Alavesek burua altxa ezinda jarraitzen du
Alavesek 1-0 galdu du Celtaren aurka Balaidosen, eta hirugarren porrota jarraian jaso du. Luis Zubeldiak zuzentzen duen taldeak ez du ondo jokatu, eta aurkaria bera baino gehiago izan da.
Celta izan da nagusi hasierako minutuetan, eta Alaves ezinean ibili da, baina lehen abaguneak Arabako taldeak izan ditu. Burguik eman du lehen abisua areaz kanpotik egindako jaurtiketa batekin, eta 14. minutuan Sergio atezainak buruz burukoa irabazi dio Bojan Krkici gola eragotzita. Galiziako taldea nagusi izan den arren, kosta egin zaio abagune argiak sortzea, eta Bojanek beste gol aukera bat izan du 24. minutuan; honakoan ere, Sergio atezainarekin egin du topo. Celtaren nagusitasunak saria jaso du 33. minutuan, Maxi Gomezek sartutako golarekin. Erremate bikaina eginez, Gomezek sare barrura bidali du Sistoren erdiraketa ona. Golak min egin dio Alavesi, eta Celtak bigarren gola sartzeko abaguneak izan ditu, baina ez du gol gehiago sartu.
Bigarren zatian, partidaren gidoia ez da asko aldatu. Celtak kontrolpean izan du neurketa, eta Alavesek ez du abagunerik sortu. Oso abagune gutxi sortu dituzte bi taldeek, eta argiena Celtak izan du 66. minutuan, Wassek zutoinera bidali duen falta jaurtiketa baten bitartez. Azken minutuetan, Alavesek erasora jo du berdinketaren bila, baina ez du aukerarik sortu, eta, ondorioz, hirugarren porrota jaso du.
Fitxa teknikoa:
1 - Celta: Sergio Alvarez; Hugo Mallo, Cabral, Fontas (Sergi Gomez, 74. min), Jonny; Lobotka, Wass, Jozabed (Pablo Hernández, 80. min); Iago Aspas, Pione Sisto (Emre Mor, 87. min) eta Maxi Gomez.
0 - Alaves: Pacheco; Vigaray, Ely, Alexis, Pedraza; Tomas Pina, Dani Torres; Burgui (Ibai Gomez, 71. min), Enzo (Munir, 57. min), Romero; Bojan (Ruben Sobrino, 78. min).
Gola: 1-0, 33. min: Maxi Gomez.
Epailea: Melero Lopez.
.Zure interesekoa izan daiteke
Dafne Triviño: “Alavesek prozesuan sinetsi du, eta emakumezkoen taldea lehen mailara igotzea da saria"
Bigarren mailan hiru denboraldi gogor eman ostean, Alaveseko emakumezkoen taldea maila gorenean lehiatuko da datorren denboraldian. Dafne Triviño kirol arduradunak klubaren konpromisoa azpimarratu du. "Alavesek prozesuan sinetsi du", horren arabera, eta konfiantza hori funtsezkoa izan da emakumezkoen futboleko maila gorenera igotzeko helburua lortzeko.
Ander Guevara: “Alavesekin 100 partida betetzea gauza inportantea da niretzat"
28 urteko gasteiztarrak 100. partida jokatu zuen Arabako taldearekin aurreko asteburuan, Osasunaren aurkako derbian. Asteburu honetarako beste erronka bat dauka: Alavesek Realaren aurka jokatuko duen derbia irabaztea.
Sanchez Flores: “Ondo lehiatzeko eta aurkari ona izateko asmoa dugu”
Quique Sanchez Flores Alavesen entrenatzaileak prentsaurrekoa eman du, Realaren aurkako derbiari buruz hitz egiteko. Aurkariaren kalitatea azpimarratu du, eta adierazi du ahalik eta ondoen lehiatzeko gogoz jardungo dutela. (Adierazpenak, gaztelaniaz).
Angel Perez, Realaren aurkako derbiari buruz: “Badakigu ez dela batere erraza izango, baina hiru puntuak nahi ditugu”
Angel Perez Alavesen jokalariak prentsaurrekoa eman du babazorroek asteburu honetan Realaren aurka jokatuko duten derbiari buruz hitz egiteko.
Toni Martinez: “Atzetik hasten zarenean partida bikoitza da"
Toni Martinez Alaveseko jokalariaren adierazpenak, EA Sports Ligako 30. jardunaldiko partidan Osasunaren aurka 2-2 berdindu ondoren.
Elene Errasti: “Egun berezia da, inoiz ahaztuko ez duguna"
Gloriosas Alaveseko jokalariak maila gorenera igo ostean hitz egin du.
Alaves Gloriosas lehen mailara igo da!
Europaren aurkako garaipenari eta Valentziarekiko puntu aldeari esker, Gasteizko taldeak igoera zuzena ziurtatu du.
Sanchez Flores: “Partida bakoitza irabaztera irten beste aukerarik ez dugu ikusten"
Quique Sanchez Flores Alaveseko entrenatzaileak "finala" balitz bezala hartu du igandean Osasunaren aurka jokatuko duten derbia. Geldialdiak Alavesi taktika lantzeko aukera eman diola azpimarratu du, partida horri begira baikor agertu da, eta "arima osoa" eta "energia guztia" jarriko dutela esan du.
Pablo Ibañez, igandeko Alaves-Osasuna derbiaz: “Partida oso berezia izango da niretzat”
Kirol ibilbide osoa Osasunan eman eta gero, Alaveseko erdilariak taldekide ohiak izango ditu aurkari Mendizorrotzan. Derbian, Gasteizko taldea saiatuko da islatzen Sanchez Flores entrenatzaileak jokalariei adierazi diena.
Andrea Esteban: “Asteburu honetan taldea maila gorenera itzuliko dela ziurtatzea espero dut"
Hain zuen, Valentziak Bartzelona B liderraren zelaian jokatuko du; beraz, Valentziak galdu edo berdintzen badu eta Alavesek Cacereño mendean hartzen badu, babazorroak maila gorenean arituko dira datorren denboraldian.