Gasteizen egitekoak diren 5.000 ikusletik gorako kirol ekitaldiak, zalantzan
Eusko Jaurlaritzak astelehen honetan jakitera eman duenez, datozen bi asteetan Gasteizen egitekoak diren 5.000 ikusletik gorako kirol- eta kultur-ekitaldiak banan-banan aztertuko ditu, eta "kasuan kasu" erabakiko du baimena eman ala ez erabakiko du.
Euste-neurri horrek Alavesen eta Kirolbet Baskoniaren partidei eragingo die, eta Jaurlaritzak Gasteizen, bi astez, koronabirusari aurre egiteko hartu dituen aldi baterako ekintzen parte da.
Hartara, klub babazorroari dagokionez, aipatutako erabaki horrek Asier Garitanoren taldeak martxoaren 21ean, Mendizorrotzan (18:30) jokatuko duen Realaren aurkako euskal derbian izan dezake eragina.
Horrez gain, Dusko Ivanovicen jokalariek Casademont Zaragozaren aurka jokatuko dute egun bat geroago (martxoaren 22an), Buesa Arenan, eta neurketa hori ere Jaurlaritzan erabakiaren eraginpean egon daiteke.
Bestalde, 500 pertsona baino gehiago biltzen dituzten ekitaldien kasuan, bereziki esparru itxietan egingo direnetan, Jaurlaritzak honako gomendio hauek eman ditu: ateetan edo leihatiletan pilaketak saihestea eta, bertaratutakoen artean, metro eta erdiko gutxieneko tartea errazteko neurriak hartzea.
Ondorioz, azken neurri horrek Rpk Araskik martxoaren 21ean Al-Qazeres Extremaduraren aurka Mendizorrotzako kiroldegian jokatuko duen partidan ere eragin zuzena izango du.
Zure interesekoa izan daiteke
Pablo Ibañez: “Irabazteko eta aurrerapauso bat emateko gaitasuna dugun une garrantzitsuetan, ez dugu egiten”
Alavesek berdindu egin du Gironaren aurka Mendizorrotzan (2-2). Arabako taldeak ez du nahi zituen hiru puntuak eskuratzea lortu, beraz, Pablo Ibañezek esan digunez "garaipena laster heldu behar da". Martxoaren 27an Levanteren aurkako partidan hori izango da babazorroen helburua.
Lucas Boyek, bere bi golekin, puntu bat erreskatatu du Mendizorrotzan Gironaren aurka (2-2)
Coudeten taldea partida hasi eta berehala aurreratu da aurrelari argentinarraren gol bati esker, baina Gironak berdinketa lortu du lehen zatian eta markagailua irauli du atsedenaldiaren ostean. Neurketaren azken minutuetan binakoa egin du Boyek.
Baskoniari omenaldia, Alaves-Girona partidaren hasieran
Alaves eta Gironaren arteko partida hasi baino lehen, Baskoniari omenaldia egin diote Mendizorrotzan, atzo, Valentzian, Saskibaloiko Errege Kopako finala irabazteagatik. Markus Howardek egin du ohorezko sakea, Tadas Sedekerskis kapitainak garaikurra zaleei eskaintzen zien bitartean.
Coudet: "Aurkariari begiratu arren, fokua gugan jarrita eduki behar dugu"
Alavesek Girona hartuko du astelehen honetan, 21:00etan, Mendizorrotzan. Babazorroen entrenatzailearen esanetan, oso partida zaila izango da, eta oso garrantzitsua izango da gauzak ondo egitea.
Tenaglia: "Guk astelehenean etxean hiru puntuak bildu behar ditugu, final bat da"
"Ezin dugu aukera gehiago alferrik galdu, aurkaria Girona izan arren", ohartarazi du atzelari argentinarrak. "Hiru partida oso garrantzitsu datozkigu; lehenengoa, astelehenean", gaineratu du.
Guevara: "Etxera burumakur goaz, gaur aukera oso garbia genuen irabazteko"
Ander Guevara Alaveseko jokalariaren adierazpenak, EA Sports Ligako 24. jardunaldiko partida, Sevillaren aurka, 1-1 amaitu ondoren.
Alavesek bi puntu utzi ditu Sevillan (1-1)
Coudeten taldeak ez du aprobetxatu 15. minututik jokalari bat gehiagorekin jokatu izana. Epaileak, gainera, baliorik gabe utzi du Boyek sartutako gola, jokoz kanpoko polemikoa adierazita.
Chacho Coudet: "Partida zuzena dugu, eta gogorra izango da"
Alavesek Sevillaren aurka jokatuko du larunbat honetan, EA Sports Ligako 24. jardunaldiko partidan. Coudetek adierazi du lehia zaila izango dela, baina bere taldea gogor lehiatuko dela.
Sergio Fernandez, Alavesen kirol zuzendaria: "Joan diren eta fitxatu ditugun jokalariak ikusita, taldea hobea dela uste dugu"
Sergio Fernandez Alavesen kirol zuzendariak neguko merkatuaz ez ezik, taldearen egungo egoeraz hitz egin du hedabideen aurrean.
Ibrahim Diabatek "taldean lan asko" egingo duela agindu du
Alavesen jokalari berriak aurkezpen prentsaurrekoan azaldu duenez, "oso erraza" izan zen akordio batera iristea, "ametsa" baitzuen Espainiako ligara itzultzea. Aldagelak oso harrera ona egin diola azpimarratu du bolikostarrak.