Alavesek kanporaketa bideratuta utzi du Formenteran irabazita (1-3)
Alavesek ia erabakita utzi du Formenteraren aurka lehiatzen ari den Errege Kopako final-zortzirenetako kanporaketa (1-3). Hiru goletatik bi talde gasteiztarrean debuta egin duen Ermedin Demirovic aurrelari bosniarrak egin ditu. Hirugarrena Munir El Haddadik sartu du.
Formenterako taldeak belar artifizialeko bere estadiora lezioa ondo ikasita zelairatu da: defentsako ordenari ondo eustea; golik jasoz gero, lanean jarraitzea eta bere aukerari itxarotea.
Aurrez aurre Abelardoren Alaves eraberritua izan du Tito Garcia Sanjuanek entrenatzen duen taldeak. Gasteiztarrek bi taldeen artean dagoen bi mailako tarteaz fidatu gabe jokatu dute.
Etxekoek lanak izan dituzte bi-hiru pase jarraian emateko, arabarrek zelaiko eremu guztietan presio handia egin baitute, eta horrek jokoaren nagusitasuna aitortu die kanpotarrei.
Horrenbestez, soka alderik ahulenetik hautsi da 35. minutuan. Ermendin Demirovic bosniarrak gol bikaina egin du buruz bere estreinako partidan lehenengo taldearekin.
Dena dela, Formentara ez da kikildu, eta atsedenaldira iritsi orduko zutoinaren aurka bidali du baloi bat (42. min).
Abisua izan da Alavesentzat bigarren zatiari begira. Eta hala egiaztatu ahal izan du oso goiz (56. min), Javi Rosa Formenterako atzelariak berdinketaren gola egin duelako korner batean.
Babazorroek okerren zeudenean, berriz ere Demirovic bosniarra agertu da (64. min), eta aurrelari onaren itxura emanez egin ere, orpoz sartu baitu gola.
Bigarren gol hori kolpe gogorra izan da Formenterako jokalarientzat. Alabaina, aurrera egin du asko arriskatuz, eta Munirrek ez du barkatu kontraeraso batean bere taldearen hirugarrena erdietsi eta kanporaketa oso aldeko uzteko.
Fitxa teknikoa:
SD Formentera 1: Contreras; Samu, Javi Rosa, Kiko, Bonilla (Ojeda, 66. min); Álvaro, Omar, Gabri (Crespo, 66. min), Nando, Adrián Riera; Juan Antonio.
Alavés 3: Sivera; Víctor, Ely, Maripán, Diéguez; Sobrino, Torres, Ibai (Munir, 73. min), Wakaso; Medrán (Manu García, 65. min), Demirovic (Martí Aguirregabiria, 78. min).
Golak: 0-1, 35. min: Demirovic; 1-1, 56. min: Javi Rosas; 1-2, 64. min: Demirovic; 1-3, 80. min: Munir.
Epailea: Hernández Hernández (Comité de Las Palmas).
Zure interesekoa izan daiteke
Pablo Ibañez: “Irabazteko eta aurrerapauso bat emateko gaitasuna dugun une garrantzitsuetan, ez dugu egiten”
Alavesek berdindu egin du Gironaren aurka Mendizorrotzan (2-2). Arabako taldeak ez du nahi zituen hiru puntuak eskuratzea lortu, beraz, Pablo Ibañezek esan digunez "garaipena laster heldu behar da". Martxoaren 27an Levanteren aurkako partidan hori izango da babazorroen helburua.
Lucas Boyek, bere bi golekin, puntu bat erreskatatu du Mendizorrotzan Gironaren aurka (2-2)
Coudeten taldea partida hasi eta berehala aurreratu da aurrelari argentinarraren gol bati esker, baina Gironak berdinketa lortu du lehen zatian eta markagailua irauli du atsedenaldiaren ostean. Neurketaren azken minutuetan binakoa egin du Boyek.
Baskoniari omenaldia, Alaves-Girona partidaren hasieran
Alaves eta Gironaren arteko partida hasi baino lehen, Baskoniari omenaldia egin diote Mendizorrotzan, atzo, Valentzian, Saskibaloiko Errege Kopako finala irabazteagatik. Markus Howardek egin du ohorezko sakea, Tadas Sedekerskis kapitainak garaikurra zaleei eskaintzen zien bitartean.
Coudet: "Aurkariari begiratu arren, fokua gugan jarrita eduki behar dugu"
Alavesek Girona hartuko du astelehen honetan, 21:00etan, Mendizorrotzan. Babazorroen entrenatzailearen esanetan, oso partida zaila izango da, eta oso garrantzitsua izango da gauzak ondo egitea.
Tenaglia: "Guk astelehenean etxean hiru puntuak bildu behar ditugu, final bat da"
"Ezin dugu aukera gehiago alferrik galdu, aurkaria Girona izan arren", ohartarazi du atzelari argentinarrak. "Hiru partida oso garrantzitsu datozkigu; lehenengoa, astelehenean", gaineratu du.
Guevara: "Etxera burumakur goaz, gaur aukera oso garbia genuen irabazteko"
Ander Guevara Alaveseko jokalariaren adierazpenak, EA Sports Ligako 24. jardunaldiko partida, Sevillaren aurka, 1-1 amaitu ondoren.
Alavesek bi puntu utzi ditu Sevillan (1-1)
Coudeten taldeak ez du aprobetxatu 15. minututik jokalari bat gehiagorekin jokatu izana. Epaileak, gainera, baliorik gabe utzi du Boyek sartutako gola, jokoz kanpoko polemikoa adierazita.
Chacho Coudet: "Partida zuzena dugu, eta gogorra izango da"
Alavesek Sevillaren aurka jokatuko du larunbat honetan, EA Sports Ligako 24. jardunaldiko partidan. Coudetek adierazi du lehia zaila izango dela, baina bere taldea gogor lehiatuko dela.
Sergio Fernandez, Alavesen kirol zuzendaria: "Joan diren eta fitxatu ditugun jokalariak ikusita, taldea hobea dela uste dugu"
Sergio Fernandez Alavesen kirol zuzendariak neguko merkatuaz ez ezik, taldearen egungo egoeraz hitz egin du hedabideen aurrean.
Ibrahim Diabatek "taldean lan asko" egingo duela agindu du
Alavesen jokalari berriak aurkezpen prentsaurrekoan azaldu duenez, "oso erraza" izan zen akordio batera iristea, "ametsa" baitzuen Espainiako ligara itzultzea. Aldagelak oso harrera ona egin diola azpimarratu du bolikostarrak.