Euskal derbiak San Mames mitikoari agur esango dio gaur
Reala denboraldiko sasoi onenean helduko da San Mameseko derbira, Europako postuetan murgilduta, eta Txapeldunen Ligatik oso hurbil. Athletic, bestalde, burumakur dago zuri-gorrien denboraldia uste baino kaskarragoa izaten ari baita. San Mames zaharrak azkeneko euskal derbia hartuko du.
Katedrala denboraldi bukaeran behera botako dute, eta ondoan San Mames estadio berria eraikitzen hasi da Bilboko kluba.
Partida historikoa izango da, baina hori alde batera utzita Athleticek puntuak bai ala bai behar ditu, denboraldi kaskarra iraultzen saiatzeko. Bielsaren mutilek 26 puntu lortu dituzte 24 jardunalditan, eta jaitsiera postuak oso hurbil dituzte (6 puntura).
Jarraian bi porrot gogor jaso ditu Bizkaiko taldeak, eta batez ere San Mamesen Espanyolen aurka jasotako 0-4koak min handia egin zien zuri-gorriei. Egoera iraultzeko derbia irabaztea hil edo bizikoa da.
Defentsan baja garrantzitsuak ditu Athleticek Borja Ekiza eta Carlos Gurpegi lesionatuta baitaude. Gainera, Oscar De Marcos eta Iker Muniain minduta daude, eta azken ordura arte zalantza izango dira.
Gaizka Toquerok Guardiako jokalariaren postua hartu dezake erdialdean, eta Ibaik Iker Muniainen ordez joka dezake ezker hegalean.
Reala Europa Ligako postuetan dago, eta Txapeldunen Ligako postuak oso gertu ditu. Gainera, San Mamesen jokatu dituen azkeneko zortzi partidetan puntu bakarra soilik batu du.
Philippe Montanierrek jokalari guztiak jokatzeko prest ditu, eta Estrada eta David Zurutuza Cadamuroren eta Jose Angelen ordez sartu ditu, deialdian.
Frantziarrak hiru derbi jokatu ditu Athleticen aurka, baina soilik bat irabazi du. Montanierrek hiru puntuak lortzeko "partida borobila" egin beharko dutela azpimarratu du.
Ustezko hamaikakoak:
Athletic Club: Raul; Iraola, San Jose, Laporte, Aurtenetxe; Iturraspe, De Marcos, Herrera; Susaeta, Aduriz eta Ibai Gomez.
Reala: Bravo; Carlos Martinez, Iñigo Martinez, Mikel, De la Bella; Bergara, Illarramendi, Prieto; Griezmann, Vela eta Agirretxe.
Epailea: Undiano Mallenco (Nafarroa).
Estadioa: San Mames.
Ordua: 21:30ean
Zure interesekoa izan daiteke
Athletic esku-hutsik irten da Camp Noutik (2-0)
Bigarren porrota jaso du Edin Terzicen taldeak bi jardunalditan, gaurkoan Bartzelonaren aurka galduta. Raphinha eta Fermin izan dira golegileak, nahiz eta Unai Simonek lan bikaina egin duen bilbotarren aldetik.
Athletic ez dago ados Apelazioarekin, Yuriren aldeko errekurtsoa ezesteagatik
Klubak gogorarazi du joan den asteartean argitaratutako Epaileen Batzorde Teknikoaren analisiak ondorioztatu zuela jokalaria kanporatzeko ekintza "txartelik gabeko jaurtiketa libre zuzenarekin" konpondu behar zela.
Edin Terzic: “Talde askok sufritzen dute Camp Noun”
Athleticen entrenatzaile alemaniarrak Bartzelonaren partidaren aurkako atarian hitz egin du eta taldea nola iritsiko den aztertu du. Yuri, Vivian, Egiluz eta Prados gabe arituko dira Camp Noun.
Beñat Gerenabarrena, debuta egin ostean: “Txikitatik amestu dudan gauza bat da; pena emaitza ez dela nahi genuena izan”
Erdilari lekeitiarra hasierako hamaikakoan aritu da, Peio Canalesekin batera, 2026-2027 denboraldiko EA Sports Ligan Athleticek jokatu duen lehen partidan. Gerenabarrena ondo ibili da, baina Athleticek 1-3 galdu du Sevillaren aurka, San Mamesen, lehen minutuetatik hamar jokalarirekin jokatu eta gero.
Athleticek porrot mingarria jaso du Sevillaren aurka San Mamesen, Edin Terzicen debutean (1-3)
Osok, Ejukek eta Isaacek sartu dituzte Sevillaren golak, eta Paredesek lortu du etxekoena. Athletic hamar futbolarirekin aritu da hamargarren minututik, Yuriri txartel gorria atera baitiote, eta lehenengo eta hirugarren goletan huts egin du. Gerenabarrena hasierako hamaikakoan izan da, eta aurreneko aldiz jokatu du talde zuri-gorriarekin, baita Rinconek ere.
Edin Terzic: “Uste dut prest gaudela, entrenamenduetan eta lagunartekoetan erakutsi dugu”
Athleticek bihar hasiko du denboraldia Sevillaren aurka San Mamesen (17:00etan). Edin Terzic enrenatzeileak Nico Williams minik gabe ari dela entrenatzen esan du, baina Vivian ez dagoela jokatzeko prest. Taldea ondo dagoela uste du lehiaketa hasteko.
Athleticek porrot batekin itxi du denboraldiaurrea Atalantaren aurka
Athletic Clubek 1-0 galdu du Bergamon, talde zuri-gorriak 2026-27 denboraldia ofizialki hasi aurretik Sevillaren aurka Bilbon jokatu duen zortzi partiduen azken prestaketa partidan. Nicola Zalewski internazional poloniarrak bigarren zatia hasi eta berehala sartutako golari esker irabazi du partida Italiako taldeak, Athleticek ezin izan du aurreko denboraldiko Txapeldunen Ligan lortutako garaipena errepikatu.
Edin Terzic: “Zaleen zirrara eta babesa antzematen ditut, klubarekiko duten lotura; lanerako jarrera oso ona da”
Athleticek abuztuaren 22an ekingo dio lehiari 2026-2027 denboraldian, EA Sports Ligan, San Mamesen, Sevilla aurkari; horretarako bederatzi egun gelditzen direla, EITBk Edin Terzic zuri-gorrien entrenatzaile berria elkarrizketatu du. “Guk, Ligako beste hainbat taldek bezala, Europan jokatzea dugu helburu”, adierazi du, “eta hitzeman ahal dut gogor lan egingo dugula horretarako”.
Julen Agirrezabala, Racing Santanderrera
Athleticek diru kopuru bat jasoko du 25 urteko atezainaren fitxaketarengatik, eta aldagai ekonomikoak gordeko ditu helburuen, etorkizuneko salmentaren ehunekoaren eta lehentasunez erosteko eskubidearen arabera. Agirrezabalak, 25 urtekoa bera, 65 partida ofizial jokatu ditu Athleticekin, tartean 2023-2024 denboraldiko Errege Kopako guztiak; orduan, euskal taldeak titulua irabazi zuen, eta errenteriarra giltzarria izan zen horretarako.
-6?fmt=webp-alpha&qlt=80)
Nico Williams, Unai Simon eta Aymeric Laporte Lezamara itzuli dira oporraldiaren ostean
Nico Williams, Unai Simon eta Aymeric Laporte entrenamenduetara itzuli dira AEBetako, Mexikoko eta Kanadako Munduko Txapelketa irabazi ostean.