Porrot mingarria jaso dute zuri-gorriek Rayoren aurka (1-2)
Athleticek hirugarren porrota jarraian jaso du Rayo Vallecanoren aurka, San Mamesen, 1-2ko markagailuarekin galduta.
Oso irekia izan da Bilbon jokatutako lehen zatia. Ausart zelairatu da Rayo, eta aurreneko abisua 3. minutuan eman du Lassek, baina ez du ezkerreko hankarekin asmatu. Hiru minutu geroago Adurizena izan da aukera. Herrerak ondo ikusi du pasea emateko lekua, baina donostiarraren errematea aldaratzea lortu du Rayoko Ruben atezainak.
Arriskuarekin aritu da Rayo, baina ez du baloiaren jabetza lortu. Bielsaren Athleticek lanean jarraitu du markagailua estreinatzeko xedez. 19.ean, lortzeko zorian izan da Susaeta, baina baloia kanpora joan zaio, gutxigatik. Azkeneko minutuak zakarrak izan dira, jaberik gabekoak eta arrisku gutxikoak. Atsedenaldian, 0-0.
48. minutuan, Athleticek zelai erdian utzitako hutsean aprobetxatu du Lassek Rayoren gola egiteko. Bielsak Gurpegi zelairatu eta Amorebieta kendu du. Azken honek txistuak jaso ditu. Baina gehiago entzun behar izan ditu Muniainen ordez sartu den Llorentek (59. minutuan).
Pixka bat lehenago, Iraizozek oinekin aldaratu behar izan du Leok eskuinarekin egindako errematea. Eta 64. minutuan okertu egin da Perez Montero epailearen laguntzailea eta Gurpeguik egindako penaltia adierazi du. Pitik ez du hamaika metroetatik huts egin. Falta areatik kanpo izan da argi eta garbi. Jokaldi horrek norgehiagoka baldintzatu du.
Athleticek 1-2ekoa egin du 76. minutuan. San Josek goitik gainditu du Ruben eta itxaropena piztu du San Mamesen. 79. minutuan, Trashorrasen erdiraketa itxiak gutxigatik ez du Iraizoz ezustean hartu.
85.ean, abagune ederra izan du Fernando Llorentek. Aurrelariak erosotasun osoz errematatu du buruz, baina baloia kanpora joan da, oso gutxigatik. Sufritu egin du Paco Jemezen taldeak azken minutuetan, baina saria jaso du, hiru puntuak. Porrotak egoera zailan utzi du Athletic.
Fitxa teknikoa:
1 - Athletic: Iraizoz; Iraola, Ekiza, Amorebieta (Gurpegui, 50'), De Marcos; San Jose, Herrera, Muniain; Susaeta, Aduriz (Toquero, 93') eta Muniain (Llorente, 57').
2 - Rayo Vallecano: Ruben; Tito, Galvez, Amat, Casado; Javi Fuego, Trashorras; Lass, Domínguez, Piti (Adrian, 90'); eta Leo Baptistao (Delibasic, 71').
Golak:
0-1, 48': Lass.
0-2, 65': Piti, penaltiz.
1-2, 77': San Jose.
Zure interesekoa izan daiteke
Athletic esku-hutsik irten da Camp Noutik (2-0)
Bigarren porrota jaso du Edin Terzicen taldeak bi jardunalditan, gaurkoan Bartzelonaren aurka galduta. Raphinha eta Fermin izan dira golegileak, nahiz eta Unai Simonek lan bikaina egin duen bilbotarren aldetik.
Athletic ez dago ados Apelazioarekin, Yuriren aldeko errekurtsoa ezesteagatik
Klubak gogorarazi du joan den asteartean argitaratutako Epaileen Batzorde Teknikoaren analisiak ondorioztatu zuela jokalaria kanporatzeko ekintza "txartelik gabeko jaurtiketa libre zuzenarekin" konpondu behar zela.
