Alavesek puntu bat urratu du Atletico Madrilen aurka
Alavesek bana berdindu du Atletico Madrilen aurka (1-1) Mendizorrotzan jokatu duen Santander Ligako 11. jardunaldiko partida. Ondorioz, 12 punturekin geratzen da Arabako taldea sailkapenean.
Lehen zati kaskarra eskaini dute bi taldeek. Jokoa behin eta berriro eten da, falta ugari egon direlako, eta Mendizorrotzara hurbildu diren zaleek ez dute abagune bakar bat ere ikusi lehen 45 minutuetan.
Bigarren zatia biziagoa izan da, eta gol aukerak ikusi ahal izan dira. Joseluk gertu izan du gola 49. minutuan, baina buruz egin duen errematea kanpora joan da oso gutxigatik. Hiru minutu beranduago etorri da Atletico Madrilen erantzuna; Saulek pase bikaina eman dio Lodiri, eta honen jaurtiketa gurutzatuak ez du atea aurkitu. Duartek area kanpotik egin duen jaurtiketa Oblak atezainak gelditu du arazo gehiegirik gabe, eta Magallan Alaveseko erdiko defentsak koltxoneroen gola eragotzi du 66. minutuan, baloia aldenduz Diego Costa errematerako prest zegoenean.
Neurketa parekatuta egon da azken txanpan sartu denean, baina, pixkanaka Atletico Madril nagusi izaten hasi da. Moratak pase dotorea eman dio Diego Costari, brasildarra errematea egitera iritsi ez den arren. Gero eta arrisku gehiago sortzen ibili da Simeonek zuzentzen duen taldea, eta, 71. minutuan, Moratak 0-1ekoa sartu du Correaren pasea jaso eta Pacheco atezaina gaindituta.
Gola sartu eta minutu bat beranduago, bigarren gola sartzetik gertu egon da talde koltxoneroa, baina Pacheco atezainak eragotzi egin du, Morataren jaurtiketa hankarekin desbideratuta. Neurketako 75. minutuan izan du Alavesek partida berdintzeko aukera; Aleix Vidalek falta atera, baloia solte geratu da area barruan, eta Burkeren errematea atepetik atera du Ariasek.
Bazirudien Atletico Madrilek kontrolpean zuela neurketa, baina Lucas Perezek area kanpotik jaurtiketa bikaina egin, eta partida berdindu du (1-1) 82. minutuan, gol ikusgarria sartuta. Azken minutuetan bi taldeetako batek ere ez du abagune argirik izan, eta neurketa berdinduta amaitu da.
Fitxa teknikoa:
1 - Alaves: Pacheco; Aguirregabiria, Laguardia, Magallan, Duarte; Vidal, Wakaso (Burke, 75. min), Manu Garcia, Rioja (Pons, 68. min); Joselu (Tomas Pina, 88. min) eta Lucas Perez.
1 - Atletico Madril: Oblak; Arias, Felipe, Hermoso, Lodi; Herrera (Morata, 60. min), Llorente (Thomas, 46. min), Saul, Lemar; Diego Costa (Koke, 70. min) eta Correa.
Golak: 1-0, 70. min: Morata. 1-1, 83. min: Lucas Perez.
Epailea: Estrada Fernandez. Txartel horiak atera dizkie Wakaso (29. min), Laguardia (61. min), Manu Garcia (89. min) Alaveseko futbolariei, Llorente (16. min), Felipe (75. min) eta Hermoso (89. min) Atletico Mdrileko jokalariei.
Zure interesekoa izan daiteke
Coudet: "Sevilla talde ona da, oso talde fisikoa; partida gogorra izango da"
"Talde bezala hazten jarraitu behar dugu", adierazi du entrenatzaile babazorroak Sevillaren aurka Mendizorrotzan jokatu behar duten partidaren aurreko prentsaurrekoan. "Sentsazio gehiago eta hobeak ditugu, puntuak baino", gaineratu du Coudetek talde gasteiztarraren ibilbideari buruz. "Aurrekoan galtzea tokatu zitzaigun, baina neurketa bikaina jokatu genuen", gogorarazi du.
Alavesek galdu egin du Real Madrilen aurka (1-2)
Mbappek lehen gola sartu eta Carlos Vicentek partida berdindu du, baina Rodrygoren golak garaipena eman dio talde zuriari.
Carlos Vicente: "Partidua irabaztekotan egon garela uste dut"
Alaveseko jokalariak EA Sports Ligako 16. jardunaldian Real Madrilen aurka jasotako porrotaz (1-2) hitz egin du. Taldeak azken unera arte borrokatu duela azpimarratu du, eta bere golaren ostean Mendizorrotzan partida irabazteko aukerak izan dituztela adierazi du.
Chacho Coudet: "Ez diot aurkariaren dinamikari erreparatzen, geureari begiratzen diot"
Babazorroek Real Madril hartuko dute igande honetan Mendizorrotzan, eta talde zuria bolada gorabeheratsu baten ostean helduko da Gasteizera. Prentsaurrekoan galdera asko izan dira Xabi Alonsok zuzentzen duen taldearen egoeraren inguruan, baina Chacho Coudetek bere taldean zentratu nahi izan du.
Jon Pacheco: ''Hiru puntu hauek oso garrantzitsuak dira etorkizunari begira''
Alavesek 1-0 garaitu du Reala Mendizorrotzan jokatu duten euskal derbian. Partidaren amaieran, Jon Pacheco atzelari nafarrak esan du partida berezia izan dela, aurrenekoz izan baitu Reala aurkari.
Victor Parada: ''Denboraldia markatu ahal duten partidetakoa zen; hiru puntuak atera behar genituen''
Alavesek 1-0 garaitu du Reala Mendizorrotzan jokatu duten euskal derbian. Partidaren amaieran, Victor Paradak bere taldearen garaipena nabarmendu du.
Eduardo Coudet: "Irabazteko beharra dugu"
Alavesek Ligako hiru porroten bolada txarra eteteko asmoz ekingo dio biharko hitzorduari. "Irabazteko beharra dugu. Erakutsitako maila onagatik bost puntu gehiago izatea mereziko genuke ", adierazi du Chacho Coudetek partidaren aurreko prentsaurrekoan.
''Amets askorekin etorri nintzen; nigan izan duten konfiantza bueltatu behar diet''
Nahuel Tenagliak kontratua berritu du Alavesekin 2029ra arte. Argentinarra oso eskertuta agertu da klubarekin, maitatua eta baloratua sentitzen dela adierazi du. (Bideoa gazteleraz)
Nahuel Tenagliak Alavesen jarraituko du datozen hiru denboraldietan
Tenaglia jokalari argentinarrak 130 norgehiagoka jokatu ditu, 2022ko otsailean Gasteizera iritsi zenez gero.
La Florida futbol-zelaian jokatutako Portugalete-Alaves (0-3) Errege Kopako partidaren laburpena
Alavesek Errege Kopako final-hamaseirenetako kanporaketarako txartela lortu du. Portugaletek, harmailak bete dituzten etxeko zaleen bultzadarekin, gasteiztarrei aurre egin die, baina ez da nahikoa izan. Eduardo Coudet entrenatzaile argentinarrak urte bat bete du gaur arabarren aulkian.