Athleticek porrot tristearekin agurtu du San Mames (0-1)
Athleticek ezin izan du irabazi San Mames zaharrean jokatu duen azkeneko partida ofiziala. Levantek azkenengo minutuan lortu du garaipenaren gola (Juanluk 91. minutuan), eta Juan Ignacio Martinezen mutilek Katedraleko azkenengo hiru puntuak eraman dituzte.
Talde zuri-gorria nagusi izan da aurreneko zatian, baina ezin izan dituzte aukerak gauzatu. Andoni Iraolak lehenengo abagune argia izan du, 9. minutuan, eta jarraian Levantek neurketako aukerarik argiena izan du. Hala ere, Gorka Iraizozek ederki desbideratu du Pedro Riosen jaurtiketa, eta baloia langara joan da. Athleticek sakatzen eta agintzen jarraitu du San Mamesen, eta abaguneak heltzen joan dira.
Aritz Adurizek 1-0ekoa eskuratzeko abagune oso argia izan du (17. minutua), baina donostiarraren saiakera zutoin albotik kanpora joan da. Jose Ignacio Martinezen mutilek kontraerasoak bilatu dituzte, eta Iraizozek erne egon behar izan du, areatik bizkor irteteko. Aquafrescak aukera ona izan du, 34. minutuan, baina Nafarroako atezaiank erantzun bikainarekin desbideratu du baloia. Bielsaren taldea erraz heldu da Levantaren area ingurura, baina errematean ezin izna du asmatu. Atsedenaldian, 0-0ekoak jarraitu du San Mames zaharreko markagailuan.
Valentziako taldeak izan du aurreneko abagune argia atsedenaldiaren ostean, baina Diopen erdiraketa desbideratua zutoinera joan da (51. minutua). Ibai Marcel Susaetaren ordez sartu du Bielsak, baina Athleticek akats handiak egiten jarraitu du. Iker Muniainek txartel gorria ikusi du, Rodasi ostikada emateagatik, eta zuri-gorriak hamar jokalarirekin gelditu dira.
Toquerok saiakera egin du 73. minutuan, baina gasteiztarrak baloia Navasen eskuetara bidali du. Iturraspek ere urruneko saiakera egin du, eta baloia langa gainetik kanpora joan da. Bilboko taldearen azkenengo abagunea Mikel San Josek izan du, baina nafarraren errematea Navasek desbideratu du. 91. minutuan, Juanluk 0-1ekoa jarri du San Mameseko markagailuan. Levantek kontraerasoa bikain burutu du, eta Katedraleko azkeneko hiru puntuak eksuratu ditu.
- Fitxa teknikoa:
0 - Athletic Club: Iraizoz; Iraola, Gurpegui, San Jose, Aurtenetxe; Iturraspe, De Marcos, Herrera (Toquero, 68. minutuan); Susaeta (Ibai, 55. minutuan), Aduriz (Llorente, 76. minutuan) eta Muniain.
1 - Levante: Keylor Navas; Hector Rodas, Vyntra, David Navarro, Dudka; Diop, Iborra; Pedro Rios (El Zhar, 74. minutuan), Valdo, Ruben (Juanlu, 79. minutuan); eta Acquafresca (Michel, 69. minutuan).
Gola: 0-1, 91. minutuan: Juanlu.
Zure interesekoa izan daiteke
Athletic esku-hutsik irten da Camp Noutik (2-0)
Bigarren porrota jaso du Edin Terzicen taldeak bi jardunalditan, gaurkoan Bartzelonaren aurka galduta. Raphinha eta Fermin izan dira golegileak, nahiz eta Unai Simonek lan bikaina egin duen bilbotarren aldetik.
Athletic ez dago ados Apelazioarekin, Yuriren aldeko errekurtsoa ezesteagatik
Klubak gogorarazi du joan den asteartean argitaratutako Epaileen Batzorde Teknikoaren analisiak ondorioztatu zuela jokalaria kanporatzeko ekintza "txartelik gabeko jaurtiketa libre zuzenarekin" konpondu behar zela.