Edin Terzic: “Talde askok sufritzen dute Camp Noun”
Athleticen entrenatzaile alemaniarrak Bartzelonaren partidaren aurkako atarian hitz egin du eta taldea nola iritsiko den aztertu du. Yuri, Vivian, Egiluz eta Prados gabe arituko dira Camp Noun.
Beñat Gerenabarrena, debuta egin ostean: “Txikitatik amestu dudan gauza bat da; pena emaitza ez dela nahi genuena izan”
Erdilari lekeitiarra hasierako hamaikakoan aritu da, Peio Canalesekin batera, 2026-2027 denboraldiko EA Sports Ligan Athleticek jokatu duen lehen partidan. Gerenabarrena ondo ibili da, baina Athleticek 1-3 galdu du Sevillaren aurka, San Mamesen, lehen minutuetatik hamar jokalarirekin jokatu eta gero.
Athleticek porrot mingarria jaso du Sevillaren aurka San Mamesen, Edin Terzicen debutean (1-3)
Osok, Ejukek eta Isaacek sartu dituzte Sevillaren golak, eta Paredesek lortu du etxekoena. Athletic hamar futbolarirekin aritu da hamargarren minututik, Yuriri txartel gorria atera baitiote, eta lehenengo eta hirugarren goletan huts egin du. Gerenabarrena hasierako hamaikakoan izan da, eta aurreneko aldiz jokatu du talde zuri-gorriarekin, baita Rinconek ere.
Edin Terzic: “Uste dut prest gaudela, entrenamenduetan eta lagunartekoetan erakutsi dugu”
Athleticek bihar hasiko du denboraldia Sevillaren aurka San Mamesen (17:00etan). Edin Terzic enrenatzeileak Nico Williams minik gabe ari dela entrenatzen esan du, baina Vivian ez dagoela jokatzeko prest. Taldea ondo dagoela uste du lehiaketa hasteko.
Athleticek porrot batekin itxi du denboraldiaurrea Atalantaren aurka
Athletic Clubek 1-0 galdu du Bergamon, talde zuri-gorriak 2026-27 denboraldia ofizialki hasi aurretik Sevillaren aurka Bilbon jokatu duen zortzi partiduen azken prestaketa partidan. Nicola Zalewski internazional poloniarrak bigarren zatia hasi eta berehala sartutako golari esker irabazi du partida Italiako taldeak, Athleticek ezin izan du aurreko denboraldiko Txapeldunen Ligan lortutako garaipena errepikatu.
Edin Terzic: “Zaleen zirrara eta babesa antzematen ditut, klubarekiko duten lotura; lanerako jarrera oso ona da”
Athleticek abuztuaren 22an ekingo dio lehiari 2026-2027 denboraldian, EA Sports Ligan, San Mamesen, Sevilla aurkari; horretarako bederatzi egun gelditzen direla, EITBk Edin Terzic zuri-gorrien entrenatzaile berria elkarrizketatu du. “Guk, Ligako beste hainbat taldek bezala, Europan jokatzea dugu helburu”, adierazi du, “eta hitzeman ahal dut gogor lan egingo dugula horretarako”.
Julen Agirrezabala, Racing Santanderrera
Athleticek diru kopuru bat jasoko du 25 urteko atezainaren fitxaketarengatik, eta aldagai ekonomikoak gordeko ditu helburuen, etorkizuneko salmentaren ehunekoaren eta lehentasunez erosteko eskubidearen arabera. Agirrezabalak, 25 urtekoa bera, 65 partida ofizial jokatu ditu Athleticekin, tartean 2023-2024 denboraldiko Errege Kopako guztiak; orduan, euskal taldeak titulua irabazi zuen, eta errenteriarra giltzarria izan zen horretarako.
-6?fmt=webp-alpha&qlt=80)
Nico Williams, Unai Simon eta Aymeric Laporte Lezamara itzuli dira oporraldiaren ostean
Nico Williams, Unai Simon eta Aymeric Laporte entrenamenduetara itzuli dira AEBetako, Mexikoko eta Kanadako Munduko Txapelketa irabazi ostean.