Valverde Mestallara itzuliko da igandean Txapeldunen Liga defendatzeko
Valentziak eta Athleticek indarrak neurtuko dituzte igandean Mestallan (21:00etan). Etxekoek garaipena behar dute Europan jokatzeko txartela ematen duten postuetan sartzeko. Bilbotarrek, aldiz, laugarren postuan gehiago sendotzeko aukera dute.
Bilbotarrak taldekako lan bikaina egiten ari dira, eta aurreko aldean ere sasoiko dira. Ondorioz, laugarren postuan sendo dira bizkaitarrak, Txapeldunen Liga jokatzeko ondo bidean, eta horri gogor eutsi nahi diote azken jardunaldia arte.
Athleticen arrakastaren ardura gehiena Ernesto Valverde entrenatzaileak dauka. Valverde Mestallara bueltatuko da igandean, iaz Athleticera joateko Valentzia entrenatzen jarraitzeari uko egin ostean. 'Txingurri'ri infernua aurreikusi diote Valentzian.
Zuri-gorriak talde titularrarekin iritsiko dira Valentziara. Hala ere, badira baja batzuk: Ibai Gomez eta Kike Sola ez dira aulkian izango, biek mina baitute giharretan. Valverdek Gaizka Toquero sartu du deialdian, azken asteak lesionatuta eman ondoren. Beñat, aldiz, kanpoan geratu da, Kike Sola eta Ibai Gomez min hartutako jokalariekin batera.
Valentziari dagokionez, Pizziren taldeak porrota jaso zuen joan den jardunaldian Rayo Vallecanoren aurka, azken asteetako bolada ona etenda.
Litekeena da bi taldeek ondorengo hamaikakoak ateratzea:
Valentzia: Diego Alves; Joao Pereira, Senderos, Mathieu, Bernat, Parejo, Javi Fuego, Feghouli, Fede Cartabia o Míchel, Vargas, Paco Alcácer.
Athletic: Iraizoz; Iraola, Gurpegui, Laporte, Balenziaga; Iturraspe, Rico; Susaeta, Herrera, Muniain; Aduriz.
Epailea: Fernández Borbalan (andaluziarra).
Estadioa: Mestalla.
Ordutegia: 21:00etan.
Zure interesekoa izan daiteke
Jon Uriarte, Athleticen gizonezkoen taldeak 2025-2026 denboraldian egindakoaz: “Etsigarria izan da”
Bilboko klubearen presidenteak eta Mikel Gonzalez Futboleko zuzendariak agerraldia egin dute, asteartean, San Mamesen, denboraldiaren gaineko hausnarketa egitea helburu. Uriartek eta Gonzalezek, Athleticen lehen taldeak egindakoaz gain, Edin Terzic entrenatzaile berria eta Nico Williams ere izan dituzte hizpide, besteak beste.
Jon Uriarte: “Saiatu behar gara dugun talentua bertan gera dadin”
Jon Uriarte Athleticen presidenteak taldeak egindako denboraldiaren balorazioa egin du astearte honetan, prentsaurrekoan. Aurreikusitakoa baino sasoi okerragoa egin dutela onartu du.
Irene Oguizak Athleticekin berritu du, 2029ra arte
Klub zuri-gorriaren lehen taldeko kapitainak hiru urtez luzatu du bere kontratua. Oguizak zazpi denboraldi daramatza goreneko mailan, Athleticen denak, eta, epe horretan, 113 partida ofizial jokatu ditu, 14 gol sartuta.
Unai Egiluzi beste ebakuntza bat egin diote eskuin belaunean
Orain dela hamar hilabete egindako ebakuntzan jarritako mentua ordezkatu diote, entrenamendu batean hautsi egin zitzaiolako.
Iñaki Williams, Munduko Txapelketarako, Ghanaren deialdian
Horrenbestez, lau izango dira Munduko Txapelketan parte hartuko duten jokalari zuri-gorriak.
Athleticek iragarri du Nerea Nevadok, Maite Zubietak eta Marta Sanadrik ez dutela taldean jarraituko
Nevadok eta Zubietak klub zuri-gorriarekin berritzeko aukera zuten, eta ez dute onartu; Sanadrik ere, 2025-2026 denboraldian Alavesen utzita jokatu ostean, ez du Bizkaiko taldean jarraituko.
Athleticek Alhama jipoituz itxi du liga (4-1)
Athletic Clubek 4-1 irabazi dio Alhamari Lezaman jokatu den F Moeve Ligako azken jardunaldiko partida. Daniela Agotek, Ane Camposek (2) eta Jone Amezagak egindako golek garaipena eman diete zuri-gorriei, eta denboraldiari zapore onarekin agur esan diote.
Nico: “Ezin izan diot nire taldeari lagundu, eta Munduko Txapelketan neure burua aldarrikatu nahiko nuke"
Athletic Clubeko jokalariak denboraldian bere taldeari "lagundu ezin izateagatik" sentitzen duen frustrazioaz hitz egin du, eta Munduko Txapelketan bere balioa erakutsi nahi duela nabarmendu du.
Olatz Santanak ez du Athleticen jarraituko
Hernaniko atezaina joan den udan iritsi zen Lezamara, eta 5 partida jokatu ditu talde zuri-gorriarekin.
Jokin Aranbarrik ez du Bilbao Athletic entrenatzen jarraituko
Azkoitiarra bigarren taldeko teknikaria izan da azken bi denboraldietan.