: “Txikitatik amestu dudan gauza bat da; pena emaitza ez dela nahi genuena izan”
Erdilari lekeitiarra hasierako hamaikakoan aritu da, Peio Canalesekin batera, 2026-2027 denboraldiko EA Sports Ligan Athleticek jokatu duen lehen partidan. Gerenabarrena ondo ibili da, baina Athleticek 1-3 galdu du Sevillaren aurka, San Mamesen, lehen minutuetatik hamar jokalarirekin jokatu eta gero.
Athleticek porrot mingarria jaso du Sevillaren aurka San Mamesen, Edin Terzicen debutean (1-3)
Osok, Ejukek eta Isaacek sartu dituzte Sevillaren golak, eta Paredesek lortu du etxekoena. Athletic hamar futbolarirekin aritu da hamargarren minututik, Yuriri txartel gorria atera baitiote, eta lehenengo eta hirugarren goletan huts egin du. Gerenabarrena hasierako hamaikakoan izan da, eta aurreneko aldiz jokatu du talde zuri-gorriarekin, baita Rinconek ere.
Edin Terzic: “Uste dut prest gaudela, entrenamenduetan eta lagunartekoetan erakutsi dugu”
Athleticek bihar hasiko du denboraldia Sevillaren aurka San Mamesen (17:00etan). Edin Terzic enrenatzeileak Nico Williams minik gabe ari dela entrenatzen esan du, baina Vivian ez dagoela jokatzeko prest. Taldea ondo dagoela uste du lehiaketa hasteko.
Athleticek porrot batekin itxi du denboraldiaurrea Atalantaren aurka
Athletic Clubek 1-0 galdu du Bergamon, talde zuri-gorriak 2026-27 denboraldia ofizialki hasi aurretik Sevillaren aurka Bilbon jokatu duen zortzi partiduen azken prestaketa partidan. Nicola Zalewski internazional poloniarrak bigarren zatia hasi eta berehala sartutako golari esker irabazi du partida Italiako taldeak, Athleticek ezin izan du aurreko denboraldiko Txapeldunen Ligan lortutako garaipena errepikatu.
Edin Terzic: “Zaleen zirrara eta babesa antzematen ditut, klubarekiko duten lotura; lanerako jarrera oso ona da”
Athleticek abuztuaren 22an ekingo dio lehiari 2026-2027 denboraldian, EA Sports Ligan, San Mamesen, Sevilla aurkari; horretarako bederatzi egun gelditzen direla, EITBk Edin Terzic zuri-gorrien entrenatzaile berria elkarrizketatu du. “Guk, Ligako beste hainbat taldek bezala, Europan jokatzea dugu helburu”, adierazi du, “eta hitzeman ahal dut gogor lan egingo dugula horretarako”.
Julen Agirrezabala, Racing Santanderrera
Athleticek diru kopuru bat jasoko du 25 urteko atezainaren fitxaketarengatik, eta aldagai ekonomikoak gordeko ditu helburuen, etorkizuneko salmentaren ehunekoaren eta lehentasunez erosteko eskubidearen arabera. Agirrezabalak, 25 urtekoa bera, 65 partida ofizial jokatu ditu Athleticekin, tartean 2023-2024 denboraldiko Errege Kopako guztiak; orduan, euskal taldeak titulua irabazi zuen, eta errenteriarra giltzarria izan zen horretarako.
-6?fmt=webp-alpha&qlt=80)
Nico Williams, Unai Simon eta Aymeric Laporte Lezamara itzuli dira oporraldiaren ostean
Nico Williams, Unai Simon eta Aymeric Laporte entrenamenduetara itzuli dira AEBetako, Mexikoko eta Kanadako Munduko Txapelketa irabazi ostean.
Athleticek 3-1 galdu du denboraldiaurreko azken-aurreko partida Marseillan
Athleticek 3-1 galdu du denboraldiaurreko azken-aurreko partida, Olympique Marseillaren aurka. Stade Velodromen jokatu dute partida, eta Angel Gomes, Igor Paixao eta Tadjidine Mmadi izan dira etxeko taldearen golegileak. Zuri-gorrien gola, berriz, Oihan Sancetek egin du.
Leire Bañosek eskuin belauneko lotailu gurutzatua hautsi du
Irungo erdilariak min hartu zuen iragan larunbatean Luancon, Deportivo Abancaren aurka, denboraldiaurreko lehen norgehiagokan. Berdegunea utzi zuen neurketa hasi eta bi minutura.
Mikel Vesgak Athletic utzi eta Almerian jokatuko du datozen hiru denboraldietan
Gasteiztar erdilariak 9 denboraldi eman ditu Bizkaiko klubean, eta Lehen Mailara itzultzeko helburua duen Andaluziako taldean arituko da hemendik aurrera.