Edin Terzic: “Talde askok sufritzen dute Camp Noun”
Athleticen entrenatzaile alemaniarrak Bartzelonaren partidaren aurkako atarian hitz egin du eta taldea nola iritsiko den aztertu du. Yuri, Vivian, Egiluz eta Prados gabe arituko dira Camp Noun.
Beñat Gerenabarrena, debuta egin ostean: “Txikitatik amestu dudan gauza bat da; pena emaitza ez dela nahi genuena izan”
Erdilari lekeitiarra hasierako hamaikakoan aritu da, Peio Canalesekin batera, 2026-2027 denboraldiko EA Sports Ligan Athleticek jokatu duen lehen partidan. Gerenabarrena ondo ibili da, baina Athleticek 1-3 galdu du Sevillaren aurka, San Mamesen, lehen minutuetatik hamar jokalarirekin jokatu eta gero.
Athleticek porrot mingarria jaso du Sevillaren aurka San Mamesen, Edin Terzicen debutean (1-3)
Osok, Ejukek eta Isaacek sartu dituzte Sevillaren golak, eta Paredesek lortu du etxekoena. Athletic hamar futbolarirekin aritu da hamargarren minututik, Yuriri txartel gorria atera baitiote, eta lehenengo eta hirugarren goletan huts egin du. Gerenabarrena hasierako hamaikakoan izan da, eta aurreneko aldiz jokatu du talde zuri-gorriarekin, baita Rinconek ere.
Edin Terzic: “Uste dut prest gaudela, entrenamenduetan eta lagunartekoetan erakutsi dugu”
Athleticek bihar hasiko du denboraldia Sevillaren aurka San Mamesen (17:00etan). Edin Terzic enrenatzeileak Nico Williams minik gabe ari dela entrenatzen esan du, baina Vivian ez dagoela jokatzeko prest. Taldea ondo dagoela uste du lehiaketa hasteko.
Athleticek porrot batekin itxi du denboraldiaurrea Atalantaren aurka
Athletic Clubek 1-0 galdu du Bergamon, talde zuri-gorriak 2026-27 denboraldia ofizialki hasi aurretik Sevillaren aurka Bilbon jokatu duen zortzi partiduen azken prestaketa partidan. Nicola Zalewski internazional poloniarrak bigarren zatia hasi eta berehala sartutako golari esker irabazi du partida Italiako taldeak, Athleticek ezin izan du aurreko denboraldiko Txapeldunen Ligan lortutako garaipena errepikatu.
Edin Terzic: “Zaleen zirrara eta babesa antzematen ditut, klubarekiko duten lotura; lanerako jarrera oso ona da”
Athleticek abuztuaren 22an ekingo dio lehiari 2026-2027 denboraldian, EA Sports Ligan, San Mamesen, Sevilla aurkari; horretarako bederatzi egun gelditzen direla, EITBk Edin Terzic zuri-gorrien entrenatzaile berria elkarrizketatu du. “Guk, Ligako beste hainbat taldek bezala, Europan jokatzea dugu helburu”, adierazi du, “eta hitzeman ahal dut gogor lan egingo dugula horretarako”.
Julen Agirrezabala, Racing Santanderrera
Athleticek diru kopuru bat jasoko du 25 urteko atezainaren fitxaketarengatik, eta aldagai ekonomikoak gordeko ditu helburuen, etorkizuneko salmentaren ehunekoaren eta lehentasunez erosteko eskubidearen arabera. Agirrezabalak, 25 urtekoa bera, 65 partida ofizial jokatu ditu Athleticekin, tartean 2023-2024 denboraldiko Errege Kopako guztiak; orduan, euskal taldeak titulua irabazi zuen, eta errenteriarra giltzarria izan zen horretarako.
-6?fmt=webp-alpha&qlt=80)
Nico Williams, Unai Simon eta Aymeric Laporte Lezamara itzuli dira oporraldiaren ostean
Nico Williams, Unai Simon eta Aymeric Laporte entrenamenduetara itzuli dira AEBetako, Mexikoko eta Kanadako Munduko Txapelketa irabazi ostean.