Alavesek berriz irabazi dio Formenterari (2-0) eta arazorik gabe sailkatu da
Alaves estutasunik gabe gailendu zaio Formenterari (2-0) Ermedin Demirovic eta Alfonso Pedraza babazorroen golekin, eta Errege Kopako final-laurdenetara sailkatu da, kanporaketako emaitza orokorra 5-1 izanik.
Talde balearra ondo kokatuta zelairatu da, eta aurreko kanporaketan Athletic atzean zergatik utzi zuen erakutsi du. Horrenbestez, gasteiztarrek gogor egin behar izan dute lan partida irabazteko.
Abelardo Fernandezen mutilen artean, Victor Lopez eta Ermedin Demirovic bosniarra nabarmendu dira, baita Ruben Sobrino ere, baina ez da oso eraginkor azaldu, eginahalak egin dituen arren.
Alaves hasieratik saiatu da partidako aginte-makila bereganatzen, baina behin eta berriro egin du topo Formenteraren lan taktiko onaren aurka, eta horrek aurrera jotzea galarazi die babazorroei. Horrenbestez, norgehiagoka golik gabe heldu da atsedenaldira.
Aldageletatik bueltan, Alavesek lehiaren zama bere gain hartzen jarraitu du, eta, horrela, 55. minutuan, Ermedin Demirovicek ez du barkatu kanpotarren atezainaren aurrean geratu denean. Bosniarrak bikain aprobetxatu du Sobrinok emandako pasea, eta baloia Chechuren ate barrura bidali du, eskuineko hankarekin gozo ukituta.
Formenterak lerroak aurreratu ditu eta berdinketa lortzen saiatu da, areaz kanpotik egindako jaurtiketen bidez, baina balearrek ez dute euren helburua lortu.
Aitzitik, Alfonso Pedrazak kanporaketari behin betiko amaiera jarri dio, neurketako bigarren gola eginez, ezker hegaletik egindako barneraketa bati amaiera ezin hobea emanda.
Neurketako beste protagonista nagusietako bat Victor Laguardia etxekoen atzelaria izan da, Abelardok hasierako hamaikakoan jarri baitu, zelaietatik kanpo ia bederatzi hilabete eman ostean, lesio larri bat dela medio.
Fitxa teknikoa:
Alaves, 2: Sivera; Alexis, Ely, Laguardia, Diéguez; Torres, Medrán; Víctor López, Sobrino, Wakaso; eta Demirovic (Pedraza, 77. min).
Formentera, 0: Chechu; Diego, Rosa, Kiko, Bonilla, Agus (Samu, 75. min); Álvaro Muñiz (Adrián Riera, 54. min), Gabri (Puertas, 67. min), Nando; Souza eta Juan Antonio.
Golak: 1-0, 55. min: Demirovic. 2-0, 91. min: Pedraza.
Epailea: Iglesias Villanueva. Ez du txartelik atera.
Zure interesekoa izan daiteke
Pablo Ibañez: “Irabazteko eta aurrerapauso bat emateko gaitasuna dugun une garrantzitsuetan, ez dugu egiten”
Alavesek berdindu egin du Gironaren aurka Mendizorrotzan (2-2). Arabako taldeak ez du nahi zituen hiru puntuak eskuratzea lortu, beraz, Pablo Ibañezek esan digunez "garaipena laster heldu behar da". Martxoaren 27an Levanteren aurkako partidan hori izango da babazorroen helburua.
Lucas Boyek, bere bi golekin, puntu bat erreskatatu du Mendizorrotzan Gironaren aurka (2-2)
Coudeten taldea partida hasi eta berehala aurreratu da aurrelari argentinarraren gol bati esker, baina Gironak berdinketa lortu du lehen zatian eta markagailua irauli du atsedenaldiaren ostean. Neurketaren azken minutuetan binakoa egin du Boyek.
Baskoniari omenaldia, Alaves-Girona partidaren hasieran
Alaves eta Gironaren arteko partida hasi baino lehen, Baskoniari omenaldia egin diote Mendizorrotzan, atzo, Valentzian, Saskibaloiko Errege Kopako finala irabazteagatik. Markus Howardek egin du ohorezko sakea, Tadas Sedekerskis kapitainak garaikurra zaleei eskaintzen zien bitartean.
Coudet: "Aurkariari begiratu arren, fokua gugan jarrita eduki behar dugu"
Alavesek Girona hartuko du astelehen honetan, 21:00etan, Mendizorrotzan. Babazorroen entrenatzailearen esanetan, oso partida zaila izango da, eta oso garrantzitsua izango da gauzak ondo egitea.
Tenaglia: "Guk astelehenean etxean hiru puntuak bildu behar ditugu, final bat da"
"Ezin dugu aukera gehiago alferrik galdu, aurkaria Girona izan arren", ohartarazi du atzelari argentinarrak. "Hiru partida oso garrantzitsu datozkigu; lehenengoa, astelehenean", gaineratu du.
Guevara: "Etxera burumakur goaz, gaur aukera oso garbia genuen irabazteko"
Ander Guevara Alaveseko jokalariaren adierazpenak, EA Sports Ligako 24. jardunaldiko partida, Sevillaren aurka, 1-1 amaitu ondoren.
Alavesek bi puntu utzi ditu Sevillan (1-1)
Coudeten taldeak ez du aprobetxatu 15. minututik jokalari bat gehiagorekin jokatu izana. Epaileak, gainera, baliorik gabe utzi du Boyek sartutako gola, jokoz kanpoko polemikoa adierazita.
Chacho Coudet: "Partida zuzena dugu, eta gogorra izango da"
Alavesek Sevillaren aurka jokatuko du larunbat honetan, EA Sports Ligako 24. jardunaldiko partidan. Coudetek adierazi du lehia zaila izango dela, baina bere taldea gogor lehiatuko dela.
Sergio Fernandez, Alavesen kirol zuzendaria: "Joan diren eta fitxatu ditugun jokalariak ikusita, taldea hobea dela uste dugu"
Sergio Fernandez Alavesen kirol zuzendariak neguko merkatuaz ez ezik, taldearen egungo egoeraz hitz egin du hedabideen aurrean.
Ibrahim Diabatek "taldean lan asko" egingo duela agindu du
Alavesen jokalari berriak aurkezpen prentsaurrekoan azaldu duenez, "oso erraza" izan zen akordio batera iristea, "ametsa" baitzuen Espainiako ligara itzultzea. Aldagelak oso harrera ona egin diola azpimarratu du bolikostarrak.