Athleticek landutako eta merezitako garaipena lortu du Betisen aurka
Athleticek garaipen garrantzitsua lortu du San Mamesen, Pepe Melen Betis taldea 2-1ko markagailuarekin gaindituta. De Marcos eta San Jose jokalariek sartu dituzte etxekoen golak. Ez da garaipen erraza izan.
Erritmo handiko lehen zatia jokatu dute bizkaitarrek eta andaluziarrek. Zuri-gorriek indartsu hasi dute neurketa, eta jaun eta jabe izan dira hasierako minutuetan. Susaetak markagailua estreinatzeko aukera izan du 3. minutuan, baina behartuta iritsi da, eta baloia kanpora bidali du. Minutuek aurrera egin ahala, baloiaren jabetza berreskuratu dute Pepe Melen gizonek, eta Chulik gola sartzeko aukera bi izan ditu.
Bilbotarrek lanean jarraitu dute, golaren bila. 20.ean Aritz Adurizentzat izan da abagunea. Donostiarra bakarrik geratu da Sara atezainaren aurrean, baina baloia gora bidali du.
Lan eskasa izan du Iraizozek aurreneko 45 minutuetan, baina 31.ean geldiketa bikaina egin du Matillaren gola saihestuz. Atsedenaldira heltzeko minutu gutxi falta zirenean, birritan bidali du Athleticek baloia langara. Lehenengoan eskumarekin jaurti du Ibaik, eta bigarrenean buruz errematatu du Gurpeguik Ibai beraren erdiraketa.
58. minutuan Athleticen aldeko penaltia adierazi du epaileak, Chulik Susaeta bota eta gero, zangotrabaz, baina Beñatek ez du aukera baliatu eta huts egin du.
Bi minutu geroago, Betisen gola egin du Jorge Molinak (0-1): Lolo Reyesek erdiratu du, buruz errematatu du Molinak eta Iraizozek aldaratu du, baina baloia Molinari bueltatu zaio eta bigarren aukeran ez du huts egin.
73.ean, zelairatu berria zen De Marcosek egin du banakoaren gola, buruz, Beñaten pasea aprobetxatuta, eta hamar minutu geroago zuri-gorrien bigarrena egin du Mikel San Josek. Atzelari gipuzkoarrak buruz errematatu du Ibairen pase biribila. Athleticek buelta eman dio norgehiagokari.
Baina Betis bizirik heldu da partidako azken minutuetara, eta Verduk gora bidali du neurketako azken errematea. Azkenean, Bilbon geratu dira hiru puntuak, merezita.
Fitxa teknikoa:
2 - Athletic Club: Iraizoz; Iraola, San Jose, Gurpegui, Laporte; Rico, Beñat, Herrera (De Marcos, 69'); Susaeta (Muniain, 74'), Aduriz eta Ibai Gomez (Iturraspe, 86').
1 - Real Betis: Sara; Chica, Amaya, Paulao, Nacho; Matilla (Verdu, 56'), Xavi Torres; Juanfran, Jorge Molina, Salva Sevilla (Lorenzo Reyes, 50'); eta Chuli (Cedrick, 72').
Golak:
0-1, 63': Jorge Molina.
1-1, 72': De Marcos.
2-1, 81': San Jose.
Zure interesekoa izan daiteke
Athleticek bere munduko hiru txapeldunak eta De la Fuente omenduko ditu
Espainiako selekzioko hiru jokalari zuri-gorriek parte-hartze garrantzitsua izan zuten Munduko Kopako finalean, eta horiei Luis de la Fuente hautatzailea gehitu behar zaie, Athleticeko jokalari gisa aritutakoa.
Athleticek Sestao River hartu du mendean, denboraldiaurreko hirugarren neurketan (0-2)
4.000 bat zalek harmailak bete dituzte. Edin Terzicen taldeak garaipena lortu du Gorka Guruzetaren eta Oihan Sanceten golei esker. Zuri-gorriek hurrengo partida larunbatean jokatuko dute, Zamudion, Eibarren kontra.
Athleticek gol festaz gozatu du Leioan (0-11)
Athleticek 0-11 irabazi du Leioaren aurka larunbat honetan Jose Ignazio Azkueta zelaian jokatutako lagunartekoa. Golegileak Guruzeta (3), Djalo (2), Navarro (2), Berenguer eta Hierro (2) izan dira. Gainera, etxekoen defentsak gol bat sartu du bere atean. Ikusi hemen partidako gol guztiak.
Vivian eta Maroan Athleticen denboraldiaurreko baja zerrendan sartu dira
Atzelariak “lesioa du eskuin hankako aduktore luzean", eta aurrelariak, berriz, "lesioa du ezker belauneko artikulazio tibioperoneoan", klubak jakinarazi duenez.
Edin Terzicen Athletic berriak ilusioa berpiztu du zale zuri-gorrien artean: “Proiektu oso ona da”
Bilboko taldeak, ostegunean, Lezaman, zaleen aurrean egin du entrenamendua; 500 bat izan dira bertan. Edin Terzic entrenatzaile berriak utzitako lehen sentsazioak onak dira, EITBk egin dituen elkarrizketetan ikusten denez.
Terzicen Athleticek Derio garaitu du denboraldiaurreko lehen partidan (0-3)
Athleticek denboraldiaurreko lehen lagunartekoa jokatu du gaur Derioren aurka Portugaleten. Terzicen taldea garaile atera da 0-3ko markagailuarekin, eta hiru golak bigarren zatian iritsi dira. Maroan Sannadik zelaia utzi du, belaunetako batean min hartu du eta.
Athletic lanean hasi da, Victor Martinen esanetara: “Taldea ausarta, erasokorra, joko alai eta ikusgarria izatea nahi dut”
Bizkaiko taldeak lehen entrenamendua egin du, Lezaman, entrenatzaile berriarekin. Irene Oguizak, kapitainetako bat bera, nabarmendu du garrantzitsua dela, denboraldiaurrean, jokalariak klubera iritsi berri den talde teknikora egokitzea.
Nico Serranok gihar-lesio arina du, eta ez da taldekideekin aritu
Jokalari nafarrak ezker hankako zuzen femorala du minduta.
Josean Lekuek Nico “ondo" dagoela ziurtatu du, eta iragan denboraldia esparru medikoan aspaldiko “txarrena" izan zela onartu du
Hala ere, "antzeko metodologiarekin", 2024-2025 denboraldian Athleticek laugarren amaitu eta Europa Ligako finalerdiak jokatu zituela, eta azken hamarkadako "onena" izan zela gaineratu du buruzagi mediko zuri-gorriak.
Urko Izetak Athletic utzi eta Cadizen jokatuko du
27 urteko jokalariak 16 partida ofizial jokatu zituen aurreko denboraldian Ernesto Valverderen aginduetara, horietatik hiru bakarrik titular gisa, eta gol bat sartu zuen.