Beste porrot bat Bilbao Athleticentzat
Bilbao Athleticek 2-1 galdu du Nasticen aurka Tarragonako Nou Estadin. Porrot honekin, Zigandak zuzentzen duen taldeak Adelante Ligako azken postuan jarraituko du beste aste batez. Zuri-gorriek ez dute garaipenik lortu etxetik kanpo jokatutako partidetan.
Norgehiagoka hasi bezain laster, hirugarren minutuan, Bilbao Athleticen aldeko penaltia adierazi du epaileak. Guarrotxenak jaurti eta Nasticeko atezainak baloia desbideratzea lortu du. Ordutik aurrera partida oso irekia izan da, eta bi taldeek gola sartzeko abaguneak izan dituzte. Partidako 29. minutuan, ordea, Gimnasticen gola etorri da. Jordik area kanpotik jaurtiketa bikaina egin eta gol ikusgarria sartu du (1-0).
Bigarren zatiaren hasieran, Bilbao Athletic nagusi izan da, eta 48. minutuan, Guarrotxenak banakoa (1-1) ezarri du markagailuan. Nasticeko defentsa eta atezaina ez dira elkar ulertu, Guarrotxenak aldaratzea jaso eta baloia sare barrura bultzatu du.
Zuri-gorrien golaren ostean, parekotasuna nagusitu da berriro, baina 64. minutuan, Nasticek 2-1ekoa egin du. Jean Lucek Saboriti izkin egin, lurrean utzi eta gola sartu du.
Partidako azken txanpan, Bilbao Athleticek berdinketaren bila jo du, baina ez du aurkariaren atea zulatzea lortu. Berdinketa lortzeko abagune ona izan dute zuri-gorriek 69. minutuan, baina Santamariaren jaurtiketak zutoina jo du. Horrenbestez, garaipenak ez dio ihes egin etxeko taldeari eta Bilbao Athleticek beste porrot bat jaso du.
Fitxa teknikoa:
2. Gimnastic: Reina; Jordi Calavera, Iago Bouzon, Pablo Mari, Mossa; Xavi Molina, Sergio Tejera (Gal Arel, 73. min), Rocha; Rayco (Jean Luc, 58. min), Naranjo (Xisco Muñoz, 77. min) eta Alex Lopez.
1. Bilbao Athletic: Felipe; Iru, Gil, Saborit, Iriondo; Undabarrena (Iturraspe, 73. min), Vesga; Guarrotxena, Unai Lopez, Cordoba (Seguin, 78. min); eta Santamaria (Villalibre, 73. min).
Golak: 1-0, 29. min: Jordi Calavera. 1-1, 47. min: Guarrotxena. 2-1, 63. min: Jean Luc.
Epailea: Lopez Amaya.
Zure interesekoa izan daiteke
Alejandra Estefaniari beste ebakuntza bat egin diote eskuineko belaunean
Erdilari zuri-gorriari artroskopia egin diote eskuin belaunean. Jokalaria larri lesionatu zen eskuin belaunean 2024ko irailean.
Athleticek Elx menderatu du, Guruzetak bi gol sartuta, eta hiru garaipen jarraian lortu ditu Ligan (2-1)
Aurrelari donostiarrak 64. minutuan egin du 1-0ekoa, Andre Da Silvak jarri du 1-1ekoa, penaltiz, eta 89.ean egin du Guruzetak Athleticen bigarrena, penaltiz. Valverderen taldeak, horrela, Ligako azken 4 partidetan jokoan izan dituen 12 puntuetatik 10 poltsikoratu ditu.
Ane Campos, berriro Ipuruan, Eibar-Athletic derbian: “Partida gogorra izango da, xehetasunek erabakiko dute”
Aurrelari gipuzkoarrak, lehen itzulian, gol bat egin zion bere talde ohiari; orain, aurrenekoz jokatuko du aurkari gisa Eibarren estadioan. Camposek EITBrekin hitz egin du, derbia aztergai; igandean izango da, 12:00etan, eta kirolakeitb.eus-ek eta ETB2k zuzenean emango dute.
Valverde: "Ez dugu sailkapenean ez gora ez behera begiratzen, gure buruari begira gaude"
Entrenatzaile zuri-gorriak baieztatu duenez, Dani Vivian jokatzeko prest izango da, giharretako arazo batengatik azken sei neurketa galdu ostean. Mikel Jauregizar, ordea, ezin izango du zelairatu, igandean Carlos Tartieren min hartu ondoren.
Unai Egiluz, Athleticeko jokalaria: "Taldearekin itzultzeko prest nago"
Unai Egiluz Athleticeko jokalaria gaur itzuli da entrenamenduetara, lesio luze baten ostean. Oso pozik agertu da prentsaurrekoan, lanerako gogoz.
Nico Williams baja izango da datozen jardunaldietan; Jauregizarren lesioa, berriz, ez da larria
Talde zuri-gorriak argitaratutako mediku-txostenaren arabera, Williamsek kanpoko espezialista batekin landuko du pubalgia. Jauregizarren kasuan, berriz, egindako probekin ikusi dute ez duela lesio larririk, ez belauneko lotailuan, ezta meniskoan ere.
Valverde: "Nico ez dago % 100ean, eta hori arazo bat da berarentzat eta guretzat"
Athleticeko entrenatzaileak Williams anai txikiak dituen arazo fisikoei buruz hitz egin du.
Oihan Sancet: "Badakigu hiru puntuak lortzea zein zaila den eta oso pozik gaude"
Valverderen taldeak Oviedoren etxean lortutako garaipen garrantzitsua izan du hizpide Athleticeko jokalariak (1-2).
Athleticek markagailua irauli du Oviedoren aurka, eta Ligan gora begira jarri da (1-2)
Ilyas Chairak Asturiasko taldea aurreratu du lehenengo zatian; bigarrenean, Athleticek hobera egin du, Mikel Jauregizarrek gol ederra sartu du 1-1ekoa jartzeko, eta Oihan Sancetek, penaltiz, 1-2koa egin du. Jauregizar lesionatu egin da gola sartu duen jokaldian.
Oguiza: "Astean zehar partida asko izan ditugu, eta hori azkenean igarri egiten da"
Irene Oguiza Athleticeko jokalariaren adierazpenak, F Ligako 20. jardunaldiko Realaren aurkako derbia 0-2 galdu ondoren.