Alavesek denboraldiko zortzigarren porrota jaso du
Alavesek 2-0 galdu du Betisen aurka Benito Villamarin estadioan eta burua altxa ezinda jarraitzen du. Ligako bederatzi jardunalditan zortzi porrot jaso eta garaipen bakarra eskuratu du talde babazorroak.
Arabako taldeak gogotsu ekin dio norgehiagokari eta Adan atezainaren ate ingurura iritsi da bigarren minutuan, arrisku handiegirik sortu gabe. Pixkanaka, Arabako taldea atzean sartzen hasi da, eta Betis horretaz baliatu da lehen abagunean, 1-0ekoa sartzeko. Andaluziako taldeak jokaldi ona lotu, Barraganek erdiraketa jarri, eta Sanabriak gola sartu du. Golaren ostean Betis izan da jaun eta jabe. Alaves ezinean ibili da, eta ez du abagunerik sortu. Betisek pare bat abagune izan ditu lehen zatiaren amaieran, baina Pacheco atezainak ondo erantzun dio Joaquinen jaurtiketari eta Sanabriak kanpora bidali du erremate bat.
Bigarren zatia bizi hasi da. Betisek abagune argia izan du 48. minutuan, baina Pacheco atezainak gola eragotzi du Camarasaren erremateari erantzun bikaina emanda. Azkar etorri da Alavesen erantzuna; Adan atezainak Arabako taldearen gola eragotzi du Pedrazaren erremate ona desbideratuta. Abagune honen ostean etorri dira Alavesen beste gol-aukera argi bi; Vigarayk gora bidali du errematea 58. minutuan eta Adan atezainak erantzun bikaina eman dio Medranen falta jaurtiketari, 63. minutuan. Alaves partidako unerik onenean egon denean, aldeko falta bat izan du, Betiseko defentsak baloia atera, kontraerasoa sortu, eta Telloren erdiraketa Alexisek desbideratu du, gola bere atean sartuta (2-0). Partidako 75. minutuan etorri da Betisen bigarren gola eta ordutik aurrera Andaluziako taldea izan da jaun eta jabe. Azken txanpan, Pacheco atezainak eragotzi egin du Alavesek gol gehiago jasotzea. Neurketako azken abagunea Alavesentzat izan da, baina Adan nagusi izan da Katairen aurkako buruz-burukoan.
Fitxa teknikoa:
2 - Betis: Adan; Barragan, Mandi, Amat, Tosca; Javi Garcia; Guardado, Camarasa (Fabián, m.73); Campbell (Tello, m.62), Sanabria, Joaquin (Boudebouz, m.78).
0 - Alaves: Pacheco; Vigaray, Maripan (Katai, m.76), Ely, Alexis, Pedraza; Manu García (Burgui, m.80), Dani Torres, Wakaso; Medran; Munir (Bojan, m.80).
Golak: 1-0, M.13: Sanabria. 2-0, M.75: Alexis, bere atean.
Epailea: Daniel Jesus Trujillo Suarez.
Zure interesekoa izan daiteke
Pablo Ibañez: “Irabazteko eta aurrerapauso bat emateko gaitasuna dugun une garrantzitsuetan, ez dugu egiten”
Alavesek berdindu egin du Gironaren aurka Mendizorrotzan (2-2). Arabako taldeak ez du nahi zituen hiru puntuak eskuratzea lortu, beraz, Pablo Ibañezek esan digunez "garaipena laster heldu behar da". Martxoaren 27an Levanteren aurkako partidan hori izango da babazorroen helburua.
Lucas Boyek, bere bi golekin, puntu bat erreskatatu du Mendizorrotzan Gironaren aurka (2-2)
Coudeten taldea partida hasi eta berehala aurreratu da aurrelari argentinarraren gol bati esker, baina Gironak berdinketa lortu du lehen zatian eta markagailua irauli du atsedenaldiaren ostean. Neurketaren azken minutuetan binakoa egin du Boyek.
Baskoniari omenaldia, Alaves-Girona partidaren hasieran
Alaves eta Gironaren arteko partida hasi baino lehen, Baskoniari omenaldia egin diote Mendizorrotzan, atzo, Valentzian, Saskibaloiko Errege Kopako finala irabazteagatik. Markus Howardek egin du ohorezko sakea, Tadas Sedekerskis kapitainak garaikurra zaleei eskaintzen zien bitartean.
Coudet: "Aurkariari begiratu arren, fokua gugan jarrita eduki behar dugu"
Alavesek Girona hartuko du astelehen honetan, 21:00etan, Mendizorrotzan. Babazorroen entrenatzailearen esanetan, oso partida zaila izango da, eta oso garrantzitsua izango da gauzak ondo egitea.
Tenaglia: "Guk astelehenean etxean hiru puntuak bildu behar ditugu, final bat da"
"Ezin dugu aukera gehiago alferrik galdu, aurkaria Girona izan arren", ohartarazi du atzelari argentinarrak. "Hiru partida oso garrantzitsu datozkigu; lehenengoa, astelehenean", gaineratu du.
Guevara: "Etxera burumakur goaz, gaur aukera oso garbia genuen irabazteko"
Ander Guevara Alaveseko jokalariaren adierazpenak, EA Sports Ligako 24. jardunaldiko partida, Sevillaren aurka, 1-1 amaitu ondoren.
Alavesek bi puntu utzi ditu Sevillan (1-1)
Coudeten taldeak ez du aprobetxatu 15. minututik jokalari bat gehiagorekin jokatu izana. Epaileak, gainera, baliorik gabe utzi du Boyek sartutako gola, jokoz kanpoko polemikoa adierazita.
Chacho Coudet: "Partida zuzena dugu, eta gogorra izango da"
Alavesek Sevillaren aurka jokatuko du larunbat honetan, EA Sports Ligako 24. jardunaldiko partidan. Coudetek adierazi du lehia zaila izango dela, baina bere taldea gogor lehiatuko dela.
Sergio Fernandez, Alavesen kirol zuzendaria: "Joan diren eta fitxatu ditugun jokalariak ikusita, taldea hobea dela uste dugu"
Sergio Fernandez Alavesen kirol zuzendariak neguko merkatuaz ez ezik, taldearen egungo egoeraz hitz egin du hedabideen aurrean.
Ibrahim Diabatek "taldean lan asko" egingo duela agindu du
Alavesen jokalari berriak aurkezpen prentsaurrekoan azaldu duenez, "oso erraza" izan zen akordio batera iristea, "ametsa" baitzuen Espainiako ligara itzultzea. Aldagelak oso harrera ona egin diola azpimarratu du bolikostarrak.