Alaveseko akziodunen % 99,5ek klubaren kontuak onartu dituzte
Alaveseko akziodunen % 99,5ek klubaren kontuak onartu zituzten astearte honetan, nahiz eta koronabirusaren pandemiaren eraginez jaitsiera nabarmena irudikatzen zuten. Alabaina, ez zuten kontrako botorik izan Akziodunen Batzar Nagusian izan zirenen artean.
Guztira, 58.272 akziok parte hartu zuten batzarrean, hau da, entitatearen kapital sozialaren % 82,26k, eta aurreko ekitaldiko kontuak botoen % 99,53rekin babestu zituzten. Aurtengo denboraldirako aurrekontuak, berriz, % 99,52ko oniritzia jaso zuen. Aurrekontu hori 64.546.919 eurokoa da, eta 2.930.298 euroko galerak aurreikusten ditu, covid-19aren ondorioz.
2019-20 denboraldian 430.372 euro irabazi zituen Gasteizko klubak. Diru-sarrera nabarmenena telebistetatik eratorritakoa izan zen (50 milioi euro). Horrez gain, 6 milioi euro baino gehiago merkaturatze eta publizitatetik jaso ziren, eta beste 18,9 milioi euro jokalarien salmentatik.
Aipatzekoa da partiden telebista-emankizunen diru-sarrerak ia 2,5 milioi euro murriztu zirela, eta, ondorioz, irabaziak ere murriztu egin zirela aldi berean.
Bestalde, Alfonso Fernandez de Troconiz Deportivo Alaveseko presidenteak, epe ertain eta luzerako esku artean dituzten lau proiektuak azaldu zituen: Jose Luis Compañon Kirol Hiria handitzea; Mendizorrotza estadioa handitzea; Salburuako 15. sektorea erostea eta Baskoniaren Kirol Hirian (BAKH) parte hartzea; eta NK Istra Kroaziako taldean inbertitzea.
Zure interesekoa izan daiteke
Pablo Ibañez: “Irabazteko eta aurrerapauso bat emateko gaitasuna dugun une garrantzitsuetan, ez dugu egiten”
Alavesek berdindu egin du Gironaren aurka Mendizorrotzan (2-2). Arabako taldeak ez du nahi zituen hiru puntuak eskuratzea lortu, beraz, Pablo Ibañezek esan digunez "garaipena laster heldu behar da". Martxoaren 27an Levanteren aurkako partidan hori izango da babazorroen helburua.
Lucas Boyek, bere bi golekin, puntu bat erreskatatu du Mendizorrotzan Gironaren aurka (2-2)
Coudeten taldea partida hasi eta berehala aurreratu da aurrelari argentinarraren gol bati esker, baina Gironak berdinketa lortu du lehen zatian eta markagailua irauli du atsedenaldiaren ostean. Neurketaren azken minutuetan binakoa egin du Boyek.
Baskoniari omenaldia, Alaves-Girona partidaren hasieran
Alaves eta Gironaren arteko partida hasi baino lehen, Baskoniari omenaldia egin diote Mendizorrotzan, atzo, Valentzian, Saskibaloiko Errege Kopako finala irabazteagatik. Markus Howardek egin du ohorezko sakea, Tadas Sedekerskis kapitainak garaikurra zaleei eskaintzen zien bitartean.
Coudet: "Aurkariari begiratu arren, fokua gugan jarrita eduki behar dugu"
Alavesek Girona hartuko du astelehen honetan, 21:00etan, Mendizorrotzan. Babazorroen entrenatzailearen esanetan, oso partida zaila izango da, eta oso garrantzitsua izango da gauzak ondo egitea.
Tenaglia: "Guk astelehenean etxean hiru puntuak bildu behar ditugu, final bat da"
"Ezin dugu aukera gehiago alferrik galdu, aurkaria Girona izan arren", ohartarazi du atzelari argentinarrak. "Hiru partida oso garrantzitsu datozkigu; lehenengoa, astelehenean", gaineratu du.
Guevara: "Etxera burumakur goaz, gaur aukera oso garbia genuen irabazteko"
Ander Guevara Alaveseko jokalariaren adierazpenak, EA Sports Ligako 24. jardunaldiko partida, Sevillaren aurka, 1-1 amaitu ondoren.
Alavesek bi puntu utzi ditu Sevillan (1-1)
Coudeten taldeak ez du aprobetxatu 15. minututik jokalari bat gehiagorekin jokatu izana. Epaileak, gainera, baliorik gabe utzi du Boyek sartutako gola, jokoz kanpoko polemikoa adierazita.
Chacho Coudet: "Partida zuzena dugu, eta gogorra izango da"
Alavesek Sevillaren aurka jokatuko du larunbat honetan, EA Sports Ligako 24. jardunaldiko partidan. Coudetek adierazi du lehia zaila izango dela, baina bere taldea gogor lehiatuko dela.
Sergio Fernandez, Alavesen kirol zuzendaria: "Joan diren eta fitxatu ditugun jokalariak ikusita, taldea hobea dela uste dugu"
Sergio Fernandez Alavesen kirol zuzendariak neguko merkatuaz ez ezik, taldearen egungo egoeraz hitz egin du hedabideen aurrean.
Ibrahim Diabatek "taldean lan asko" egingo duela agindu du
Alavesen jokalari berriak aurkezpen prentsaurrekoan azaldu duenez, "oso erraza" izan zen akordio batera iristea, "ametsa" baitzuen Espainiako ligara itzultzea. Aldagelak oso harrera ona egin diola azpimarratu du bolikostarrak.