Athleticek arnasa hartu du Levanten (0-2)
Urrezko hiru puntu lortu ditu Athleticek Valentzian, Levanteri 0 eta 2 irabazita. Merezitako garaipena erdietsi dute bilbotarrek, baina zenbait momentutan ederto sufrituta. Aduriz erabakigarria izan da taldearentzat, beste behingoz, bi golak donostiarrak egin ditu. Eta Gorka Iraizozek ere zeresan handia izan du garaipenean, bi geldiketa ikaragarri egin baititu Levanteren gola saihesteko.
Lehen zatia erritmo biziarekin hasi da, batez ere, zuri-gorrien aldetik. Normalean San Mamesetik kanpo agertu ohi duen baino jarrera erasokorragoa izan du Ernesto Valverderen taldeak.
Bilbotarrek ondo presionatu dute lehen ordu laurdenean, eta baloi ugari lapurtu dituzte. Horrek Mariñoren area inguruan arriskua sortzeko aukera eman die. Lehen abisua Gurpegik eman du, buruz, 7. minutuan. Baina lehen zatiko aukerarik argiena 12. minutuan izan du Iker Muniainek: Balenziagak erdiraketa ona egin du, eta nafarraren errematea langara joan da.
Baina lehen ordu laurdenaren ostean, Athleticen errendimentuak behera egin du, nabarmen, eta Lucas Alcarazen taldeak ondo aprobetxatu du egoera. Jaun eta jabe izan dira etxekoak atsedenaldira arte eta gola egiteko aukera argiak izan dituzte: Camarasak urrutitik jaurti eta baloia kanpora joan zaio, gutxigatik. Ondoren, Iraizozek sekulako geldiketa egin du, Simaoren gola saihesteko.
Valverderen mutilak erlojuari begira iritsi dira atsedenaldira.
Adurizen gola
Zuri-gorrien entrenatzaileak ondo estutu ditu jokalariak aldagelan, izan ere, taldeak jarrera oso desberdinarekin hasi du bigarren zatia. Valverdek Susaeta sartu du Unai Lopezen ordez, eta aldaketa horrek eragina izan du bizkaitarren jokoan. Bigarren zatiko 4. minutuan, Aritz Adurizek gola egin du, gol ederra, gainera. Baloia arean jaso, bularrarekin bikain kontrolatu eta Mariño gainditu du, jaurtiketa indartsua eginda.
53.ean, Muniainek bigarrena egiteko aukera paregabea izan du, baina buruz, eta plantxan, egindako jaurtiketa desbideratuta atera zaio.
Ondoren, Levantek susperraldia izan du eta Athletic estu eta larri izan da zenbait minututan. Baina Gorka Iraizoz oso erne ibili da, Xumetrak eta Ruben Garciak egindako jaurtiketei erantzun bikaina emanda.
Sufrimenduak 89. minutuan amaitu dira, Aritz Adurizek bigarren gola egin baitu, Susaetak gidatutako kontraerasoa ederto amaituta.
Azkenean, 0 eta 2, zuri-gorriek arnasa hartu dute Ligan, urrezko hiru puntu lortuta. Igandean, Bartzelona dator San Mamesera.
Fitxa teknikoa:
0 - Levante: Mariño, Morales, Vyntra, El Adoua, Juanfran, Simao (Diop, 46. min), Camarasa, Xumetra, Casadesús, Ivanschitz (Uche, 57. min) eta Barral (Rubén, 70. min).
2 - Athletic: Iraizoz, Iraola (Etxeita, 90. min), Gurpegui, Laporte, Balenziaga, Iturraspe, Mikel Rico, Unai López (Susaeta, 46. min), De Marcos, Muniaín (San José 79. min) eta Aduriz.
Golak: 0-1, 48. min: Aduriz. 0-2, 89. min: Aduriz.
9. min: Aduriz.Zure interesekoa izan daiteke
Beñat Gerenabarrena, debuta egin ostean: “Txikitatik amestu dudan gauza bat da; pena emaitza ez dela nahi genuena izan”
Erdilari lekeitiarra hasierako hamaikakoan aritu da, Peio Canalesekin batera, 2026-2027 denboraldiko EA Sports Ligan Athleticek jokatu duen lehen partidan. Gerenabarrena ondo ibili da, baina Athleticek 1-3 galdu du Sevillaren aurka, San Mamesen, lehen minutuetatik hamar jokalarirekin jokatu eta gero.
