Granada, garaile, Mendizorrotzako gol festan (2-3)
Asko izan da jokoan gaur Mendizorrotzako futbol-zelaian Alavesen eta Granadaren artean Santander Ligako 29. jardunaldian jaisteko postuetatik ihes egiteko erronkan.
Alavesek eskura izan du garaipena 2-1 jarri denean, baina Granadak markagailua irauli egin du 86. minutuan.
Jose Luis Mendilibarrek bere bi aurrelariak berreskuratu eta hasieratik jarri ditu bai Joselu Mato eta bai Manu Vallejo; Granadan, Ruben Torrecilla entrenatzaileak Collado eta Jorge Molina hamaikakoan sartu ditu eta ondorioz Antonio Puertas eta Luis Suarez aulkian geratu dira.
Partida hasi eta hirugarren minutuan Loumek txartel horia ikusi du eta ondoren, falta hori azkar atera, eta Luis Millak abagune oso ona izan du lehen gola egiteko, baina zorionez ez du asmatu Pachecoren aurrean.
Gasteiztarren lehen aukera 14. minutuan heldu da korner jaurtiketan. Maximiano atezainak langapean aldaratu du lehen zutoinean buruz errematatutako baloia.
23. minutuan Alavesen aldeko penaltia adierazi du Cuadra Fernandezek VAR sistemara jo eta gero. Joseluk jaurti eta Maximianok geldiketa bikaina egin dio aurrelariari.
Bi taldeek hiru puntuak nahi izan dituzte baina hutsean amaitu da lehen zatia.
Bigarrena golekin hasi da. 50. minutuan hain zuzen ere Escuderok gol ikusgarria egin du Granadarentzat (0-1, 52.ean Escalantek buruz berdinketa (1-1) eta Manu Vallejok 58.ean etxekoen bigarrena (2-1). Zoratzeko minutuak ziren.
Andaluziarrek aurrera pauso eman dute markagailua berdintzeko. 75. minutuan Antonio Puertasek errematea egin eta neurketa geldituta egon da VAR sistemak gola izan dela esan arte (2-2).
81.ean hirugarrena izan du Luis Suarezek, baina Pacheco aurrean ez da fin ibili eta kanpora bidali du baloia. Sei minutu geroago bai asmatu egin du aurrelariak eta 2-3koa igo da Mendizorrotzako markagailura.
Porrot mingarria eta Alavesek putzuan jarraitzen du.
FITXA TEKNIKOA
Hamaikakoak:
2 - Alaves: Pacheco; Tenaglia, Laguardia, Lejeune, Duarte (De la Fuente, 87') ; Loum (Pons, 78'), Escalante, Edgar Méndez, Rioja; Vallejo (Jason, 78') eta Joselu (Toni Moya, 67').
3 - Granada: Maximiano; Quini, Domingos Duarte, German, Escudero, Carlos Neva (Siro, 57'); Petrovic (Eteki, 84'), Luis Milla, Alex Collado (Puertas, 62'); Uzuni (Luis Suarez, 62') eta Molina (Machis, 84').
Futbol-zelaia: Mendizorrotza (20 mila ikusle).
Epailea: Cuadra Fernandez.
VAR epailea: Sanchez Martinez.
Golak:
0-1, Escudero (50. minutuan)
1-1, Escalante (52. minutuan)
2-1, Manu Vallejo (58. minutuan)
2-2, Antonio Puertas (75. minutuan)
2-3, Luis Suarez (86. minutuan)
Zure interesekoa izan daiteke
Dafne Triviño: “Alavesek prozesuan sinetsi du, eta emakumezkoen taldea lehen mailara igotzea da saria"
Bigarren mailan hiru denboraldi gogor eman ostean, Alaveseko emakumezkoen taldea maila gorenean lehiatuko da datorren denboraldian. Dafne Triviño kirol arduradunak klubaren konpromisoa azpimarratu du. "Alavesek prozesuan sinetsi du", horren arabera, eta konfiantza hori funtsezkoa izan da emakumezkoen futboleko maila gorenera igotzeko helburua lortzeko.
Ander Guevara: “Alavesekin 100 partida betetzea gauza inportantea da niretzat"
28 urteko gasteiztarrak 100. partida jokatu zuen Arabako taldearekin aurreko asteburuan, Osasunaren aurkako derbian. Asteburu honetarako beste erronka bat dauka: Alavesek Realaren aurka jokatuko duen derbia irabaztea.
Sanchez Flores: “Ondo lehiatzeko eta aurkari ona izateko asmoa dugu”
Quique Sanchez Flores Alavesen entrenatzaileak prentsaurrekoa eman du, Realaren aurkako derbiari buruz hitz egiteko. Aurkariaren kalitatea azpimarratu du, eta adierazi du ahalik eta ondoen lehiatzeko gogoz jardungo dutela. (Adierazpenak, gaztelaniaz).
Angel Perez, Realaren aurkako derbiari buruz: “Badakigu ez dela batere erraza izango, baina hiru puntuak nahi ditugu”
Angel Perez Alavesen jokalariak prentsaurrekoa eman du babazorroek asteburu honetan Realaren aurka jokatuko duten derbiari buruz hitz egiteko.
Toni Martinez: “Atzetik hasten zarenean partida bikoitza da"
Toni Martinez Alaveseko jokalariaren adierazpenak, EA Sports Ligako 30. jardunaldiko partidan Osasunaren aurka 2-2 berdindu ondoren.
Elene Errasti: “Egun berezia da, inoiz ahaztuko ez duguna"
Gloriosas Alaveseko jokalariak maila gorenera igo ostean hitz egin du.
Alaves Gloriosas lehen mailara igo da!
Europaren aurkako garaipenari eta Valentziarekiko puntu aldeari esker, Gasteizko taldeak igoera zuzena ziurtatu du.
Sanchez Flores: “Partida bakoitza irabaztera irten beste aukerarik ez dugu ikusten"
Quique Sanchez Flores Alaveseko entrenatzaileak "finala" balitz bezala hartu du igandean Osasunaren aurka jokatuko duten derbia. Geldialdiak Alavesi taktika lantzeko aukera eman diola azpimarratu du, partida horri begira baikor agertu da, eta "arima osoa" eta "energia guztia" jarriko dutela esan du.
Pablo Ibañez, igandeko Alaves-Osasuna derbiaz: “Partida oso berezia izango da niretzat”
Kirol ibilbide osoa Osasunan eman eta gero, Alaveseko erdilariak taldekide ohiak izango ditu aurkari Mendizorrotzan. Derbian, Gasteizko taldea saiatuko da islatzen Sanchez Flores entrenatzaileak jokalariei adierazi diena.
Andrea Esteban: “Asteburu honetan taldea maila gorenera itzuliko dela ziurtatzea espero dut"
Hain zuen, Valentziak Bartzelona B liderraren zelaian jokatuko du; beraz, Valentziak galdu edo berdintzen badu eta Alavesek Cacereño mendean hartzen badu, babazorroak maila gorenean arituko dira datorren denboraldian.