Alavesek bigarren garaipena jarraian lortu du Elx mendean hartuta
Alavesek irabazi egin du Elxen aurka (1-0) asteazken honetan Mendizorrotzan jokatu duen Santander Ligako 11. jardunaldiko partida. Arabako taldeak 9 puntu ditu jada, arnasa hartzen du aurkari zuzen bati irabazita eta bigarren garaipena jarraian erdietsita.
Neurketako lehen abagunea Alavesek izan du, baina Joseluk kanpora bota du jaurtiketa Kiko Casilla Elxeko atezainaren aurrean, Pere Ponsen pase bikaina jaso ostean. Norgehiagokak erritmo bizia izan du lehen zatian, nahiz eta gola sartzeko aukera gutxi izan dituzten bi taldeek. Elxen erantzuna norgehiagokako 35.minutuan etorri da; Lucas Boyek baloia area barruan jaso, jaurtiketa egin, eta Pacheco atezainak desbideratu du baloia, gola eragotziz. Hiru minutu beranduago, Arabako taldeak abagune paregabea izan du; Ximo Navarrok errematea egin du atepean, Kiko Casillak baloia aldentzea lortu du, eta aldaratzea jaso ostean Pere Ponsek egin duen jaurtiketa kanpora joan da, oso gutxigatik. Golik gabe iritsi da atsedenaldira Mendizorrotzako lehia.
Bigarren zatiari bikain ekin dio Alavesek.Lehen abagunean Casillak saihestu du gola Joseluren jaurtiketa kornerrera desbideratuta. Kornerrean, ordea, Loumek gola sartu du (1-0), Laguardiak baloia buruz jo eta bigarren zutoinean sare barrura bultzatuta. Etxeko taldeak aurrea hartu du markagailuan, 47. minutuan.
Gola jaso ostean erasora jo du Elxek, baina Escribak zuzentzen duen taldeari asko kosta zaio abaguneak sortzea, Alaves sendo egon baita defentsako lanean. Gainera, Arabako taldeak bigarren gola sartzeko aukera izan du 71. minutuan; Casillak, ordea, gelditu egin du Joseluren jaurtiketa, talde gasteiztarrak egin duen kontraeraso on baten ostean.
Partidako 80. minutuan Elxek gola sartu du, baina epaileak baliogabetu egin du Guido Carrillo jokoz kanpo egon delako errematea egin duenean. Hiru minutu beranduago, Pacheco atezainak zelaia utzi du min hartuta eta Sivera sartu da haren ordez.
Azken txanpan, arazo gehiegirik gabe eutsi dio Alavesek aurkariari eta hiru puntuak eskuratu ditu.
Fitxa teknikoa:
1 - Alaves: Pacheco (Sivera, 84. min); Ximo (Martin, 60. min), Laguardia, Lejeune, Duarte; Pina (Moya, 60. min), Loum, Pons (Manu Garcia, 74. min), Pellistri (Edgar, 74. min), Rioja; eta Joselu.
0- Elx: Kiko Casilla; Palacios, Roco, Bigas, Mojica; Mascarell, Raul Guti, Fidel (Pastore, 64. min), Morente (Pere Milla, 74. min); Lucas Perez (Benedetto, 64. min) eta Lucas Boye (Carrillo, 74. min).
Gola: 1-0, 47. min: Loum.
Epailea: Gil Manzano. Txartel horia atera dio Ximo Navarro (18. min) Alaveseko jokalariari, baita Roco (42. min) Elxeko futbolariari.
Zure interesekoa izan daiteke
Dafne Triviño: “Alavesek prozesuan sinetsi du, eta emakumezkoen taldea lehen mailara igotzea da saria"
Bigarren mailan hiru denboraldi gogor eman ostean, Alaveseko emakumezkoen taldea maila gorenean lehiatuko da datorren denboraldian. Dafne Triviño kirol arduradunak klubaren konpromisoa azpimarratu du. "Alavesek prozesuan sinetsi du", horren arabera, eta konfiantza hori funtsezkoa izan da emakumezkoen futboleko maila gorenera igotzeko helburua lortzeko.
Ander Guevara: “Alavesekin 100 partida betetzea gauza inportantea da niretzat"
28 urteko gasteiztarrak 100. partida jokatu zuen Arabako taldearekin aurreko asteburuan, Osasunaren aurkako derbian. Asteburu honetarako beste erronka bat dauka: Alavesek Realaren aurka jokatuko duen derbia irabaztea.
Sanchez Flores: “Ondo lehiatzeko eta aurkari ona izateko asmoa dugu”
Quique Sanchez Flores Alavesen entrenatzaileak prentsaurrekoa eman du, Realaren aurkako derbiari buruz hitz egiteko. Aurkariaren kalitatea azpimarratu du, eta adierazi du ahalik eta ondoen lehiatzeko gogoz jardungo dutela. (Adierazpenak, gaztelaniaz).
Angel Perez, Realaren aurkako derbiari buruz: “Badakigu ez dela batere erraza izango, baina hiru puntuak nahi ditugu”
Angel Perez Alavesen jokalariak prentsaurrekoa eman du babazorroek asteburu honetan Realaren aurka jokatuko duten derbiari buruz hitz egiteko.
Toni Martinez: “Atzetik hasten zarenean partida bikoitza da"
Toni Martinez Alaveseko jokalariaren adierazpenak, EA Sports Ligako 30. jardunaldiko partidan Osasunaren aurka 2-2 berdindu ondoren.
Elene Errasti: “Egun berezia da, inoiz ahaztuko ez duguna"
Gloriosas Alaveseko jokalariak maila gorenera igo ostean hitz egin du.
Alaves Gloriosas lehen mailara igo da!
Europaren aurkako garaipenari eta Valentziarekiko puntu aldeari esker, Gasteizko taldeak igoera zuzena ziurtatu du.
Sanchez Flores: “Partida bakoitza irabaztera irten beste aukerarik ez dugu ikusten"
Quique Sanchez Flores Alaveseko entrenatzaileak "finala" balitz bezala hartu du igandean Osasunaren aurka jokatuko duten derbia. Geldialdiak Alavesi taktika lantzeko aukera eman diola azpimarratu du, partida horri begira baikor agertu da, eta "arima osoa" eta "energia guztia" jarriko dutela esan du.
Pablo Ibañez, igandeko Alaves-Osasuna derbiaz: “Partida oso berezia izango da niretzat”
Kirol ibilbide osoa Osasunan eman eta gero, Alaveseko erdilariak taldekide ohiak izango ditu aurkari Mendizorrotzan. Derbian, Gasteizko taldea saiatuko da islatzen Sanchez Flores entrenatzaileak jokalariei adierazi diena.
Andrea Esteban: “Asteburu honetan taldea maila gorenera itzuliko dela ziurtatzea espero dut"
Hain zuen, Valentziak Bartzelona B liderraren zelaian jokatuko du; beraz, Valentziak galdu edo berdintzen badu eta Alavesek Cacereño mendean hartzen badu, babazorroak maila gorenean arituko dira datorren denboraldian.