Athleticek porrot mingarria jaso du Sevillaren aurka San Mamesen, Edin Terzicen debutean (1-3)
Osok, Ejukek eta Isaacek sartu dituzte Sevillaren golak, eta Paredesek lortu du etxekoena. Athletic hamar futbolarirekin aritu da hamargarren minututik, Yuriri txartel gorria atera baitiote, eta lehenengo eta hirugarren goletan huts egin du. Gerenabarrena hasierako hamaikakoan izan da, eta aurreneko aldiz jokatu du talde zuri-gorriarekin, baita Rinconek ere.
Edin Terzic: “Uste dut prest gaudela, entrenamenduetan eta lagunartekoetan erakutsi dugu”
Athleticek bihar hasiko du denboraldia Sevillaren aurka San Mamesen (17:00etan). Edin Terzic enrenatzeileak Nico Williams minik gabe ari dela entrenatzen esan du, baina Vivian ez dagoela jokatzeko prest. Taldea ondo dagoela uste du lehiaketa hasteko.
Athleticek porrot batekin itxi du denboraldiaurrea Atalantaren aurka
Athletic Clubek 1-0 galdu du Bergamon, talde zuri-gorriak 2026-27 denboraldia ofizialki hasi aurretik Sevillaren aurka Bilbon jokatu duen zortzi partiduen azken prestaketa partidan. Nicola Zalewski internazional poloniarrak bigarren zatia hasi eta berehala sartutako golari esker irabazi du partida Italiako taldeak, Athleticek ezin izan du aurreko denboraldiko Txapeldunen Ligan lortutako garaipena errepikatu.
Edin Terzic: “Zaleen zirrara eta babesa antzematen ditut, klubarekiko duten lotura; lanerako jarrera oso ona da”
Athleticek abuztuaren 22an ekingo dio lehiari 2026-2027 denboraldian, EA Sports Ligan, San Mamesen, Sevilla aurkari; horretarako bederatzi egun gelditzen direla, EITBk Edin Terzic zuri-gorrien entrenatzaile berria elkarrizketatu du. “Guk, Ligako beste hainbat taldek bezala, Europan jokatzea dugu helburu”, adierazi du, “eta hitzeman ahal dut gogor lan egingo dugula horretarako”.
Julen Agirrezabala, Racing Santanderrera
Athleticek diru kopuru bat jasoko du 25 urteko atezainaren fitxaketarengatik, eta aldagai ekonomikoak gordeko ditu helburuen, etorkizuneko salmentaren ehunekoaren eta lehentasunez erosteko eskubidearen arabera. Agirrezabalak, 25 urtekoa bera, 65 partida ofizial jokatu ditu Athleticekin, tartean 2023-2024 denboraldiko Errege Kopako guztiak; orduan, euskal taldeak titulua irabazi zuen, eta errenteriarra giltzarria izan zen horretarako.
-6?fmt=webp-alpha&qlt=80)
Nico Williams, Unai Simon eta Aymeric Laporte Lezamara itzuli dira oporraldiaren ostean
Nico Williams, Unai Simon eta Aymeric Laporte entrenamenduetara itzuli dira AEBetako, Mexikoko eta Kanadako Munduko Txapelketa irabazi ostean.
Athleticek 3-1 galdu du denboraldiaurreko azken-aurreko partida Marseillan
Athleticek 3-1 galdu du denboraldiaurreko azken-aurreko partida, Olympique Marseillaren aurka. Stade Velodromen jokatu dute partida, eta Angel Gomes, Igor Paixao eta Tadjidine Mmadi izan dira etxeko taldearen golegileak. Zuri-gorrien gola, berriz, Oihan Sancetek egin du.
Leire Bañosek eskuin belauneko lotailu gurutzatua hautsi du
Irungo erdilariak min hartu zuen iragan larunbatean Luancon, Deportivo Abancaren aurka, denboraldiaurreko lehen norgehiagokan. Berdegunea utzi zuen neurketa hasi eta bi minutura.
Mikel Vesgak Athletic utzi eta Almerian jokatuko du datozen hiru denboraldietan
Gasteiztar erdilariak 9 denboraldi eman ditu Bizkaiko klubean, eta Lehen Mailara itzultzeko helburua duen Andaluziako taldean arituko da hemendik aurrera.