Alavesek jokalari bat gutxiagorekin eta azken minutuan irabazi du
Alavesek garaipena lortu du Malagaren aurka (1-2) Rosaledan azken minutuan sartutako gol bati esker eta norgehiagokako azken 20 minutuak jokalari bat gutxiagorekin jokatuta.
Lehen zatiko hasierako minutuak parekatuak eta oso lehiatuak izan dira. Malagak izan ditu lehen bi abaguneak; 10. minutuan Pacheco atezainak ondo gelditu du Jose Rodriguezen jaurtiketa eta 18. minutuan Alaveseko atezainak etxeko taldearen gola eragotzi du Charlesen jaurtiketari erantzun paregabea emanda. Alaves sendo mantendu da defentsako lanean, baina ez du abaguneak sortzea lortu. Malagak ere ez du gola sartzeko aukera argiegirik egin, baina 39. minutuan Demichelisek kale egin du defentsan korner bat defendatzerakoan eta Feddalek 0-1ekoa sartu du Alavesentzat.
Bigarren zatiko hasierako minutuetan Malagak abagune argi bi izan ditu: Pacheco atezainak erantzun ona eman dio Charlesen jaurtiketari eta hurrengo aukeran Ontiverosen boleakada gora joan da. Malaga erasokor ibili da, eta bigarren zatiko hirugarren abagunean ez du barkatu; Juankarrek lehia berdindu du (1-1). Golak min egin dio Alavesi eta minutu bat beranduago, maldan gora jarri zaio neurketa Feddalek bigarren txartel horia ikusi eta taldea hamar jokalarirekin geratu baita. Une horretatik amaieraraino atzean sartu da Pellegrinok zuzentzen duen taldea. Malagak erasora jo du, eta 89. minutuan abagune ezin hobea eduki du; Pacheco atezainak, ordea, Malagaren gola eragotzi du En-Nesyriren errematea desbideratuta. Ematen izan du partida berdinduta amaituko dela, baina 91. minutuan Deyversonek baloia lapurtu dio Demichelisi, pasea eman dio Edgarri eta honek, 1-2koa sartu du Alavesi garaipena emanez.
Fitxa teknikoa:
1.- Malaga CF: Kameni; Rosales, Luis Hernandez, Demichelis, Torres (Juan Carlos, m. 58); Keko (Ontiveros m. 46), Camacho, Jose Rodriguez, 'Chory' Castro; Sandro (En-Nesyri, m. 75) eta Charles.
2.- Alaves: Pacheco; Kike Femenia, Laguardia, Feddal, Raul Garcia (Vigaray, m. 69); Toquero (Edgar, m. 60), Camarasa, Llorente, Manu Garcia; Ibai Gomez (Ely, m. 73) eta Deyverson.
Golak: 0-1, M. 38: Feddal. 1-1, M. 70: Juan Carlos. 1-2, M: 90: Edgar.
Epailea: Undiano Mallenco.
lenco.
Zure interesekoa izan daiteke
Dafne Triviño: “Alavesek prozesuan sinetsi du, eta emakumezkoen taldea lehen mailara igotzea da saria"
Bigarren mailan hiru denboraldi gogor eman ostean, Alaveseko emakumezkoen taldea maila gorenean lehiatuko da datorren denboraldian. Dafne Triviño kirol arduradunak klubaren konpromisoa azpimarratu du. "Alavesek prozesuan sinetsi du", horren arabera, eta konfiantza hori funtsezkoa izan da emakumezkoen futboleko maila gorenera igotzeko helburua lortzeko.
Ander Guevara: “Alavesekin 100 partida betetzea gauza inportantea da niretzat"
28 urteko gasteiztarrak 100. partida jokatu zuen Arabako taldearekin aurreko asteburuan, Osasunaren aurkako derbian. Asteburu honetarako beste erronka bat dauka: Alavesek Realaren aurka jokatuko duen derbia irabaztea.
Sanchez Flores: “Ondo lehiatzeko eta aurkari ona izateko asmoa dugu”
Quique Sanchez Flores Alavesen entrenatzaileak prentsaurrekoa eman du, Realaren aurkako derbiari buruz hitz egiteko. Aurkariaren kalitatea azpimarratu du, eta adierazi du ahalik eta ondoen lehiatzeko gogoz jardungo dutela. (Adierazpenak, gaztelaniaz).
Angel Perez, Realaren aurkako derbiari buruz: “Badakigu ez dela batere erraza izango, baina hiru puntuak nahi ditugu”
Angel Perez Alavesen jokalariak prentsaurrekoa eman du babazorroek asteburu honetan Realaren aurka jokatuko duten derbiari buruz hitz egiteko.
Toni Martinez: “Atzetik hasten zarenean partida bikoitza da"
Toni Martinez Alaveseko jokalariaren adierazpenak, EA Sports Ligako 30. jardunaldiko partidan Osasunaren aurka 2-2 berdindu ondoren.
Elene Errasti: “Egun berezia da, inoiz ahaztuko ez duguna"
Gloriosas Alaveseko jokalariak maila gorenera igo ostean hitz egin du.
Alaves Gloriosas lehen mailara igo da!
Europaren aurkako garaipenari eta Valentziarekiko puntu aldeari esker, Gasteizko taldeak igoera zuzena ziurtatu du.
Sanchez Flores: “Partida bakoitza irabaztera irten beste aukerarik ez dugu ikusten"
Quique Sanchez Flores Alaveseko entrenatzaileak "finala" balitz bezala hartu du igandean Osasunaren aurka jokatuko duten derbia. Geldialdiak Alavesi taktika lantzeko aukera eman diola azpimarratu du, partida horri begira baikor agertu da, eta "arima osoa" eta "energia guztia" jarriko dutela esan du.
Pablo Ibañez, igandeko Alaves-Osasuna derbiaz: “Partida oso berezia izango da niretzat”
Kirol ibilbide osoa Osasunan eman eta gero, Alaveseko erdilariak taldekide ohiak izango ditu aurkari Mendizorrotzan. Derbian, Gasteizko taldea saiatuko da islatzen Sanchez Flores entrenatzaileak jokalariei adierazi diena.
Andrea Esteban: “Asteburu honetan taldea maila gorenera itzuliko dela ziurtatzea espero dut"
Hain zuen, Valentziak Bartzelona B liderraren zelaian jokatuko du; beraz, Valentziak galdu edo berdintzen badu eta Alavesek Cacereño mendean hartzen badu, babazorroak maila gorenean arituko dira datorren denboraldian.