Zuri-gorriek ezin izan dute punturik lortu
Athleticek bigarren porrota jarraian jaso du, Malagaren aurka (1-0), eta Bielsaren mutilek sailkapenean atzerapauso handia eman dute. Neurketako gol bakarra Saviolak egin du, 18. minutuan, zuri-gorrien defentsako akats argia ondo aprobetxatuta. Bilboko taldeak gol aukera ugari izan ditu, baina Willy Caballerok erakustaldia eman du ate azpian.
Zuri-gorriek indartsu hasi dute norgehiagoka erasoan, eta Gurpegik aurreneko gola egiteko abagune ederra huts egin du (1. minutuan). Andosillakoak langa gainetik errematatu du. Pixkanaka, Malaga agintzen hasi da, eta Athleticek defentsan asko sufritu du. Raulek Antunesen jaurtiketa desbideratzea lortu du, baina Saviolak 1-0ekoa jarri du markagailuan (18. minutua). Bielsaren mutilek akats argia egin dute defentsan, eta Argentinako aurrelariak erraz gainditu du Raul.
Manuel Pellegriniren mutilek bigarren gola egiteko abagune ugari izan dituzte, baina Raul sendo egon da ate azpian. Gurpegi lesionatu egin da 25. minutuan, eta San Jose zelairatu behar izan du Marcelo Bielsak. Athleticen abagunerik onena Adurizek izan du, 33. minutuan, baina Caballerok gelditu ikusgarria egin du. Atsedenaldira, Andaluziako taldea 1-0 aurretik joan da.
Bigarren zatiko aurreneko minutuetan Malagak gogor sakatu du erasoan, eta Raulek gelditu erabakigarriak egin behar izan ditu. Marcelo Bielsaren mutilek apurka gehiago presionatu dute, baina Caballerok oso sendo jarraitu du atean. Argentinako atezainak Ibairen saiakera desbideratu du (55. minutua), eta jarraian, Raulek beste gelditu erabakigarri bat egin behar izan du, Piazonen jaurtiketa desbideratzeko.
Ibai Gomezek beste aukera argi bat izan du, 79. minutuan, baina Caballerok erantzun paregabea eman du. Malagako taldeak bigarren gola lortzeko abagune onak izan ditu, baina Joaquinen eta Santa Cruzen jaurtiketak kanpora joan dira. Norgehiagokako azkeneko abagunea Ibais izan du, falta jaurtiketa batean, baina Caballerok gelditu bikaina egin du.
- Fitxa teknikoa:
1 - Malaga CF: Caballero; Sergio Sanchez, Lugano, Weligton, Antunes; Portillo, Piazon (Joaquin, 81. minutua), Camacho, Isco; Baptista (Toulalan, 58. minutua) eta Saviola (Santa Cruz, 58. minutua).
0.- Athletic: Raul Fernandez; Iraola, Gurpegui (San Jose, 26. minutua), Laporte, Aurtenetxe; Iturraspe, De Marcos (Llorente, 65. minutua), Ander Herrera, Susaeta; Ibai Gomez eta Aduriz.
Gola: 1-0, 18. minutua: Saviola.
Zure interesekoa izan daiteke
Athletic esku-hutsik irten da Camp Noutik (2-0)
Bigarren porrota jaso du Edin Terzicen taldeak bi jardunalditan, gaurkoan Bartzelonaren aurka galduta. Raphinha eta Fermin izan dira golegileak, nahiz eta Unai Simonek lan bikaina egin duen bilbotarren aldetik.
Athletic ez dago ados Apelazioarekin, Yuriren aldeko errekurtsoa ezesteagatik
Klubak gogorarazi du joan den asteartean argitaratutako Epaileen Batzorde Teknikoaren analisiak ondorioztatu zuela jokalaria kanporatzeko ekintza "txartelik gabeko jaurtiketa libre zuzenarekin" konpondu behar zela.
