Alaves, Gironaren etxean irabaztera behartuta
Deportivo Alavesek Errege Kopako final-hamaseirenetako itzuliko partidari egingo dio aurre gaur, asteazkenean. Abelardo Fernandezek zuzentzen duen taldeak ia nahitaezkoa du garaipena eskuratzea, joaneko partidan bina berdindu baitzuten bi taldeek. Ondorioz, berdinketaren bat lortzekotan, 3-3koak eta ondorengoek balioko liokete bakarrik talde babazorroari. Horrenbestez, erasoari begirako talde bat zelairatuko dute arabarrek.
Joan zen denboraldian, Valentziak kanporatu zuen Gasteizko taldea final-laurdenetan, penaltietan erabaki zen kanporaketan. Duela bi denboraldi, berriz, Alaves kopa txapelketa protagonista nagusienetako bat izan zen, finalera iristea lortu baitzuen lehen aldiz bere historian, nahiz eta finalean galdu egin zuen Bartzelonaren aurka.
Abelardo arabarren entrenatzaileak erabilgarri dituen 23 jokalariak eramango ditu berarekin (hots, lesionatuta dagoen Rodrigo Ely izan ezik guztiak). Izan ere, kopako norgehiagokaren ostean, Alavesek Madrilera bidaiatuko du, Atletico Madrilen aurkako ligako lehiari heltzeko.
Bere aldetik, Girona Ligako ibilbide ikusgarriari jarraipena ematen ahaleginduko da. Katalanek zazpi lehia kateatu dituzte galdu gabe, eta, hartara, inoiz Lehen Mailan izan duten boladarik onena daramate.
Balizko hamaikakoak
Girona: Gorka Iraizoz, Valery Fernandez, Jonas Ramalho, Pedro Alcala, Juanpe edo Eric Montes, Yhoan Andzouana, Douglas Luiz, Alex Granell, Portu, Choco Lozano, eta Seydou Doumbia.
Alaves: Sivera, Vigaray, Laguardia, Maripan, Adrian Marin, Ibai Gomez, Brasanac, Wakaso, Burgui, Sobrino eta Borja Baston.
Epailea: Mateu Lahoz.
Futbol-zelaia: Montilivi.
Ordua: 19:30.
Zure interesekoa izan daiteke
Dafne Triviño: “Alavesek prozesuan sinetsi du, eta emakumezkoen taldea lehen mailara igotzea da saria"
Bigarren mailan hiru denboraldi gogor eman ostean, Alaveseko emakumezkoen taldea maila gorenean lehiatuko da datorren denboraldian. Dafne Triviño kirol arduradunak klubaren konpromisoa azpimarratu du. "Alavesek prozesuan sinetsi du", horren arabera, eta konfiantza hori funtsezkoa izan da emakumezkoen futboleko maila gorenera igotzeko helburua lortzeko.
Ander Guevara: “Alavesekin 100 partida betetzea gauza inportantea da niretzat"
28 urteko gasteiztarrak 100. partida jokatu zuen Arabako taldearekin aurreko asteburuan, Osasunaren aurkako derbian. Asteburu honetarako beste erronka bat dauka: Alavesek Realaren aurka jokatuko duen derbia irabaztea.
Sanchez Flores: “Ondo lehiatzeko eta aurkari ona izateko asmoa dugu”
Quique Sanchez Flores Alavesen entrenatzaileak prentsaurrekoa eman du, Realaren aurkako derbiari buruz hitz egiteko. Aurkariaren kalitatea azpimarratu du, eta adierazi du ahalik eta ondoen lehiatzeko gogoz jardungo dutela. (Adierazpenak, gaztelaniaz).
Angel Perez, Realaren aurkako derbiari buruz: “Badakigu ez dela batere erraza izango, baina hiru puntuak nahi ditugu”
Angel Perez Alavesen jokalariak prentsaurrekoa eman du babazorroek asteburu honetan Realaren aurka jokatuko duten derbiari buruz hitz egiteko.
Toni Martinez: “Atzetik hasten zarenean partida bikoitza da"
Toni Martinez Alaveseko jokalariaren adierazpenak, EA Sports Ligako 30. jardunaldiko partidan Osasunaren aurka 2-2 berdindu ondoren.
Elene Errasti: “Egun berezia da, inoiz ahaztuko ez duguna"
Gloriosas Alaveseko jokalariak maila gorenera igo ostean hitz egin du.
Alaves Gloriosas lehen mailara igo da!
Europaren aurkako garaipenari eta Valentziarekiko puntu aldeari esker, Gasteizko taldeak igoera zuzena ziurtatu du.
Sanchez Flores: “Partida bakoitza irabaztera irten beste aukerarik ez dugu ikusten"
Quique Sanchez Flores Alaveseko entrenatzaileak "finala" balitz bezala hartu du igandean Osasunaren aurka jokatuko duten derbia. Geldialdiak Alavesi taktika lantzeko aukera eman diola azpimarratu du, partida horri begira baikor agertu da, eta "arima osoa" eta "energia guztia" jarriko dutela esan du.
Pablo Ibañez, igandeko Alaves-Osasuna derbiaz: “Partida oso berezia izango da niretzat”
Kirol ibilbide osoa Osasunan eman eta gero, Alaveseko erdilariak taldekide ohiak izango ditu aurkari Mendizorrotzan. Derbian, Gasteizko taldea saiatuko da islatzen Sanchez Flores entrenatzaileak jokalariei adierazi diena.
Andrea Esteban: “Asteburu honetan taldea maila gorenera itzuliko dela ziurtatzea espero dut"
Hain zuen, Valentziak Bartzelona B liderraren zelaian jokatuko du; beraz, Valentziak galdu edo berdintzen badu eta Alavesek Cacereño mendean hartzen badu, babazorroak maila gorenean arituko dira datorren denboraldian.