Athleticek berdinketa batekin amaitu du denboraldiaurreko egonaldia

Athleticek eta Freiburg taldeek zero goletara berdindu dute larunbat honetan jokatutako lagunarteko partidan. Zuri-gorriek bigarrenez jarraian lortu dute emaitza hori azken astean.

Partida ez da ona izan eta gol aukera gutxi sortu dituzte bi taldeek. Beroa izan da, zalantzarik gabe, protagonista nagusia.

Valverderen hasierako hamaikakoan Iago Herrerin; Iraola, San José, Ekiza, Balenziaga; Iturraspe, Beñat, Ruiz de Galarreta, Susaeta, Aduriz eta Ibai atera dira. Bigarren zatian, berriz, Iñigo Perez, Joans Ramalho, Etxeita, Albizua eta Toquero zelairatu dira, Iraola, Ekiza, Iturraspe, Susaeta eta San Joseren ordez.