Alavesek ezin izan dio aurre egin Vila-realen gol egiteko ahalmenari (4-1)
Alavesek galdu egin du ostiral honetan Vila-realen aurka (4-1), Santander Ligako 10. jardunaldiaren hasieran. Etxekoen golak Toko Ekambi (2), Gerard Moreno eta Ontiverosek erdietsi dituzte; gasteiztarren gola, berriz, Lucas Perezek sartu du.
Javi Callejaren mutilek laster lortu dute markagailuan aurreratzea (13. min). Kontraeraso bat baliatu dute bi pasetan Alavesen ate aurrean geratzeko. Gerard Morenok luzean bidali dio Ekambiri, eta Kamerungo aurrelariak ez du barkatu Pachecoren aurrera iritsi denean.
Vila-realek gol gehiago egiteko aukera izan du hurrengo minutuetan, baina ez da fin aritu. Gerora, lehen zatiko azken 10 minutuetan, Alavesen txanda heldu da, eta Duarte eta Lucas Perezen bitartez arriskua eraman du etxekoen ate inguruetara.
Atsedenalditik bueltan, Asier Garitanoren taldeak jarraitu du agintzen, eta, hala, berdinketa etorri da. Vila-realen atzealdeak ez du baloi bat ondo urrundu, eta area barruan zebilen Lucas Perezek txilena ikusgarri batekin Vila-realen atea zulatu du (50. min). Jarraian, babazorroen minuturik onenak etorri dira, eta 1-2koa gertu izan dute.
Aitzitik, Castelloko taldea bolada onean dabil, eta 65. minutuan berriro hartu du aurre markagailuan, berriz ere Ekambiren eskutik. Gainera, bigarren gol horren aurretik, Cazorlak beste abisu bat eman du, baloia zutoinera bidalita.
Vila-real aise ari zen, bisitariek asmatu gabe errematatzen zuten bitartean. Burkek korner batean izan du aukera Alavesentzat, baina gola beste atean iritsi da. Izan ere, beste kontraeraso batean, Gerard Morenok ederki baliatu Cazorlak jarritako pasea (84. min).
Ontiverosek, zuzenean jaurtitako falta batekin erdietsi du azken gola, luzapenean (4-1).
Talde horiaren gol egiteko ahalmena beste bat da denboraldi honetan, baita sailkapenean darabilen martxa ere: 17 puntu ditu, eta hirugarren tokian dago kokatuta, behin-behinean. Alaves, berriz, 11 punturekin geratu da, jaitsiera postuak baino bi gorago.
Fitxa teknikoa:
4- Vila-real: Asenjo, Mario, Albiol, Pau Torres, Alberto Moreno, Iborra, Moi Gomez (Manu Trigueros, 79. min), Cazorla, Anguissa (Chukwueze, 60. min), Ekambi (Ontiveros, 86. min) eta Gerard Moreno.
1- Alaves: Pacheco, Martín (Guidetti, 84. min), Laguardia, Magallan, Duarte, Aleix Vidal (Borja Sainz, 71. min), Manu Garcia, Wakaso, Rioja (Burke, 67. min), Lucas Perez eta Joselu.
Golak: 1-0, min. 13: Ekambi. 1-1, min. 50: Lucas. 2-1, min. 65: Ekambi. 3-1, min. 84: Gerard. 4-1, min. 91: Ontiveros.
Epailea: Medie Jimenez. Txartel horiak: Mario Gaspar eta Pau Torres (Vila-real); Joselu eta Magallan (Alaves).
Zure interesekoa izan daiteke
Alavesek galdu egin du Real Madrilen aurka (1-2)
Mbappek lehen gola sartu eta Carlos Vicentek partida berdindu du, baina Rodrygoren golak garaipena eman dio talde zuriari.
Carlos Vicente: "Partidua irabaztekotan egon garela uste dut"
Alaveseko jokalariak EA Sports Ligako 16. jardunaldian Real Madrilen aurka jasotako porrotaz (1-2) hitz egin du. Taldeak azken unera arte borrokatu duela azpimarratu du, eta bere golaren ostean Mendizorrotzan partida irabazteko aukerak izan dituztela adierazi du.
Chacho Coudet: "Ez diot aurkariaren dinamikari erreparatzen, geureari begiratzen diot"
Babazorroek Real Madril hartuko dute igande honetan Mendizorrotzan, eta talde zuria bolada gorabeheratsu baten ostean helduko da Gasteizera. Prentsaurrekoan galdera asko izan dira Xabi Alonsok zuzentzen duen taldearen egoeraren inguruan, baina Chacho Coudetek bere taldean zentratu nahi izan du.
Jon Pacheco: ''Hiru puntu hauek oso garrantzitsuak dira etorkizunari begira''
Alavesek 1-0 garaitu du Reala Mendizorrotzan jokatu duten euskal derbian. Partidaren amaieran, Jon Pacheco atzelari nafarrak esan du partida berezia izan dela, aurrenekoz izan baitu Reala aurkari.
Victor Parada: ''Denboraldia markatu ahal duten partidetakoa zen; hiru puntuak atera behar genituen''
Alavesek 1-0 garaitu du Reala Mendizorrotzan jokatu duten euskal derbian. Partidaren amaieran, Victor Paradak bere taldearen garaipena nabarmendu du.
Eduardo Coudet: "Irabazteko beharra dugu"
Alavesek Ligako hiru porroten bolada txarra eteteko asmoz ekingo dio biharko hitzorduari. "Irabazteko beharra dugu. Erakutsitako maila onagatik bost puntu gehiago izatea mereziko genuke ", adierazi du Chacho Coudetek partidaren aurreko prentsaurrekoan.
''Amets askorekin etorri nintzen; nigan izan duten konfiantza bueltatu behar diet''
Nahuel Tenagliak kontratua berritu du Alavesekin 2029ra arte. Argentinarra oso eskertuta agertu da klubarekin, maitatua eta baloratua sentitzen dela adierazi du. (Bideoa gazteleraz)
Nahuel Tenagliak Alavesen jarraituko du datozen hiru denboraldietan
Tenaglia jokalari argentinarrak 130 norgehiagoka jokatu ditu, 2022ko otsailean Gasteizera iritsi zenez gero.
La Florida futbol-zelaian jokatutako Portugalete-Alaves (0-3) Errege Kopako partidaren laburpena
Alavesek Errege Kopako final-hamaseirenetako kanporaketarako txartela lortu du. Portugaletek, harmailak bete dituzten etxeko zaleen bultzadarekin, gasteiztarrei aurre egin die, baina ez da nahikoa izan. Eduardo Coudet entrenatzaile argentinarrak urte bat bete du gaur arabarren aulkian.
Alavesek Kopako final-hamaseirenetarako txartela lortu du lanak eman dizkion Portugaleteren aurka (0-3)
Coudeten jokalariek oso ondo hasi dute neurketa, 2. minutuan aurreratu baitira Carlos Vicenteren gol eder bati esker. Atsedenaldiaren ostean garaipena berretsi dute, Portugaletek bere atean sartutako gol bati esker. Toni Martinezek hirugarren gola egin du azken minutuetan.