Zaragozak Athletic gainditu du hiru gol 9 minututan sartuta
Zaragozak txikitu egin du Athleticek orain arte atzealdean agertutako sendotasuna. Aragoarrek hiru gol egin dizkiete bilbotarrei bederatzi mimunutan, lehen zatian, eta azkenean 1 eta 4 gailendu dira Las Llanasen jokatutako lagunartekoan.
Lehen gola Cidonchak egin du 23. minutuan, Athleticen atzelariek egindako hutsa aprobetxatuz. Ordura arte Athleticek kontrolpean izan du jokoa. Zaragozarren bigarren gola Luis Garciak egin du 30. minutuan eskumatik egindako erdiraketa bati esker. Bi minutu geroago iritsi da bisitarien hirugarrena; Barkerok egin du, baselinaz.
Zuri-gorrien gola ez da bigarren zatira arte iritis. Toquerok sartu du 61. minutuan, Ibaik egindako erdiraketa aprobetxatuta. Zaragozak, hala ere, laugarrena egiteko denbora ere izan du, Balenziagak egindako jokaldi eder batean.
Valverderen gizonek huts ugari egin dituzte defentsan. Gainera, Xabi Etxeita atzelariak min hartu du goitik zetorren baloi bat kontrolatzen saiatu denean.
Paco Herreraren Zaragozak, berriz, nahikoa izan du hiru-lau alditan fin egotea partida poltsikoratzeko. Erraz gailendu dira bisitariak.
Fitxa teknikoa:
1 - Athletic Club: Herrerín; Ramalho, Ekiza (Albizua, min.46), Etxeita (Aurtenetxe, min.53), Balenziaga; Morán (Beñat, min.64), Galarreta (Muniain, min.53), Iñigo Pérez (Iturraspe, min.46); Toquero, Aduriz (Sola, min.64) eta Ibai Gómez.
4 - Real Zaragoza: Leo Franco; Fernández (David Cortés, min.64), Paredes (Laguardia, min.64), Álvaro, Abraham; Cidoncha (Movilla, min.64), Paglialunga; Porcar (Diego Suárez, min.64), Barkero (Tarsi, min.64), Luis García (Víctor, min.72); eta Montañés (Ortí, min.46).
Golak: 0-1, min.23: Cidoncha. 0-2, min.30: Luis García. 0-3, min.32: Barkero. 1-3, min.61: Toquero. 1-4, min.84: Diego Suárez.
Zure interesekoa izan daiteke
Jokin Aranbarrik ez du Bilbao Athletic entrenatzen jarraituko
Azkoitiarra bigarren taldeko teknikaria izan da azken bi denboraldietan.
Naroa Uriartek 25 urterekin utziko du futbola, bi belauneetan lesio larriak izan ondoren
Bakioko jokalaria 2018an Munduko eta Europako 17 urtez azpiko txapeldun izan zen. Zazpi denboraldi eman ditu futbolaren maila gorenean. Talde zuri-gorriarekin 38 neurketa ofizial jokatu ditu eta, gainera, bi denboraldi eman ditu utzita Granadan. Igandean omenaldia egindo diote Lezaman.
Athleticek DUX Logroñori irabazi dio Las Gaunasen eta liga lehen zortzien artean amaitzea ziurtatu du (0-2)
Javi Lergak zuzentzen duen taldeak aurrea hartu du 15. minutuan, Ane Azkonak sartutako golari eskerz. Bigarren zatian, Maddi Torrek bigarren gola egin du 52. minutuan. Zuri-gorriek datorren denboraldian Erreginaren Kopako kanporaketa bat gutxiago jokatu beharko dute.
Naia Landaluzek 2028ra arte berritu du kontratua Athleticekin
Elastiko zuri-gorriarekin 100 partidatik gora jokatu dituen Orozkoko atzelariak beste bi denboraldiz luzatu du kontratua.
Valverde: “Hemen ikusi dut nire burua islatuta, aitortuta; klan bat gara eta hori da dagoena”
Larunbat honetan, Athleticek, Real Madrilen aurka neurtuko ditu, Valverderen azken partidan. Entrenatzaile zuri-gorria etxean egingo duen azken prentsaurrekoan agertu da eta partidaz, klubean izandako ibilbideaz eta Kopako garaipenaz hitz egin du bertan. (Bideoa gazteleraz).
Ane Azkonak Athleticen jarraituko du 2028ra arte
Aurrelari nafarrak hamar urte beteko ditu azaroan debuta egin zuenetik, eta bi denboraldiz luzatu du kontratua.
Athleticek bana egin du Celtarekin, aurtengo Ligan San Mamesen jokatu duen azken partidan
Swedbergek galiziarrak aurreratu ditu lehen zatian eta Iñaki Williamsek, berriz, berdinketa egin du bigarrenean. Valverderen eta Lekueren azken partida izan da Katedralean.
Valverde: "Iritsi gara lehen solairura, ea pixka bat gorago iritsi gaitezkeen"
Ernesto Valverdek, Athleticeko entrenatzaileak, "zapore onarekin" agur esan nahi duela azpimarratu du, Celtaren aurka garaipena eskuratuta; denboraldi "zail" baten ostean San Mamesen jokatuko duen azken partida izango baita.
Egiluzek min hartu du berriro eskuineko belaunean
Erdiko atzelariak haustura du berriro eskuin belauneko aurreko lotailu gurutzatuko plastian.
Dani Vivianek bihurdura bat dauka orkatilan, eta Celtaren aurkako partidarako baja izan daiteke
Athleticeko atzelaria, asteazkenean, Bartzelonan, Espanyolen aurka jokatutako partidaren atsedenaldian kendu behar izan zuen Ernesto Valverdek. Vivianek bere eskuineko orkatilaren kanpoko alboko lotailuan lesio bat du.