Alaves, Kopako finalerdietara Alcorconekin berdindu ostean
Alavesek golik gabe (0-0) berdindu du Alcorconen aurka Errege Kopako final-laurdenetako itzulerako partida eta joanekoa 0-2 irabazi zuenez, finalerdietarako txartela lortu du, bosgarren aldiz bere historian.
Arabako taldeak bi abagune izan ditu partida hasieran, baina Christian Santonsen jaurtiketa kanpora joan da, eta Alexisen burukada ere oso gutxigatik ez da sare barrura sartu. Ordutik aurrera Alcorcon izan da nagusi eta Bigarren Mailako taldeak izan ditu abagune onenak. 12. minutuan Alexisek atepetik atera behar izan du baloia Alcorconen gola eragozteko eta jarraian Elgezabalen errematea gutxigatik kanpora joan da. Velazquezek zuzentzen duen taldea izan da baloiaren jabe lehen zatian eta atsedenldira iritsi orduko golak sartzeko aukerak izan ditu. Partidako 28. minutuan Ortola atezainak desbideratu egin du Oscar Planok egindako falta jaurtiketa eta lehen zatiko azken minutuan Alaveseko atezainak bisitarien gola eragotzi du Nelsonen jaurtiketari erantzun ona emanda.
Bigarren zatia Alavesen abagunearekin hasi da, baina Katairen errematea langa gainetik kanpora joan da. Segidan Alcorconen erantzuna etorri da; Elgezabalen burukada langa urratuta gora joan da, eta Ortolak gelditu ona egin du Oscar Planoren falta jaurtiketa baten aurrean. Norgehiagokako azken minutuetan Alaves ezinean ibili da, eta Alcorcon gola sartzen saiatu de arren, ez du abagune argirik izatea lortu. Ondorioz, partida golik gabe amaitu da (0-0), eta Alaves Errege Kopako finalerdietan da.
Fitxa teknikoa:
0 - Alaves: Ortola; Vigaray, Alexis, Feddal, Raul Garcia; Dani Torres, Krsticic; Sobrino (Llorente, min. 45), Toquero (Ibai, min. 45), Katai (Deyverson, min. 83); eta Santos.
0 - Alcorcon: Dani Jimenez; Fede Vega, Elgezabal, Owona, Nelson; V. Pérez (Kadir, min. 72), Tropi; Plano (Toribio, min. 72), Ivan Alejo, Rey (Carlos Luque, min. 57); eta Alvaro Gimenez.
Epailea: Iglesias Villanueva.
Zure interesekoa izan daiteke
Pablo Ibañez: “Irabazteko eta aurrerapauso bat emateko gaitasuna dugun une garrantzitsuetan, ez dugu egiten”
Alavesek berdindu egin du Gironaren aurka Mendizorrotzan (2-2). Arabako taldeak ez du nahi zituen hiru puntuak eskuratzea lortu, beraz, Pablo Ibañezek esan digunez "garaipena laster heldu behar da". Martxoaren 27an Levanteren aurkako partidan hori izango da babazorroen helburua.
Lucas Boyek, bere bi golekin, puntu bat erreskatatu du Mendizorrotzan Gironaren aurka (2-2)
Coudeten taldea partida hasi eta berehala aurreratu da aurrelari argentinarraren gol bati esker, baina Gironak berdinketa lortu du lehen zatian eta markagailua irauli du atsedenaldiaren ostean. Neurketaren azken minutuetan binakoa egin du Boyek.
Baskoniari omenaldia, Alaves-Girona partidaren hasieran
Alaves eta Gironaren arteko partida hasi baino lehen, Baskoniari omenaldia egin diote Mendizorrotzan, atzo, Valentzian, Saskibaloiko Errege Kopako finala irabazteagatik. Markus Howardek egin du ohorezko sakea, Tadas Sedekerskis kapitainak garaikurra zaleei eskaintzen zien bitartean.
Coudet: "Aurkariari begiratu arren, fokua gugan jarrita eduki behar dugu"
Alavesek Girona hartuko du astelehen honetan, 21:00etan, Mendizorrotzan. Babazorroen entrenatzailearen esanetan, oso partida zaila izango da, eta oso garrantzitsua izango da gauzak ondo egitea.
Tenaglia: "Guk astelehenean etxean hiru puntuak bildu behar ditugu, final bat da"
"Ezin dugu aukera gehiago alferrik galdu, aurkaria Girona izan arren", ohartarazi du atzelari argentinarrak. "Hiru partida oso garrantzitsu datozkigu; lehenengoa, astelehenean", gaineratu du.
Guevara: "Etxera burumakur goaz, gaur aukera oso garbia genuen irabazteko"
Ander Guevara Alaveseko jokalariaren adierazpenak, EA Sports Ligako 24. jardunaldiko partida, Sevillaren aurka, 1-1 amaitu ondoren.
Alavesek bi puntu utzi ditu Sevillan (1-1)
Coudeten taldeak ez du aprobetxatu 15. minututik jokalari bat gehiagorekin jokatu izana. Epaileak, gainera, baliorik gabe utzi du Boyek sartutako gola, jokoz kanpoko polemikoa adierazita.
Chacho Coudet: "Partida zuzena dugu, eta gogorra izango da"
Alavesek Sevillaren aurka jokatuko du larunbat honetan, EA Sports Ligako 24. jardunaldiko partidan. Coudetek adierazi du lehia zaila izango dela, baina bere taldea gogor lehiatuko dela.
Sergio Fernandez, Alavesen kirol zuzendaria: "Joan diren eta fitxatu ditugun jokalariak ikusita, taldea hobea dela uste dugu"
Sergio Fernandez Alavesen kirol zuzendariak neguko merkatuaz ez ezik, taldearen egungo egoeraz hitz egin du hedabideen aurrean.
Ibrahim Diabatek "taldean lan asko" egingo duela agindu du
Alavesen jokalari berriak aurkezpen prentsaurrekoan azaldu duenez, "oso erraza" izan zen akordio batera iristea, "ametsa" baitzuen Espainiako ligara itzultzea. Aldagelak oso harrera ona egin diola azpimarratu du bolikostarrak.