Espanyolek Athletici jipoi galanta eman dio San Mamesen
Espanyolek Athletic jipoitu du San Mamesen (0-4). Talde bilbotarra atzealdean oso ahul azaldu da eta Iraizozen hanka-sartzeek Athletic kaskar bat zigortu dute. Bizkaitarrek 20 minutu ondo jokatu dituzte, baina Espanyolen lehen golak akabatu ditu.
Athleticek ez du ondo jarrita hasi norgehiagoka, eta Espanyolek arriskua sortu du aurreneko minutuetan. Iraizozek baloi bat gaizki kontrolatu du eta Kataluniako taldea hanka-sartzea aprobetxatzeko zorian izan da.
Aurreneko minutuetan zalantza nagusitu da San Mamesen, baina taldea kokatu eta lanean hasi da. Ander Herrera zelai erdian agintzen hasi da eta bilbotarrek abagune batzuk sortu dituzte. Hala ere, ez dute asmatu, eta gero ordaindu egin dute.
Susaetak gola sartzeko aukerak izan ditu, baina batzutan Casillaren geldiketek eta bestetan eibartarraren hutsegiteek gola saihestu dute. Athleticek gola merezi zuen, baina Espanyolek aurreneko kolpea eman du.
San Josek falta zentzugabea egin du area alboan, Simaok baloia area barruan kokatu eta Hector Morenok baloia sareetan kokatu du. Iraizozek irteeran kale egin du berriro eta errematea are txikiaren barruan egin du Morenok.
Golaren ostean talde bizkaitarra saiatu da, baina Espanyolen gola baino lehen azaldutako jokorik gabe.
Atsedenaldiaren ostean Athletic sakatzen saiatu da, baina ideia argirik gabe. Zortzigarren minutuan Aguirrek Victor Alvarez Simaoren ordez berdeguneratu du eta aldaketa erabakigarria suertatu da.
Espanyolen harrobiko jokalaria protagonista bilakatu da; izan ere, bi pase eman ditu eta Victor Sanchezek eta Stuanik bi gol sartu dituzte bi minutu eskasean. Gainera, bi jokaldietan aurrelari kataluniarrek atzelari zuri-gorrien eta Gorka Iraizoz atezainaren laguntza izan dute. Bi golek partida erabakita utzi dute.
Talde zuri-gorriak hondoa jo du eta Victor Alvarezi penaltia egin dio Laportek. Verduk penaltia jaurti du eta Iraizozek geratu egin dio, baina aldaratzea Espanyoleko erdilariaren oinetan geratu da eta Verduk ez du barkatu.
Fitxa teknikoa:
0.- Athletic: Iraizoz; Iraola, San Jose, Laporte, Aurtenetxe (Toquero, 59. minutua); Iturraspe, De Marcos, Herrera; Susaeta, Aduriz eta Muniain (Ibai Gomez, 23. minutua; Igor Martinez, 53. minutua).
4.- Espanyol: Kiko Casilla; Javi Lopez (Mattioni, 68. minutua), Colotto, Hector Moreno, Capdevila; Victor Sanchez, Forlin; Stuani, Verdu (Cristian Alfonso, 81. minutua), Simao (Victor Alvarez, 53. minutua); eta Sergio Garcia.
Golak: 0-1, 28. minutua: Hector Moreno. 0-2, 57. minutua: Victor Sanchez. 0-3, 58. minutua: Stuani. 0-4, 74. minutua: Verdu.
Zure interesekoa izan daiteke
Athletic esku-hutsik irten da Camp Noutik (2-0)
Bigarren porrota jaso du Edin Terzicen taldeak bi jardunalditan, gaurkoan Bartzelonaren aurka galduta. Raphinha eta Fermin izan dira golegileak, nahiz eta Unai Simonek lan bikaina egin duen bilbotarren aldetik.
Athletic ez dago ados Apelazioarekin, Yuriren aldeko errekurtsoa ezesteagatik
Klubak gogorarazi du joan den asteartean argitaratutako Epaileen Batzorde Teknikoaren analisiak ondorioztatu zuela jokalaria kanporatzeko ekintza "txartelik gabeko jaurtiketa libre zuzenarekin" konpondu behar zela.
