Alaves bikain batek urrezko hiru puntu lortu ditu Elxen aurka (3-1)
Alavesek 3-1 menderatu du Elx, igande honetan, Mendizorrotzan jokatutako EA Sports Ligako 8. jardunaldiko partidan. Etxeko taldeak aurrea hartzea lortu du Carlos Vicenteren eta Toni Martinezen golei esker, eta azken horrek David Affengruberen kanporatzea eragin du. 93. minutuan, Andre Silvak aldea murriztu du, baina Lucas Boyeren golak partida erabakita utzi du.
Neurketaren lehen minutuetan, Elx izan da nagusi, neurri batean Febas bikain bati esker, baina Coudeten taldeak berehala berreskuratu du kontrola eta talde bisitaria setiatu du behin eta berriz, baina ez du golik egiterik lortu. Calebe eta Diangana jokalariek, beslalde, zelaia utzi behar izan dute lehen zatia amaitu baino lehen.
Bigarren zatia hasi eta berehala, Iñaki Peñak geldiketa bikaina egin du Antonio Blancoren gol aukera saihezteko. 76. minutuan, bestalde, epaileak penaltia adierazi du Alvaro Nuñezek besoarekin baloia ukitu ostean, eta Carlos Vicentek arratsaldeko lehen gola egin du.
Ondoren, David Affengruber erdiko atzelari austriarrak gorria ikusi du, Toni Martinez lurrera botatzeagatik.
Hurrengo jokaldian, Toni Martinezek etxeko taldearen errenta handitu du, area kanpotik egindako gol on bati esker.
93. minutuan, Andre Silvak aldea murriztu du, baina Elxek ezer gutxi gehiago egin ahal izan du, Lucas Boyek etxekoentzat hirugarren gola egin duenean.
Zure interesekoa izan daiteke
Pablo Ibañez: “Irabazteko eta aurrerapauso bat emateko gaitasuna dugun une garrantzitsuetan, ez dugu egiten”
Alavesek berdindu egin du Gironaren aurka Mendizorrotzan (2-2). Arabako taldeak ez du nahi zituen hiru puntuak eskuratzea lortu, beraz, Pablo Ibañezek esan digunez "garaipena laster heldu behar da". Martxoaren 27an Levanteren aurkako partidan hori izango da babazorroen helburua.
Lucas Boyek, bere bi golekin, puntu bat erreskatatu du Mendizorrotzan Gironaren aurka (2-2)
Coudeten taldea partida hasi eta berehala aurreratu da aurrelari argentinarraren gol bati esker, baina Gironak berdinketa lortu du lehen zatian eta markagailua irauli du atsedenaldiaren ostean. Neurketaren azken minutuetan binakoa egin du Boyek.
Baskoniari omenaldia, Alaves-Girona partidaren hasieran
Alaves eta Gironaren arteko partida hasi baino lehen, Baskoniari omenaldia egin diote Mendizorrotzan, atzo, Valentzian, Saskibaloiko Errege Kopako finala irabazteagatik. Markus Howardek egin du ohorezko sakea, Tadas Sedekerskis kapitainak garaikurra zaleei eskaintzen zien bitartean.
Coudet: "Aurkariari begiratu arren, fokua gugan jarrita eduki behar dugu"
Alavesek Girona hartuko du astelehen honetan, 21:00etan, Mendizorrotzan. Babazorroen entrenatzailearen esanetan, oso partida zaila izango da, eta oso garrantzitsua izango da gauzak ondo egitea.
Tenaglia: "Guk astelehenean etxean hiru puntuak bildu behar ditugu, final bat da"
"Ezin dugu aukera gehiago alferrik galdu, aurkaria Girona izan arren", ohartarazi du atzelari argentinarrak. "Hiru partida oso garrantzitsu datozkigu; lehenengoa, astelehenean", gaineratu du.
Guevara: "Etxera burumakur goaz, gaur aukera oso garbia genuen irabazteko"
Ander Guevara Alaveseko jokalariaren adierazpenak, EA Sports Ligako 24. jardunaldiko partida, Sevillaren aurka, 1-1 amaitu ondoren.
Alavesek bi puntu utzi ditu Sevillan (1-1)
Coudeten taldeak ez du aprobetxatu 15. minututik jokalari bat gehiagorekin jokatu izana. Epaileak, gainera, baliorik gabe utzi du Boyek sartutako gola, jokoz kanpoko polemikoa adierazita.
Chacho Coudet: "Partida zuzena dugu, eta gogorra izango da"
Alavesek Sevillaren aurka jokatuko du larunbat honetan, EA Sports Ligako 24. jardunaldiko partidan. Coudetek adierazi du lehia zaila izango dela, baina bere taldea gogor lehiatuko dela.
Sergio Fernandez, Alavesen kirol zuzendaria: "Joan diren eta fitxatu ditugun jokalariak ikusita, taldea hobea dela uste dugu"
Sergio Fernandez Alavesen kirol zuzendariak neguko merkatuaz ez ezik, taldearen egungo egoeraz hitz egin du hedabideen aurrean.
Ibrahim Diabatek "taldean lan asko" egingo duela agindu du
Alavesen jokalari berriak aurkezpen prentsaurrekoan azaldu duenez, "oso erraza" izan zen akordio batera iristea, "ametsa" baitzuen Espainiako ligara itzultzea. Aldagelak oso harrera ona egin diola azpimarratu du bolikostarrak.