Edin Terzic: “Talde askok sufritzen dute Camp Noun”
Athleticen entrenatzaile alemaniarrak Bartzelonaren partidaren aurkako atarian hitz egin du eta taldea nola iritsiko den aztertu du. Yuri, Vivian, Egiluz eta Prados gabe arituko dira Camp Noun.
Beñat Gerenabarrena, debuta egin ostean: “Txikitatik amestu dudan gauza bat da; pena emaitza ez dela nahi genuena izan”
Erdilari lekeitiarra hasierako hamaikakoan aritu da, Peio Canalesekin batera, 2026-2027 denboraldiko EA Sports Ligan Athleticek jokatu duen lehen partidan. Gerenabarrena ondo ibili da, baina Athleticek 1-3 galdu du Sevillaren aurka, San Mamesen, lehen minutuetatik hamar jokalarirekin jokatu eta gero.
Athleticek porrot mingarria jaso du Sevillaren aurka San Mamesen, Edin Terzicen debutean (1-3)
Osok, Ejukek eta Isaacek sartu dituzte Sevillaren golak, eta Paredesek lortu du etxekoena. Athletic hamar futbolarirekin aritu da hamargarren minututik, Yuriri txartel gorria atera baitiote, eta lehenengo eta hirugarren goletan huts egin du. Gerenabarrena hasierako hamaikakoan izan da, eta aurreneko aldiz jokatu du talde zuri-gorriarekin, baita Rinconek ere.
Edin Terzic: “Uste dut prest gaudela, entrenamenduetan eta lagunartekoetan erakutsi dugu”
Athleticek bihar hasiko du denboraldia Sevillaren aurka San Mamesen (17:00etan). Edin Terzic enrenatzeileak Nico Williams minik gabe ari dela entrenatzen esan du, baina Vivian ez dagoela jokatzeko prest. Taldea ondo dagoela uste du lehiaketa hasteko.
Athleticek porrot batekin itxi du denboraldiaurrea Atalantaren aurka
Athletic Clubek 1-0 galdu du Bergamon, talde zuri-gorriak 2026-27 denboraldia ofizialki hasi aurretik Sevillaren aurka Bilbon jokatu duen zortzi partiduen azken prestaketa partidan. Nicola Zalewski internazional poloniarrak bigarren zatia hasi eta berehala sartutako golari esker irabazi du partida Italiako taldeak, Athleticek ezin izan du aurreko denboraldiko Txapeldunen Ligan lortutako garaipena errepikatu.
Edin Terzic: “Zaleen zirrara eta babesa antzematen ditut, klubarekiko duten lotura; lanerako jarrera oso ona da”
Athleticek abuztuaren 22an ekingo dio lehiari 2026-2027 denboraldian, EA Sports Ligan, San Mamesen, Sevilla aurkari; horretarako bederatzi egun gelditzen direla, EITBk Edin Terzic zuri-gorrien entrenatzaile berria elkarrizketatu du. “Guk, Ligako beste hainbat taldek bezala, Europan jokatzea dugu helburu”, adierazi du, “eta hitzeman ahal dut gogor lan egingo dugula horretarako”.
Julen Agirrezabala, Racing Santanderrera
Athleticek diru kopuru bat jasoko du 25 urteko atezainaren fitxaketarengatik, eta aldagai ekonomikoak gordeko ditu helburuen, etorkizuneko salmentaren ehunekoaren eta lehentasunez erosteko eskubidearen arabera. Agirrezabalak, 25 urtekoa bera, 65 partida ofizial jokatu ditu Athleticekin, tartean 2023-2024 denboraldiko Errege Kopako guztiak; orduan, euskal taldeak titulua irabazi zuen, eta errenteriarra giltzarria izan zen horretarako.
-6?fmt=webp-alpha&qlt=80)
Nico Williams, Unai Simon eta Aymeric Laporte Lezamara itzuli dira oporraldiaren ostean
Nico Williams, Unai Simon eta Aymeric Laporte entrenamenduetara itzuli dira AEBetako, Mexikoko eta Kanadako Munduko Txapelketa irabazi ostean.