Alaves bikain batek ezustean harrapatu du Vila-real (0-2)
Alavesek ezustekoa eman du igande honetan, Santander Ligako 13. jardunaldian. Arabarrek Vila-realen etxean irabazi dute, Madrigalen, denboraldi honetan beste inork lortu ez duena. Gauzak horrela, valentziarrek bigarren porrota jarraian jaso dute, eta Pellegrinoren taldea, berriz, 13. da orain sailkapenean.
Pellegrino arabarren aulkian izan da, Santiago Bernabeuko kaleratzeagatik bi neurketako zigorra bete ondoren. Alavesek neurketako 8. minutuan sartu du lehen gola, Ibai Gomezek egindako erremateari esker.
Hamar minutu geroago, Camarasak gasteiztarren bigarrena egin du, Musacchiok defentsan egindako hutsa aprobetxatuta.
Vila-real, ezinean
Atsedenaldiaren ostean, bi taldeek erritmoa jaitsi dute, baina etxekoek arriskua sortu dute, hori bai, azken metroetan asmatu barik.
Emaitza honi esker, Alaves da aurtengo denboraldian Madrigalen irabaztea lortu duen lehen taldea. Arabarrek 16 puntu dauzkate sailkapenean.
Fitxa teknikoa:
0 - Vila-real: Asenjo, Mario, Musacchio, V.Ruiz, Jaume Costa; Bruno, Trigueros, Roberto Soriano (Cheryshev, 46. min), Samu Castillejo (Dos Santos, 76. min); Pato eta Sansone (Bakambu, 68. min)
2 - Alaves: Pacheco, Kiko Femenía (Vigaray, 84. min), Pantic, Zou Feddal, Theo Hernández; Marcos Llorente, Dani Torres; Camarasa, Ibai Gómez (Raúl, 62. min), Edgar (Espinoza, 72. min); eta Deyverson.
Golak: 0-1, 7. min: Ibai Gómez. 0-2, 17. min: Camarasa.
Zure interesekoa izan daiteke
Pablo Ibañez: “Irabazteko eta aurrerapauso bat emateko gaitasuna dugun une garrantzitsuetan, ez dugu egiten”
Alavesek berdindu egin du Gironaren aurka Mendizorrotzan (2-2). Arabako taldeak ez du nahi zituen hiru puntuak eskuratzea lortu, beraz, Pablo Ibañezek esan digunez "garaipena laster heldu behar da". Martxoaren 27an Levanteren aurkako partidan hori izango da babazorroen helburua.
Lucas Boyek, bere bi golekin, puntu bat erreskatatu du Mendizorrotzan Gironaren aurka (2-2)
Coudeten taldea partida hasi eta berehala aurreratu da aurrelari argentinarraren gol bati esker, baina Gironak berdinketa lortu du lehen zatian eta markagailua irauli du atsedenaldiaren ostean. Neurketaren azken minutuetan binakoa egin du Boyek.
Baskoniari omenaldia, Alaves-Girona partidaren hasieran
Alaves eta Gironaren arteko partida hasi baino lehen, Baskoniari omenaldia egin diote Mendizorrotzan, atzo, Valentzian, Saskibaloiko Errege Kopako finala irabazteagatik. Markus Howardek egin du ohorezko sakea, Tadas Sedekerskis kapitainak garaikurra zaleei eskaintzen zien bitartean.
Coudet: "Aurkariari begiratu arren, fokua gugan jarrita eduki behar dugu"
Alavesek Girona hartuko du astelehen honetan, 21:00etan, Mendizorrotzan. Babazorroen entrenatzailearen esanetan, oso partida zaila izango da, eta oso garrantzitsua izango da gauzak ondo egitea.
Tenaglia: "Guk astelehenean etxean hiru puntuak bildu behar ditugu, final bat da"
"Ezin dugu aukera gehiago alferrik galdu, aurkaria Girona izan arren", ohartarazi du atzelari argentinarrak. "Hiru partida oso garrantzitsu datozkigu; lehenengoa, astelehenean", gaineratu du.
Guevara: "Etxera burumakur goaz, gaur aukera oso garbia genuen irabazteko"
Ander Guevara Alaveseko jokalariaren adierazpenak, EA Sports Ligako 24. jardunaldiko partida, Sevillaren aurka, 1-1 amaitu ondoren.
Alavesek bi puntu utzi ditu Sevillan (1-1)
Coudeten taldeak ez du aprobetxatu 15. minututik jokalari bat gehiagorekin jokatu izana. Epaileak, gainera, baliorik gabe utzi du Boyek sartutako gola, jokoz kanpoko polemikoa adierazita.
Chacho Coudet: "Partida zuzena dugu, eta gogorra izango da"
Alavesek Sevillaren aurka jokatuko du larunbat honetan, EA Sports Ligako 24. jardunaldiko partidan. Coudetek adierazi du lehia zaila izango dela, baina bere taldea gogor lehiatuko dela.
Sergio Fernandez, Alavesen kirol zuzendaria: "Joan diren eta fitxatu ditugun jokalariak ikusita, taldea hobea dela uste dugu"
Sergio Fernandez Alavesen kirol zuzendariak neguko merkatuaz ez ezik, taldearen egungo egoeraz hitz egin du hedabideen aurrean.
Ibrahim Diabatek "taldean lan asko" egingo duela agindu du
Alavesen jokalari berriak aurkezpen prentsaurrekoan azaldu duenez, "oso erraza" izan zen akordio batera iristea, "ametsa" baitzuen Espainiako ligara itzultzea. Aldagelak oso harrera ona egin diola azpimarratu du bolikostarrak.