Alavesek porrot handia hartu du Granadan (3-0)
Alavesek bigarren partida jarraian galdu du Granadan 3 eta 0eko porrota hartuta, Santander Ligako 16. jardunaldian.
Alavesek ondo hasi du partida eta gola egiteko aukerak sortu ditu. Lehen zati honetan bi jokalari lesionatu dira, Tomas Pina Alavesekoa, eta Joaquin Marin “Quini” Granadakoa. Biek min hartu dute belaunean eta zelaitik atera behar izan dute.
Granadak hobera egin du minutuek aurrera egin ahala, baina hobekuntza hori ez da markagailuan islatu. Alavesek, berriz, bere aukerak alferrik galdu ditu.
Atsedenaldiaren ostean, gauzak goiti behera aldatu dira. Granada bizi-bizi atera da eta berehala egin du 1 eta 0ekoa, Carlos Fernandezen bidez.
Alavesi erreakzionatzeko denborarik eman gabe, andaluziarrek 2 eta 0ekoa egin dute. Soldadok egin du, penaltiz, epaileak Manu Garciak egindako penaltia adierazi ostean. Alaveseko kapitainak eskuarekin ukitu du baloia area barruan.
Partida aldapan behera jarri zaio Granadari 67. minutuan Wakaso kanpora bota dutenean, bigarren txartel horia ikusita.
Alavesek ez du batere ondo jokatu bigarren zatian eta Garitanoren gizonek ez dute arriskurik sortu. Horrela, Granadak dena alde izan du eta hirugarren gola ere egin du, Yangel Herreraren bitartez.
Luzapenean, epaileak txartel gorria atera dio, zuzenean, Victor Laguardiari.
Fitxa teknikoa
3 - Granada: Rui Silva; Víctor Díaz, Domingos Duarte, Martínez, Quini (Carlos Neva, 36. min); Gonalons, Yangel Herrera, Antonio Puertas, Vadillo (Machís, 81. min); Carlos Fernández eta Soldado (Yan Eteki, 71. min).
0 - Alaves: Pachecho; Ximo Navarro, Ely, Laguardia, Adrián Marín; Tomás Pina (Wakaso, 36. min), Manu García, Aleix Vidal, Luis Rioja (Burke, 59. min); Lucas Pérez (Pere Pons, 69. min) eta Joselu.
Golak: 1-0, 47. min: Carlos Fernández. 2-0, 58. min: Soldado, penaltiz. 3-0, 77. min: Yangel Herrera.
Zure interesekoa izan daiteke
Dafne Triviño: “Alavesek prozesuan sinetsi du, eta emakumezkoen taldea lehen mailara igotzea da saria"
Bigarren mailan hiru denboraldi gogor eman ostean, Alaveseko emakumezkoen taldea maila gorenean lehiatuko da datorren denboraldian. Dafne Triviño kirol arduradunak klubaren konpromisoa azpimarratu du. "Alavesek prozesuan sinetsi du", horren arabera, eta konfiantza hori funtsezkoa izan da emakumezkoen futboleko maila gorenera igotzeko helburua lortzeko.
Ander Guevara: “Alavesekin 100 partida betetzea gauza inportantea da niretzat"
28 urteko gasteiztarrak 100. partida jokatu zuen Arabako taldearekin aurreko asteburuan, Osasunaren aurkako derbian. Asteburu honetarako beste erronka bat dauka: Alavesek Realaren aurka jokatuko duen derbia irabaztea.
Sanchez Flores: “Ondo lehiatzeko eta aurkari ona izateko asmoa dugu”
Quique Sanchez Flores Alavesen entrenatzaileak prentsaurrekoa eman du, Realaren aurkako derbiari buruz hitz egiteko. Aurkariaren kalitatea azpimarratu du, eta adierazi du ahalik eta ondoen lehiatzeko gogoz jardungo dutela. (Adierazpenak, gaztelaniaz).
Angel Perez, Realaren aurkako derbiari buruz: “Badakigu ez dela batere erraza izango, baina hiru puntuak nahi ditugu”
Angel Perez Alavesen jokalariak prentsaurrekoa eman du babazorroek asteburu honetan Realaren aurka jokatuko duten derbiari buruz hitz egiteko.
Toni Martinez: “Atzetik hasten zarenean partida bikoitza da"
Toni Martinez Alaveseko jokalariaren adierazpenak, EA Sports Ligako 30. jardunaldiko partidan Osasunaren aurka 2-2 berdindu ondoren.
Elene Errasti: “Egun berezia da, inoiz ahaztuko ez duguna"
Gloriosas Alaveseko jokalariak maila gorenera igo ostean hitz egin du.
Alaves Gloriosas lehen mailara igo da!
Europaren aurkako garaipenari eta Valentziarekiko puntu aldeari esker, Gasteizko taldeak igoera zuzena ziurtatu du.
Sanchez Flores: “Partida bakoitza irabaztera irten beste aukerarik ez dugu ikusten"
Quique Sanchez Flores Alaveseko entrenatzaileak "finala" balitz bezala hartu du igandean Osasunaren aurka jokatuko duten derbia. Geldialdiak Alavesi taktika lantzeko aukera eman diola azpimarratu du, partida horri begira baikor agertu da, eta "arima osoa" eta "energia guztia" jarriko dutela esan du.
Pablo Ibañez, igandeko Alaves-Osasuna derbiaz: “Partida oso berezia izango da niretzat”
Kirol ibilbide osoa Osasunan eman eta gero, Alaveseko erdilariak taldekide ohiak izango ditu aurkari Mendizorrotzan. Derbian, Gasteizko taldea saiatuko da islatzen Sanchez Flores entrenatzaileak jokalariei adierazi diena.
Andrea Esteban: “Asteburu honetan taldea maila gorenera itzuliko dela ziurtatzea espero dut"
Hain zuen, Valentziak Bartzelona B liderraren zelaian jokatuko du; beraz, Valentziak galdu edo berdintzen badu eta Alavesek Cacereño mendean hartzen badu, babazorroak maila gorenean arituko dira datorren denboraldian.