Edin Terzic: “Talde askok sufritzen dute Camp Noun”
Athleticen entrenatzaile alemaniarrak Bartzelonaren partidaren aurkako atarian hitz egin du eta taldea nola iritsiko den aztertu du. Yuri, Vivian, Egiluz eta Prados gabe arituko dira Camp Noun.
Beñat Gerenabarrena, debuta egin ostean: “Txikitatik amestu dudan gauza bat da; pena emaitza ez dela nahi genuena izan”
Erdilari lekeitiarra hasierako hamaikakoan aritu da, Peio Canalesekin batera, 2026-2027 denboraldiko EA Sports Ligan Athleticek jokatu duen lehen partidan. Gerenabarrena ondo ibili da, baina Athleticek 1-3 galdu du Sevillaren aurka, San Mamesen, lehen minutuetatik hamar jokalarirekin jokatu eta gero.
Athleticek porrot mingarria jaso du Sevillaren aurka San Mamesen, Edin Terzicen debutean (1-3)
Osok, Ejukek eta Isaacek sartu dituzte Sevillaren golak, eta Paredesek lortu du etxekoena. Athletic hamar futbolarirekin aritu da hamargarren minututik, Yuriri txartel gorria atera baitiote, eta lehenengo eta hirugarren goletan huts egin du. Gerenabarrena hasierako hamaikakoan izan da, eta aurreneko aldiz jokatu du talde zuri-gorriarekin, baita Rinconek ere.
Edin Terzic: “Uste dut prest gaudela, entrenamenduetan eta lagunartekoetan erakutsi dugu”
Athleticek bihar hasiko du denboraldia Sevillaren aurka San Mamesen (17:00etan). Edin Terzic enrenatzeileak Nico Williams minik gabe ari dela entrenatzen esan du, baina Vivian ez dagoela jokatzeko prest. Taldea ondo dagoela uste du lehiaketa hasteko.
Athleticek porrot batekin itxi du denboraldiaurrea Atalantaren aurka
Athletic Clubek 1-0 galdu du Bergamon, talde zuri-gorriak 2026-27 denboraldia ofizialki hasi aurretik Sevillaren aurka Bilbon jokatu duen zortzi partiduen azken prestaketa partidan. Nicola Zalewski internazional poloniarrak bigarren zatia hasi eta berehala sartutako golari esker irabazi du partida Italiako taldeak, Athleticek ezin izan du aurreko denboraldiko Txapeldunen Ligan lortutako garaipena errepikatu.
Edin Terzic: “Zaleen zirrara eta babesa antzematen ditut, klubarekiko duten lotura; lanerako jarrera oso ona da”
Athleticek abuztuaren 22an ekingo dio lehiari 2026-2027 denboraldian, EA Sports Ligan, San Mamesen, Sevilla aurkari; horretarako bederatzi egun gelditzen direla, EITBk Edin Terzic zuri-gorrien entrenatzaile berria elkarrizketatu du. “Guk, Ligako beste hainbat taldek bezala, Europan jokatzea dugu helburu”, adierazi du, “eta hitzeman ahal dut gogor lan egingo dugula horretarako”.
Julen Agirrezabala, Racing Santanderrera
Athleticek diru kopuru bat jasoko du 25 urteko atezainaren fitxaketarengatik, eta aldagai ekonomikoak gordeko ditu helburuen, etorkizuneko salmentaren ehunekoaren eta lehentasunez erosteko eskubidearen arabera. Agirrezabalak, 25 urtekoa bera, 65 partida ofizial jokatu ditu Athleticekin, tartean 2023-2024 denboraldiko Errege Kopako guztiak; orduan, euskal taldeak titulua irabazi zuen, eta errenteriarra giltzarria izan zen horretarako.
-6?fmt=webp-alpha&qlt=80)
Nico Williams, Unai Simon eta Aymeric Laporte Lezamara itzuli dira oporraldiaren ostean
Nico Williams, Unai Simon eta Aymeric Laporte entrenamenduetara itzuli dira AEBetako, Mexikoko eta Kanadako Munduko Txapelketa irabazi ostean.