Athleticek aste bikaina biribildu du Real Madrili irabazita (1-0)
Athleticek merezitako garaipena eskuratu du Real Madrilen aurka (1-0) San Mamesen jokatutako 26. jardunaldiko neurketan.
Talde zuri-gorriak joko ona eskaini du lehen zatian. Indartsu eta kontzentratuta zelairatu da, eta aurkaria aurreneko minututik estutu du. Ancelottiren taldeak ez du eroso jokatu, eta ez du jokoan jarraitasunik lortu.
Gol-aukera garbienak Athleticenak izan dira, eta golaren bila aritu da behin eta berriro. Etxekoen gola 26.ean iritsi da. Aritz Adurizek buruz errematatu du Mikel Ricoren erdiraketa. Gol ederra donostiarrak sartutakoa.
Atsedenaldira markagailuan aurretik heldu da Ernesto Valverderen taldea, merezita. Real Madril baino gehiago izan da lehenengo 45 minutuetan.
Zuriek beste jarrera bat erakutsi dute lehen zatian, eta Benzema, Bale eta Cristiano jokalariak arriskuarekin hurbildu dira Iraizozen ate ingurura.
Norgehiagoka parekatu egin da eta Athletici sufritzea egokitu zaio. 58.ean banakoaren gola saihestu du Iraizozek, Benzemari baloia kenduta.
Athleticek defentsan egindako lana eta ahalegina handia izan da. 71.ean Cristianok izan du neurketa berdintzeko parada, baina Iraizozek baloia aldaratzea lortu du. Portugaldarrak penaltia eskatu du, baina ez diote ezer egin.
Amaierarako ordu laurden baten faltan, baloia zutoinera bidali du Adurizek, buruz. Partida erabakita uzteko zorian izan da aurrelaria. 82.ean 1-1ekoa salbatu du zutoinak. Balek urrutitik jaurti du, eta gutxigatik ez du Iraizoz gainditu. Aldaratzea Jeseri heldu zaio, baina ezin izan du atera errematatu.
Athleticek aste bikaina biribildu du. Asteazkenean Errege Kopako finalerako txartela erdietsi zuen Espanyol kanporatuta.
Fitxa teknikoa:
1 - Athletic Club: Iraizoz; De Marcos, Gurpegui, Etxeita, Balenziaga; Rico (Toquero, 91'), Beñat; Iraola, Muniain (Susaeta, 65'), Williams (Guillermo, 75'); eta Aduriz.
0 - Real Madril: Casillas; Carvajal, Pepe, Varane, Marcelo; Illarramendi (Jese, 71'), Kroos (Lucas Silva, 75'), Isco; Bale, Benzema (Chicharito, 81') eta Cristiano Ronaldo.
Golak:
1-0, 26': Aduriz.
Zure interesekoa izan daiteke
Edin Terzic: “Talde askok sufritzen dute Camp Noun”
Athleticen entrenatzaile alemaniarrak Bartzelonaren partidaren aurkako atarian hitz egin du eta taldea nola iritsiko den aztertu du. Yuri, Vivian, Egiluz eta Prados gabe arituko dira Camp Noun.
Beñat Gerenabarrena, debuta egin ostean: “Txikitatik amestu dudan gauza bat da; pena emaitza ez dela nahi genuena izan”
Erdilari lekeitiarra hasierako hamaikakoan aritu da, Peio Canalesekin batera, 2026-2027 denboraldiko EA Sports Ligan Athleticek jokatu duen lehen partidan. Gerenabarrena ondo ibili da, baina Athleticek 1-3 galdu du Sevillaren aurka, San Mamesen, lehen minutuetatik hamar jokalarirekin jokatu eta gero.
Athleticek porrot mingarria jaso du Sevillaren aurka San Mamesen, Edin Terzicen debutean (1-3)
Osok, Ejukek eta Isaacek sartu dituzte Sevillaren golak, eta Paredesek lortu du etxekoena. Athletic hamar futbolarirekin aritu da hamargarren minututik, Yuriri txartel gorria atera baitiote, eta lehenengo eta hirugarren goletan huts egin du. Gerenabarrena hasierako hamaikakoan izan da, eta aurreneko aldiz jokatu du talde zuri-gorriarekin, baita Rinconek ere.
Edin Terzic: “Uste dut prest gaudela, entrenamenduetan eta lagunartekoetan erakutsi dugu”
Athleticek bihar hasiko du denboraldia Sevillaren aurka San Mamesen (17:00etan). Edin Terzic enrenatzeileak Nico Williams minik gabe ari dela entrenatzen esan du, baina Vivian ez dagoela jokatzeko prest. Taldea ondo dagoela uste du lehiaketa hasteko.
Athleticek porrot batekin itxi du denboraldiaurrea Atalantaren aurka
Athletic Clubek 1-0 galdu du Bergamon, talde zuri-gorriak 2026-27 denboraldia ofizialki hasi aurretik Sevillaren aurka Bilbon jokatu duen zortzi partiduen azken prestaketa partidan. Nicola Zalewski internazional poloniarrak bigarren zatia hasi eta berehala sartutako golari esker irabazi du partida Italiako taldeak, Athleticek ezin izan du aurreko denboraldiko Txapeldunen Ligan lortutako garaipena errepikatu.
Edin Terzic: “Zaleen zirrara eta babesa antzematen ditut, klubarekiko duten lotura; lanerako jarrera oso ona da”
Athleticek abuztuaren 22an ekingo dio lehiari 2026-2027 denboraldian, EA Sports Ligan, San Mamesen, Sevilla aurkari; horretarako bederatzi egun gelditzen direla, EITBk Edin Terzic zuri-gorrien entrenatzaile berria elkarrizketatu du. “Guk, Ligako beste hainbat taldek bezala, Europan jokatzea dugu helburu”, adierazi du, “eta hitzeman ahal dut gogor lan egingo dugula horretarako”.
Julen Agirrezabala, Racing Santanderrera
Athleticek diru kopuru bat jasoko du 25 urteko atezainaren fitxaketarengatik, eta aldagai ekonomikoak gordeko ditu helburuen, etorkizuneko salmentaren ehunekoaren eta lehentasunez erosteko eskubidearen arabera. Agirrezabalak, 25 urtekoa bera, 65 partida ofizial jokatu ditu Athleticekin, tartean 2023-2024 denboraldiko Errege Kopako guztiak; orduan, euskal taldeak titulua irabazi zuen, eta errenteriarra giltzarria izan zen horretarako.
-6?fmt=webp-alpha&qlt=80)
Nico Williams, Unai Simon eta Aymeric Laporte Lezamara itzuli dira oporraldiaren ostean
Nico Williams, Unai Simon eta Aymeric Laporte entrenamenduetara itzuli dira AEBetako, Mexikoko eta Kanadako Munduko Txapelketa irabazi ostean.
Athleticek 3-1 galdu du denboraldiaurreko azken-aurreko partida Marseillan
Athleticek 3-1 galdu du denboraldiaurreko azken-aurreko partida, Olympique Marseillaren aurka. Stade Velodromen jokatu dute partida, eta Angel Gomes, Igor Paixao eta Tadjidine Mmadi izan dira etxeko taldearen golegileak. Zuri-gorrien gola, berriz, Oihan Sancetek egin du.
Leire Bañosek eskuin belauneko lotailu gurutzatua hautsi du
Irungo erdilariak min hartu zuen iragan larunbatean Luancon, Deportivo Abancaren aurka, denboraldiaurreko lehen norgehiagokan. Berdegunea utzi zuen neurketa hasi eta bi minutura.