Alavesek galdu egin du etxean ezin sendoago dabilen Rayo Vallecanoren aurka (2-0)
Alavesek ezin izan du ezustean harrapatu Rayo Vallecano, LaLiga Santanderreko etxeko talderik onena (8 garaipen eta berdinketa bat), eta 2-0 galduta itzuliko da Gasteizera. Bisitariek lehen zati kaskarra egin dute, eta orduan jaso ditu madrildarren bi golak Sergi Guardiola aurrelariaren eta Alejandro Catena erdiko atzelariaren eskutik.
Lehen gola 18. minutuan iritsi da. Oscar Trejo argentinarrak erdiko atzelarien bizkarrera bidali du baloia, eta Alvaro Garciak ondo aprobetxatu du ezkerretik hondoko lerrora iritsi eta area txikian zegoen Sergi Guardiolari erdiratzeko.
Zazpi minutu geroago, Trejok korner bat atera du eskuinetik, eta Alejandro Catenak, Alaveseko defendatzaileen gainetik jauzi eginda, golera errematatu du buruz.
Bigarren zatia zertxobait hobea izan da gasteiztarrentzat, baina etxekoek une oro kontrolatu dute egoera, eta ez diete ia aukerarik eman gasteiztarrei partida iraultzeko.
Hartara, neurketa hori galdu ostean, Callejaren taldea jaitsieraren atarian geratu da; Iraolaren mutilak, berriz, sendo jarraitzen dute Europako postuetan.
Fitxa teknikoa:
2 - Rayo Vallecano: Dimitrievski; Balliú, Catena, Saveljich, Fran García; Isi Palazón (Falcao, 86. min), Valentín, Comesaña (Pathé Ciss, 86. min), Álvaro (Bebé, 41. min); Trejo (Unai López, 75. min); eta Sergi Guardiola (Nteka, 75. min).
0 - Alaves: Pacheco; Martín (Tirlea, 76. min), Laguardia, Tachi, Rubén Duarte; Loum; De la Fuente (Sylla, 60. min), Pere Pons (Manu García, 60. min), Toni Moya (Edgar, 54. min), Luis Rioja (Pellistri, 76. min); eta Joselu.
Golak: 1-0: Sergi Guardiola (19. min). 2-0: Catena (25. min).
Epailea: Antonio Mateu Lahoz. Txartel horiak atera dizkie Rayoko Trejori eta Alaveseko Ruben Duarteri.
Zure interesekoa izan daiteke
Pablo Ibañez: “Irabazteko eta aurrerapauso bat emateko gaitasuna dugun une garrantzitsuetan, ez dugu egiten”
Alavesek berdindu egin du Gironaren aurka Mendizorrotzan (2-2). Arabako taldeak ez du nahi zituen hiru puntuak eskuratzea lortu, beraz, Pablo Ibañezek esan digunez "garaipena laster heldu behar da". Martxoaren 27an Levanteren aurkako partidan hori izango da babazorroen helburua.
Lucas Boyek, bere bi golekin, puntu bat erreskatatu du Mendizorrotzan Gironaren aurka (2-2)
Coudeten taldea partida hasi eta berehala aurreratu da aurrelari argentinarraren gol bati esker, baina Gironak berdinketa lortu du lehen zatian eta markagailua irauli du atsedenaldiaren ostean. Neurketaren azken minutuetan binakoa egin du Boyek.
Baskoniari omenaldia, Alaves-Girona partidaren hasieran
Alaves eta Gironaren arteko partida hasi baino lehen, Baskoniari omenaldia egin diote Mendizorrotzan, atzo, Valentzian, Saskibaloiko Errege Kopako finala irabazteagatik. Markus Howardek egin du ohorezko sakea, Tadas Sedekerskis kapitainak garaikurra zaleei eskaintzen zien bitartean.
Coudet: "Aurkariari begiratu arren, fokua gugan jarrita eduki behar dugu"
Alavesek Girona hartuko du astelehen honetan, 21:00etan, Mendizorrotzan. Babazorroen entrenatzailearen esanetan, oso partida zaila izango da, eta oso garrantzitsua izango da gauzak ondo egitea.
Tenaglia: "Guk astelehenean etxean hiru puntuak bildu behar ditugu, final bat da"
"Ezin dugu aukera gehiago alferrik galdu, aurkaria Girona izan arren", ohartarazi du atzelari argentinarrak. "Hiru partida oso garrantzitsu datozkigu; lehenengoa, astelehenean", gaineratu du.
Guevara: "Etxera burumakur goaz, gaur aukera oso garbia genuen irabazteko"
Ander Guevara Alaveseko jokalariaren adierazpenak, EA Sports Ligako 24. jardunaldiko partida, Sevillaren aurka, 1-1 amaitu ondoren.
Alavesek bi puntu utzi ditu Sevillan (1-1)
Coudeten taldeak ez du aprobetxatu 15. minututik jokalari bat gehiagorekin jokatu izana. Epaileak, gainera, baliorik gabe utzi du Boyek sartutako gola, jokoz kanpoko polemikoa adierazita.
Chacho Coudet: "Partida zuzena dugu, eta gogorra izango da"
Alavesek Sevillaren aurka jokatuko du larunbat honetan, EA Sports Ligako 24. jardunaldiko partidan. Coudetek adierazi du lehia zaila izango dela, baina bere taldea gogor lehiatuko dela.
Sergio Fernandez, Alavesen kirol zuzendaria: "Joan diren eta fitxatu ditugun jokalariak ikusita, taldea hobea dela uste dugu"
Sergio Fernandez Alavesen kirol zuzendariak neguko merkatuaz ez ezik, taldearen egungo egoeraz hitz egin du hedabideen aurrean.
Ibrahim Diabatek "taldean lan asko" egingo duela agindu du
Alavesen jokalari berriak aurkezpen prentsaurrekoan azaldu duenez, "oso erraza" izan zen akordio batera iristea, "ametsa" baitzuen Espainiako ligara itzultzea. Aldagelak oso harrera ona egin diola azpimarratu du bolikostarrak.