Iturraspek zail ikusten du hasierako hamaikakora itzultzea
Ander Iturraspe Athleticeko erdilariak prentsaurrekoa eman du astearte honetan Lezaman. Athletic entrenamenduetara itzuli da Granadaren aurkako partida prestatzen hasteko eta Abadiñokoa deialdian sar liteke, duela hilabete t'erdi jasandako lesioa gainditu ostean.
Iturraspek "lehiakortasuna eta maila handia" ikusten du taldekideen artean eta argi du zail izango duela hasierako hamaikakora itzultzea. "Beñat bere kirol ibilbideko unerik onenean dago, eta San Jose ere oso ondo jokatzen ari da. Ondorioz, zaila izango da hasierako hamaikakora itzultzea. Taldekideak ikusten ditudanean, maila handia dutela ikusten dut. Lesioa gaindituta dago, baina ea oraingoan dena ondo doan. Itzuli itzultzen zara, eta gogo askorekin, baina gutxien uste duzunean, pum! berriro lesioa", esan du aurten izan dituen lesioak gogoratuz.
Aleticeko erdilariaren azken lesioa urriaren 1ean etorri zen, talde zuri-gorriak AZ Alkmaarren Europa Ligako partida jokatu zuenean. Athleticek 2-1eko emaitzarekin galdu zuen. "Aldatu nindutenean haserre atera nintzen zelaitik. Ez nintzen aldaketagatik haserretu, emaitzagatik baino. Minutu batzuk jokatzea pentsatuta neukan eta 62 minutu jokatu nituen. Haserrea, ordea, emaitzagatik izan zen, galtzen ari ginelako. Abagune asko izan genituen eta ezin nuen galtzen gindoazela sinetsi", adierazi du jokalari bizkaitarrak.
"Jokatzeko prest eta ondo aurkitzen naiz", esan du Iturraspek eta min hartuta dagoen Muniainek errekuperazio saioetan izan duen jarrera goraipatu du: Muniain denbora luzeko lesio batetik dator, eta orain berriro beste lesio txiki bat izan du. Egoera gogorra izaten ari da berarentzat, baina bere jarrera harrigarria izan da denbora luze honetan. Oso baikorra izaten ari da", azpimarratu du Iturraspek.
Igandean Granadaren aurka jokatuko duten partidari buruz ere mintzatu da Abadiñokoa: "Granada talde ona da, eta aurrealdean jokalari arriskutsuak ditu. Agian, oraindik talde moduan ez daude kohesionatuta. Etxean ez dabiltza oso ondo eta horretaz baliatzen saiatuko gara".
saiatuko gara".Zure interesekoa izan daiteke
Beñat Gerenabarrena, debuta egin ostean: “Txikitatik amestu dudan gauza bat da; pena emaitza ez dela nahi genuena izan”
Erdilari lekeitiarra hasierako hamaikakoan aritu da, Peio Canalesekin batera, 2026-2027 denboraldiko EA Sports Ligan Athleticek jokatu duen lehen partidan. Gerenabarrena ondo ibili da, baina Athleticek 1-3 galdu du Sevillaren aurka, San Mamesen, lehen minutuetatik hamar jokalarirekin jokatu eta gero.
Athleticek porrot mingarria jaso du Sevillaren aurka San Mamesen, Edin Terzicen debutean (1-3)
Osok, Ejukek eta Isaacek sartu dituzte Sevillaren golak, eta Paredesek lortu du etxekoena. Athletic hamar futbolarirekin aritu da hamargarren minututik, Yuriri txartel gorria atera baitiote, eta lehenengo eta hirugarren goletan huts egin du. Gerenabarrena hasierako hamaikakoan izan da, eta aurreneko aldiz jokatu du talde zuri-gorriarekin, baita Rinconek ere.
Edin Terzic: “Uste dut prest gaudela, entrenamenduetan eta lagunartekoetan erakutsi dugu”
Athleticek bihar hasiko du denboraldia Sevillaren aurka San Mamesen (17:00etan). Edin Terzic enrenatzeileak Nico Williams minik gabe ari dela entrenatzen esan du, baina Vivian ez dagoela jokatzeko prest. Taldea ondo dagoela uste du lehiaketa hasteko.
Athleticek porrot batekin itxi du denboraldiaurrea Atalantaren aurka
Athletic Clubek 1-0 galdu du Bergamon, talde zuri-gorriak 2026-27 denboraldia ofizialki hasi aurretik Sevillaren aurka Bilbon jokatu duen zortzi partiduen azken prestaketa partidan. Nicola Zalewski internazional poloniarrak bigarren zatia hasi eta berehala sartutako golari esker irabazi du partida Italiako taldeak, Athleticek ezin izan du aurreko denboraldiko Txapeldunen Ligan lortutako garaipena errepikatu.
Edin Terzic: “Zaleen zirrara eta babesa antzematen ditut, klubarekiko duten lotura; lanerako jarrera oso ona da”
Athleticek abuztuaren 22an ekingo dio lehiari 2026-2027 denboraldian, EA Sports Ligan, San Mamesen, Sevilla aurkari; horretarako bederatzi egun gelditzen direla, EITBk Edin Terzic zuri-gorrien entrenatzaile berria elkarrizketatu du. “Guk, Ligako beste hainbat taldek bezala, Europan jokatzea dugu helburu”, adierazi du, “eta hitzeman ahal dut gogor lan egingo dugula horretarako”.
Julen Agirrezabala, Racing Santanderrera
Athleticek diru kopuru bat jasoko du 25 urteko atezainaren fitxaketarengatik, eta aldagai ekonomikoak gordeko ditu helburuen, etorkizuneko salmentaren ehunekoaren eta lehentasunez erosteko eskubidearen arabera. Agirrezabalak, 25 urtekoa bera, 65 partida ofizial jokatu ditu Athleticekin, tartean 2023-2024 denboraldiko Errege Kopako guztiak; orduan, euskal taldeak titulua irabazi zuen, eta errenteriarra giltzarria izan zen horretarako.
-6?fmt=webp-alpha&qlt=80)
Nico Williams, Unai Simon eta Aymeric Laporte Lezamara itzuli dira oporraldiaren ostean
Nico Williams, Unai Simon eta Aymeric Laporte entrenamenduetara itzuli dira AEBetako, Mexikoko eta Kanadako Munduko Txapelketa irabazi ostean.
Athleticek 3-1 galdu du denboraldiaurreko azken-aurreko partida Marseillan
Athleticek 3-1 galdu du denboraldiaurreko azken-aurreko partida, Olympique Marseillaren aurka. Stade Velodromen jokatu dute partida, eta Angel Gomes, Igor Paixao eta Tadjidine Mmadi izan dira etxeko taldearen golegileak. Zuri-gorrien gola, berriz, Oihan Sancetek egin du.
Leire Bañosek eskuin belauneko lotailu gurutzatua hautsi du
Irungo erdilariak min hartu zuen iragan larunbatean Luancon, Deportivo Abancaren aurka, denboraldiaurreko lehen norgehiagokan. Berdegunea utzi zuen neurketa hasi eta bi minutura.
Mikel Vesgak Athletic utzi eta Almerian jokatuko du datozen hiru denboraldietan
Gasteiztar erdilariak 9 denboraldi eman ditu Bizkaiko klubean, eta Lehen Mailara itzultzeko helburua duen Andaluziako taldean arituko da hemendik aurrera.