Alavesek denboraldiko lehen garaipena lortu du, Espanyoli irabazita
Alavesek denboraldiko lehen garaipena eskuratu du, Espanyoli 2-1 irabazita Mendizorrotzan. Ligako hirugarren jardunaldira arte itxaron behar izan du Arabako taldeak lehen partida irabazteko.
Bizi ekin dio neurketari Abelardok zuzentzen duen taldeak, eta 2. minutuan epaileak baliorik gabe utzi du Manu Garciaren gola. Alaveseko kapitainak eskuarekin egin du kontrola, baloia sare barrura bidali aurretik. Ondoren, Espanyol egin da partidaren jabe. Rubik zuzentzen duen taldeak lehen abisua eman du Baptistaoren bitartez 21. minutuan, sei minutu beranduago Alavesek erantzun du, gutxigatik kanpora joan den Jonyren jaurtiketarekin. Lehen zatia amaitzear zela, 41. minutuan, epaileak Espanyolen aldeko penaltia adierazi du, bideo-laguntzailea (VAR) kontsultatuta. Laguardiak penaltia egin dio David Lopezi. Baptistaok jaurti du penaltia, eta 0-1ekoa sartu du.
Bigarren zatiko bigarren minutuan, epaileak baliorik gabe utzi du Sergio Garciak Espanyolentzat sartu duen gola. Bideo-laguntzailea begiratu eta jokalari perikito bat jokoz kanpo egon dela ikusi du. Beranduago, 56. minutuan, Borja Bastonek berdindu du partida (1-1). Gola hartu eta jarraian, Espanyolek abagune argia izan du Baptistaoren eskutik, baina aurrelariak ez du asmatu. Neurketako 59. minutuan, ordea, Alavesen bigarren gola etorri da Sobrinoren bitartez (2-1); Jonyk kontraeraso bizia antolatu du, pasea eman du penalti puntura, eta Alaveseko aurrelariak ez du huts egin Diego Lopez atezainaren aurrean.
Emaitza alde izan duela, Arabako taldeak ez du gehiegi sufritu garaipenari eusteko. Espanyolek abagune ona izan du 74. minutuan, baina Fernando Pachecok gola eragotzi du, Didac Vilaren erremateari erantzun ona emanda. Abelardok zuzentzen duen taldeak defentsako lan ona egin du azken txanpan, eta hiru puntuak lortu ditu.
Fitxa teknikoa:
2 - Alaves: Pacheco; Agirregabiria, Laguardia, Maripan, Duarte; Jony (Adrian Marin, 80. min), Manu Garcia, Wakaso, Ibai Gomez (Ximo Navarro, 84. min); Sobrino eta Borja Baston (Guidetti, 63. min).
1 - Espanyol: Diego Lopez; Javi Lopez (Hernan Perez, 78. min), David Lopez, Mario Hermoso, Didac Vila; Darder, Marc Roca (Piatti, 82. min), Granero (Melendo, 66. min); Sergio Garcia, Baptistao eta Borja Iglesias.
Golak: 0-1: Leo Baptistao, penaltiz, 41. min. 1-1: Borja Baston, 56. min. 2-1: Sobrino, 58. min.
Epailea: Ignacio Iglesias Villanueva. Txartel horiak atera dizkie Alaveseko Wakaso (17. min), Manu Garcia (19. min), Laguardia (40. min), Pacheco (40. min) jokalariei; baita Espanyoleko Darder (44. min), Borja Iglesias (45. min), Leo Baptistao (92. min) jokalariei.
Zure interesekoa izan daiteke
Dafne Triviño: “Alavesek prozesuan sinetsi du, eta emakumezkoen taldea lehen mailara igotzea da saria"
Bigarren mailan hiru denboraldi gogor eman ostean, Alaveseko emakumezkoen taldea maila gorenean lehiatuko da datorren denboraldian. Dafne Triviño kirol arduradunak klubaren konpromisoa azpimarratu du. "Alavesek prozesuan sinetsi du", horren arabera, eta konfiantza hori funtsezkoa izan da emakumezkoen futboleko maila gorenera igotzeko helburua lortzeko.
Ander Guevara: “Alavesekin 100 partida betetzea gauza inportantea da niretzat"
28 urteko gasteiztarrak 100. partida jokatu zuen Arabako taldearekin aurreko asteburuan, Osasunaren aurkako derbian. Asteburu honetarako beste erronka bat dauka: Alavesek Realaren aurka jokatuko duen derbia irabaztea.
Sanchez Flores: “Ondo lehiatzeko eta aurkari ona izateko asmoa dugu”
Quique Sanchez Flores Alavesen entrenatzaileak prentsaurrekoa eman du, Realaren aurkako derbiari buruz hitz egiteko. Aurkariaren kalitatea azpimarratu du, eta adierazi du ahalik eta ondoen lehiatzeko gogoz jardungo dutela. (Adierazpenak, gaztelaniaz).
Angel Perez, Realaren aurkako derbiari buruz: “Badakigu ez dela batere erraza izango, baina hiru puntuak nahi ditugu”
Angel Perez Alavesen jokalariak prentsaurrekoa eman du babazorroek asteburu honetan Realaren aurka jokatuko duten derbiari buruz hitz egiteko.
Toni Martinez: “Atzetik hasten zarenean partida bikoitza da"
Toni Martinez Alaveseko jokalariaren adierazpenak, EA Sports Ligako 30. jardunaldiko partidan Osasunaren aurka 2-2 berdindu ondoren.
Elene Errasti: “Egun berezia da, inoiz ahaztuko ez duguna"
Gloriosas Alaveseko jokalariak maila gorenera igo ostean hitz egin du.
Alaves Gloriosas lehen mailara igo da!
Europaren aurkako garaipenari eta Valentziarekiko puntu aldeari esker, Gasteizko taldeak igoera zuzena ziurtatu du.
Sanchez Flores: “Partida bakoitza irabaztera irten beste aukerarik ez dugu ikusten"
Quique Sanchez Flores Alaveseko entrenatzaileak "finala" balitz bezala hartu du igandean Osasunaren aurka jokatuko duten derbia. Geldialdiak Alavesi taktika lantzeko aukera eman diola azpimarratu du, partida horri begira baikor agertu da, eta "arima osoa" eta "energia guztia" jarriko dutela esan du.
Pablo Ibañez, igandeko Alaves-Osasuna derbiaz: “Partida oso berezia izango da niretzat”
Kirol ibilbide osoa Osasunan eman eta gero, Alaveseko erdilariak taldekide ohiak izango ditu aurkari Mendizorrotzan. Derbian, Gasteizko taldea saiatuko da islatzen Sanchez Flores entrenatzaileak jokalariei adierazi diena.
Andrea Esteban: “Asteburu honetan taldea maila gorenera itzuliko dela ziurtatzea espero dut"
Hain zuen, Valentziak Bartzelona B liderraren zelaian jokatuko du; beraz, Valentziak galdu edo berdintzen badu eta Alavesek Cacereño mendean hartzen badu, babazorroak maila gorenean arituko dira datorren denboraldian.