Ernesto Valverdek urtebeterako luzatu du kontratua Athleticekin
Ernesto Valverdek eta Athleticek entrenatzailearen ontratua urtebeterako luzatzea adostu dute. Ondorioz, Valverdek 2016ko ekainera arte jarraituko du talde bilbotarraren aulkian.
51 urteko entrenatzaileak hirugarren urtea jarraian emango du Athleticen lehen taldea zuzentzen, bosgarrena 2003 eta 2005 artean egindako urteak kontuan izanda.
Athleticek bere webgunean eman du akordioaren berri, Josu Urrutia presidentea eta Valverde bera bostekoa ematen agertzen diren argazki batekin. Akordioa Vila-realekin ligako azken jardunaldian jokatu behar duten partidaren bezpera egin dute, eta Bartzelonaren aurkako Kopa finala jokatzeko zortzi egun falta direnean.
"Klubarekin erabat identifikatuta nago"
Ernesto Valverdek esan duenez, klubak "bere garaian" kontratua luzatzeko egindako eskaintza onartzea erabaki du taldearekin "erabat identifikatuta eta jendearekin oso gustura" dagoelako.
"Horrek guztiak pauso hau ematera bultzatu nau, kluba egindako lanarekin pozik dagoela suposatzen dudalako", esan du Valverdek klubak akordioa iragarri eta gutxira aditzera emandako adierazpenetan.
Valverdek talde bizkaitarraren eserlekutik partida gehien zuzendu dituen hirugarren entrenatzailea da, Javier Clementeren (289) eta Juan Urkizuren (235) atzetik.
Orain arte 192 neurketa zuzendu ditu: 151 Ligan, 23 Errege Kopan eta 18 Europako txapelketetan, horietko zortzi egungo Txapeldunen Ligan. Guztira, 81 garaipen lortu ditu (% 42,19), 49 berdindu (% 25,52) eta 62 galdu (% 32,29).
Ibilbidea
Entrenatzaile karguan izan zen lehen denboraldian, 2003-2004an, Athletic UEFA jokatzeko sailkatu zen Ligan bosgarren eginda. Kopan ez zuten lehen kanporaketa gainditu.
Hurrengo denboraldian, Errege Kopako finalerdietara iritsi ziren, eta UEFAko final-hamaseirenetara. Liga, berriz, bederatzigarren amaitu zuten.
Valverderen bigarren etapan, zuri-gorriak laugarren izan ziren Ligan eta Kopako final-laurdenetara iritsi ziren. Aurtengoan, Txapeldunen Ligako multzoen fasea jokatzeko sailkatu da, Ligam zazpigarren dago eta Kopako finala jokatuko du.
Valverdek kontratu luzapenaren inguruan hitz egingo du arratsaldean, 17:30etarako aurreikusita dagoen prentsaurrekoan.
Zure interesekoa izan daiteke
Edin Terzic: “Talde askok sufritzen dute Camp Noun”
Athleticen entrenatzaile alemaniarrak Bartzelonaren partidaren aurkako atarian hitz egin du eta taldea nola iritsiko den aztertu du. Yuri, Vivian, Egiluz eta Prados gabe arituko dira Camp Noun.
Beñat Gerenabarrena, debuta egin ostean: “Txikitatik amestu dudan gauza bat da; pena emaitza ez dela nahi genuena izan”
Erdilari lekeitiarra hasierako hamaikakoan aritu da, Peio Canalesekin batera, 2026-2027 denboraldiko EA Sports Ligan Athleticek jokatu duen lehen partidan. Gerenabarrena ondo ibili da, baina Athleticek 1-3 galdu du Sevillaren aurka, San Mamesen, lehen minutuetatik hamar jokalarirekin jokatu eta gero.
Athleticek porrot mingarria jaso du Sevillaren aurka San Mamesen, Edin Terzicen debutean (1-3)
Osok, Ejukek eta Isaacek sartu dituzte Sevillaren golak, eta Paredesek lortu du etxekoena. Athletic hamar futbolarirekin aritu da hamargarren minututik, Yuriri txartel gorria atera baitiote, eta lehenengo eta hirugarren goletan huts egin du. Gerenabarrena hasierako hamaikakoan izan da, eta aurreneko aldiz jokatu du talde zuri-gorriarekin, baita Rinconek ere.
Edin Terzic: “Uste dut prest gaudela, entrenamenduetan eta lagunartekoetan erakutsi dugu”
Athleticek bihar hasiko du denboraldia Sevillaren aurka San Mamesen (17:00etan). Edin Terzic enrenatzeileak Nico Williams minik gabe ari dela entrenatzen esan du, baina Vivian ez dagoela jokatzeko prest. Taldea ondo dagoela uste du lehiaketa hasteko.
Athleticek porrot batekin itxi du denboraldiaurrea Atalantaren aurka
Athletic Clubek 1-0 galdu du Bergamon, talde zuri-gorriak 2026-27 denboraldia ofizialki hasi aurretik Sevillaren aurka Bilbon jokatu duen zortzi partiduen azken prestaketa partidan. Nicola Zalewski internazional poloniarrak bigarren zatia hasi eta berehala sartutako golari esker irabazi du partida Italiako taldeak, Athleticek ezin izan du aurreko denboraldiko Txapeldunen Ligan lortutako garaipena errepikatu.
Edin Terzic: “Zaleen zirrara eta babesa antzematen ditut, klubarekiko duten lotura; lanerako jarrera oso ona da”
Athleticek abuztuaren 22an ekingo dio lehiari 2026-2027 denboraldian, EA Sports Ligan, San Mamesen, Sevilla aurkari; horretarako bederatzi egun gelditzen direla, EITBk Edin Terzic zuri-gorrien entrenatzaile berria elkarrizketatu du. “Guk, Ligako beste hainbat taldek bezala, Europan jokatzea dugu helburu”, adierazi du, “eta hitzeman ahal dut gogor lan egingo dugula horretarako”.
Julen Agirrezabala, Racing Santanderrera
Athleticek diru kopuru bat jasoko du 25 urteko atezainaren fitxaketarengatik, eta aldagai ekonomikoak gordeko ditu helburuen, etorkizuneko salmentaren ehunekoaren eta lehentasunez erosteko eskubidearen arabera. Agirrezabalak, 25 urtekoa bera, 65 partida ofizial jokatu ditu Athleticekin, tartean 2023-2024 denboraldiko Errege Kopako guztiak; orduan, euskal taldeak titulua irabazi zuen, eta errenteriarra giltzarria izan zen horretarako.
-6?fmt=webp-alpha&qlt=80)
Nico Williams, Unai Simon eta Aymeric Laporte Lezamara itzuli dira oporraldiaren ostean
Nico Williams, Unai Simon eta Aymeric Laporte entrenamenduetara itzuli dira AEBetako, Mexikoko eta Kanadako Munduko Txapelketa irabazi ostean.
Athleticek 3-1 galdu du denboraldiaurreko azken-aurreko partida Marseillan
Athleticek 3-1 galdu du denboraldiaurreko azken-aurreko partida, Olympique Marseillaren aurka. Stade Velodromen jokatu dute partida, eta Angel Gomes, Igor Paixao eta Tadjidine Mmadi izan dira etxeko taldearen golegileak. Zuri-gorrien gola, berriz, Oihan Sancetek egin du.
Leire Bañosek eskuin belauneko lotailu gurutzatua hautsi du
Irungo erdilariak min hartu zuen iragan larunbatean Luancon, Deportivo Abancaren aurka, denboraldiaurreko lehen norgehiagokan. Berdegunea utzi zuen neurketa hasi eta bi minutura.