Cristiano Ronaldo Athleticen borreroa izan da San Mamesen
Athleticek 0 eta 3 galdu du San Mamesen, Real Madrilen kontra jokatutako partidan. Llorentek kapitain lanak egin ditu eta Bielsak Moran gaztea zelairatu du bigarren zatian, lehen mailan lehen aldiz. Madrildarren aldean, Casillas aulkian egon da, eta ez du minuturik jokatu duela 14 urte lehen mailan debuta egin zuen San Mames zaharrean.
Cristiano Ronaldok gola egin du partida hasi eta berehala, bigarren minutuan, baina Athletic izan da nagusi lehen zatian. Bielsarenei kosta egin zaie kontrola hartzea baina baloiaren jabetza zurigorria izan da lehen zatian.
Hala ere, arrisku oso txikia sortu dute Diego Lopezen atean. Lehoiak area inguruan ibili dira, zenbait jaurtiketa egin dituzte, baina estualdi handirik eragin gabe. Real Madril, berriz, gutxitan iritsi da Iraizozen atera, baina arrisku handia sortuz: gauzak horrela, Benzema bigarren gola sartzear izan da Sergio Ramosen pase bikainaz baliatuta, baina bere jaurtiketak langa jo du.
Zurigorriek penaltia eskatu dute 38. minutuan, Susaeta Real Madrilen arean erori denean, baina epaileak ez du ezer ere adierazi. 41. minutuan, Ander Herrerak jaurtiketa bortitza egin du, baina baloia kanpora atera da defentsa batean jo ostean. 0 eta 1ekoak atsedenaldira arte iraun du.
Bigarren zatian, Madril baloiaren jabetza berreskuratzeko eta markagailuko aldea handitzeko nahiarekin atera da. Zurigorriak ondo kokatuta zeuden berdegunean, baina lehen zatiko gabezi bera izan dute: ez dira benetako arriskua sortzeko gai izan.
Cristiano Ronaldo, erabakigarria
Madrilek, aldiz, ez du barkatzen, eta 68. minutuan bigarren gola egin dute. Cristiano Ronaldok egin du buruz, falta jaurtiketa baten ondorioz.
Bigarren gol horrek min handia egin die zurigorriei eta zortzi minutu geroago hirugarrena egin dute: Cristianok pasea eman dio Higuaini eta honen jaurtiketa Iraizozen ate barrura joan da.
Hortik aurrera, ezer gutxi gertatu da San Mamesen. Athleticek amore eman du azken minutuetan. Gainontzeko emaitzak Athleticen aldekoak izan dira eta horri esker Bielsaren mutilek jaitsiera postuekin duten aldeari eutsi diote.
Zure interesekoa izan daiteke
Alejandra Estefaniari beste ebakuntza bat egin diote eskuineko belaunean
Erdilari zuri-gorriari artroskopia egin diote eskuin belaunean. Jokalaria larri lesionatu zen eskuin belaunean 2024ko irailean.
Athleticek Elx menderatu du, Guruzetak bi gol sartuta, eta hiru garaipen jarraian lortu ditu Ligan (2-1)
Aurrelari donostiarrak 64. minutuan egin du 1-0ekoa, Andre Da Silvak jarri du 1-1ekoa, penaltiz, eta 89.ean egin du Guruzetak Athleticen bigarrena, penaltiz. Valverderen taldeak, horrela, Ligako azken 4 partidetan jokoan izan dituen 12 puntuetatik 10 poltsikoratu ditu.
Ane Campos, berriro Ipuruan, Eibar-Athletic derbian: “Partida gogorra izango da, xehetasunek erabakiko dute”
Aurrelari gipuzkoarrak, lehen itzulian, gol bat egin zion bere talde ohiari; orain, aurrenekoz jokatuko du aurkari gisa Eibarren estadioan. Camposek EITBrekin hitz egin du, derbia aztergai; igandean izango da, 12:00etan, eta kirolakeitb.eus-ek eta ETB2k zuzenean emango dute.
Valverde: "Ez dugu sailkapenean ez gora ez behera begiratzen, gure buruari begira gaude"
Entrenatzaile zuri-gorriak baieztatu duenez, Dani Vivian jokatzeko prest izango da, giharretako arazo batengatik azken sei neurketa galdu ostean. Mikel Jauregizar, ordea, ezin izango du zelairatu, igandean Carlos Tartieren min hartu ondoren.
Unai Egiluz, Athleticeko jokalaria: "Taldearekin itzultzeko prest nago"
Unai Egiluz Athleticeko jokalaria gaur itzuli da entrenamenduetara, lesio luze baten ostean. Oso pozik agertu da prentsaurrekoan, lanerako gogoz.
Nico Williams baja izango da datozen jardunaldietan; Jauregizarren lesioa, berriz, ez da larria
Talde zuri-gorriak argitaratutako mediku-txostenaren arabera, Williamsek kanpoko espezialista batekin landuko du pubalgia. Jauregizarren kasuan, berriz, egindako probekin ikusi dute ez duela lesio larririk, ez belauneko lotailuan, ezta meniskoan ere.
Valverde: "Nico ez dago % 100ean, eta hori arazo bat da berarentzat eta guretzat"
Athleticeko entrenatzaileak Williams anai txikiak dituen arazo fisikoei buruz hitz egin du.
Oihan Sancet: "Badakigu hiru puntuak lortzea zein zaila den eta oso pozik gaude"
Valverderen taldeak Oviedoren etxean lortutako garaipen garrantzitsua izan du hizpide Athleticeko jokalariak (1-2).
Athleticek markagailua irauli du Oviedoren aurka, eta Ligan gora begira jarri da (1-2)
Ilyas Chairak Asturiasko taldea aurreratu du lehenengo zatian; bigarrenean, Athleticek hobera egin du, Mikel Jauregizarrek gol ederra sartu du 1-1ekoa jartzeko, eta Oihan Sancetek, penaltiz, 1-2koa egin du. Jauregizar lesionatu egin da gola sartu duen jokaldian.
Oguiza: "Astean zehar partida asko izan ditugu, eta hori azkenean igarri egiten da"
Irene Oguiza Athleticeko jokalariaren adierazpenak, F Ligako 20. jardunaldiko Realaren aurkako derbia 0-2 galdu ondoren.