'R. Madrilek aintzat hartu du, bestela ez luke bertan jarraituko'
Josu Urrutia Athleticeko presidenteak prentsaurrekoa eskaini du gaur Ibaiganen, eta taldearen gaurkotasuna aztertu du.
Mediapro
ETBk asteartean aurreratu zuenez, klubak urte baterako akordioa lortu du Mediaprorekin 39 milioi euroren truke. "Kontratua urte baterako da, hurrengo zuzendaritza batzordeak eskuak aske izan ditzan", esan du.
Illarramendi
Asier Illarramendirena izan da agerraldian gehien errepikatu den izena. Azken egunetan luze hitz egin da Real Madrileko jokalariaren ustezko fitxaketari buruz, baina Urrutiak ez du xehetasun askorik eman.
"Ezin ditugu elkarrizketa guztiak aipatu. Interesak zeintzuk diren badakit, hedabideenak ere. Interesgarriak diren jokalarien berri izatea betebeharra da guretzat. Real Madrilek aintzat hartu du jokalaria, bestela ez luke bertan jarraituko", esan du Realeko jokalari ohiari buruz.
"Ez dira beharrezkoak ziren baldintzak eman hainbat jokalariren irteera gauzatu ahal izateko", adierazi du.
Kontratu berritzeak
"Gurpegi eta Iraolarekin duela hilabete batzuk hitz egin genuen, baina presarik ez dute eta une honetan taldearen egunerokotasunean dute jarrita arreta osoa", adierazi du zuri-gorrien presidenteak.
Taldea
"Taldeak ez du Ligan ahal zuen maila eman, baina, dena den, puntu gehiago merezi izan ditu. Hiru talde baino ez gaude hiru txapelketetan: Bartzelona, Vila-real eta gu geu".
Ordutegien inguruan galdetu diotenean, Urrutiak honakoa esan du: "Gure ezinegona erakutsi dugu, baina, hala ere, ez da erraza ordutegi guztiak egokitzea".
Errege Kopako finalerdiei buruz baikor eta itxaropentsu agertu da presidentea: "San Mamesen giro ona espero dut, finalerako txartela pauso bakarrera baino ez dugu", aitortu du.
San Mames
"Urtean zehar zelaiaren bilakaera ikusi behako dugu, badakigu jende asko busti zela. Kezkatuta gaude. Iparraldeko aldea itxi behar dugu, tornuak hobetu, igogailuak...Gure bazkideak ahalik eta ondoen egoteko lan egin behar dugu".
Hauteskundeak
"Ez dut hauteskundeei buruz hitz egingo, data jarri eta gure hautagaitza aurkeztu genuen, besterik ez", gaineratu du.
Zure interesekoa izan daiteke
Beñat Gerenabarrena, debuta egin ostean: “Txikitatik amestu dudan gauza bat da; pena emaitza ez dela nahi genuena izan”
Erdilari lekeitiarra hasierako hamaikakoan aritu da, Peio Canalesekin batera, 2026-2027 denboraldiko EA Sports Ligan Athleticek jokatu duen lehen partidan. Gerenabarrena ondo ibili da, baina Athleticek 1-3 galdu du Sevillaren aurka, San Mamesen, lehen minutuetatik hamar jokalarirekin jokatu eta gero.
Athleticek porrot mingarria jaso du Sevillaren aurka San Mamesen, Edin Terzicen debutean (1-3)
Osok, Ejukek eta Isaacek sartu dituzte Sevillaren golak, eta Paredesek lortu du etxekoena. Athletic hamar futbolarirekin aritu da hamargarren minututik, Yuriri txartel gorria atera baitiote, eta lehenengo eta hirugarren goletan huts egin du. Gerenabarrena hasierako hamaikakoan izan da, eta aurreneko aldiz jokatu du talde zuri-gorriarekin, baita Rinconek ere.
Edin Terzic: “Uste dut prest gaudela, entrenamenduetan eta lagunartekoetan erakutsi dugu”
Athleticek bihar hasiko du denboraldia Sevillaren aurka San Mamesen (17:00etan). Edin Terzic enrenatzeileak Nico Williams minik gabe ari dela entrenatzen esan du, baina Vivian ez dagoela jokatzeko prest. Taldea ondo dagoela uste du lehiaketa hasteko.
Athleticek porrot batekin itxi du denboraldiaurrea Atalantaren aurka
Athletic Clubek 1-0 galdu du Bergamon, talde zuri-gorriak 2026-27 denboraldia ofizialki hasi aurretik Sevillaren aurka Bilbon jokatu duen zortzi partiduen azken prestaketa partidan. Nicola Zalewski internazional poloniarrak bigarren zatia hasi eta berehala sartutako golari esker irabazi du partida Italiako taldeak, Athleticek ezin izan du aurreko denboraldiko Txapeldunen Ligan lortutako garaipena errepikatu.
Edin Terzic: “Zaleen zirrara eta babesa antzematen ditut, klubarekiko duten lotura; lanerako jarrera oso ona da”
Athleticek abuztuaren 22an ekingo dio lehiari 2026-2027 denboraldian, EA Sports Ligan, San Mamesen, Sevilla aurkari; horretarako bederatzi egun gelditzen direla, EITBk Edin Terzic zuri-gorrien entrenatzaile berria elkarrizketatu du. “Guk, Ligako beste hainbat taldek bezala, Europan jokatzea dugu helburu”, adierazi du, “eta hitzeman ahal dut gogor lan egingo dugula horretarako”.
Julen Agirrezabala, Racing Santanderrera
Athleticek diru kopuru bat jasoko du 25 urteko atezainaren fitxaketarengatik, eta aldagai ekonomikoak gordeko ditu helburuen, etorkizuneko salmentaren ehunekoaren eta lehentasunez erosteko eskubidearen arabera. Agirrezabalak, 25 urtekoa bera, 65 partida ofizial jokatu ditu Athleticekin, tartean 2023-2024 denboraldiko Errege Kopako guztiak; orduan, euskal taldeak titulua irabazi zuen, eta errenteriarra giltzarria izan zen horretarako.
-6?fmt=webp-alpha&qlt=80)
Nico Williams, Unai Simon eta Aymeric Laporte Lezamara itzuli dira oporraldiaren ostean
Nico Williams, Unai Simon eta Aymeric Laporte entrenamenduetara itzuli dira AEBetako, Mexikoko eta Kanadako Munduko Txapelketa irabazi ostean.
Athleticek 3-1 galdu du denboraldiaurreko azken-aurreko partida Marseillan
Athleticek 3-1 galdu du denboraldiaurreko azken-aurreko partida, Olympique Marseillaren aurka. Stade Velodromen jokatu dute partida, eta Angel Gomes, Igor Paixao eta Tadjidine Mmadi izan dira etxeko taldearen golegileak. Zuri-gorrien gola, berriz, Oihan Sancetek egin du.
Leire Bañosek eskuin belauneko lotailu gurutzatua hautsi du
Irungo erdilariak min hartu zuen iragan larunbatean Luancon, Deportivo Abancaren aurka, denboraldiaurreko lehen norgehiagokan. Berdegunea utzi zuen neurketa hasi eta bi minutura.
Mikel Vesgak Athletic utzi eta Almerian jokatuko du datozen hiru denboraldietan
Gasteiztar erdilariak 9 denboraldi eman ditu Bizkaiko klubean, eta Lehen Mailara itzultzeko helburua duen Andaluziako taldean arituko da hemendik aurrera.