Alavesek ezusteko handia eman du Bartzelonaren zelaian irabazita
Alavesek hiru puntuak eskuratu ditu Nou Campen, Deyverson eta Ibai Gomezen golei esker, eta handien aurkako bolada onarekin jarraitu du. Mathieuk egin du Bartzelonaren gol bakarra.
Neurketa hasi baino lehen zaila zirudien, baina babazorroek handia egin dute Lehen Mailara itzuli diren honetan. Bartzelonak ez du ohiko aurpegia erakutsi, jokalari titularrengatik eta jokoagatik.
Messi eta Luis Suarez ez dira hamaikakoan egon, baina, aldiz, bi debutari sartu ditu entrenatzaileak: Cillessen atean eta Paco Alcacer aurrean.
Pellegrinok taldeak atzean defendatzea erabaki du. Bartzelonaren aurrean sortutako harresiak eragina izan du, eta gainera Alavesek abagunean aprobetxatu ditu.
Lehen zatian, Bartzelonak ezin izan du minik egin, Alavesen atzelarien artean trabatuta. Heldu denean, Rakiticek eta Ardak huts egin dute jaurtiketetan.
Gola Deyversonek egin du, 39. minutuan, defentsa lan onak biribilduz eta Kike Femeniaren erdikareta bat baliatuta.
Mathieuk partida berdindu du bigarren zatia hasi bezain laster, korner bat buruz errematatuz. Baina gidoiak berdin jarraitu du, eta Luis Enriquek Messi eta Iniesta zelairatzea erabaki du.
Hala ere, Alavesek gola aurkitu du berriz, eta oraingoan erabakigarria izan da. Ibai Gomezek sartu du 1-2koa, Mascheraroren akats baten ostean.
Alavesistek, serio eta ordenatuta zelaigunean, ez dute arazorik izan emaitza mantentzeko eta urrezko hiru puntu lortzeko.
FITXA TEKNIKOA
Bartzelona: Cillessen, Aleix Vidal, Mascherano, Mathieu, Digne; Rakitic, Busquets, Denis Suarez (Messi, 60. min); Arda (Iniesta, 63. min), Alcacer (Luis Suarez, 66. min) eta Neymar.
Alaves: Pacheco: Kiko Femenia (Vigaray, 73. min), Alexis, Laguardia, Raul Garcia, Theo, Edgar (Espinoza, 69. min), Torres, Llorente, Ibai (Camarasa, 79. min) eta Deiverson.
Golak: 0-1: Deyverson, 39. min. 1-1: Mathieu, 46. 1-2: Ibai Gomez, .64. min.
omez, .64. min.Zure interesekoa izan daiteke
Dafne Triviño: “Alavesek prozesuan sinetsi du, eta emakumezkoen taldea lehen mailara igotzea da saria"
Bigarren mailan hiru denboraldi gogor eman ostean, Alaveseko emakumezkoen taldea maila gorenean lehiatuko da datorren denboraldian. Dafne Triviño kirol arduradunak klubaren konpromisoa azpimarratu du. "Alavesek prozesuan sinetsi du", horren arabera, eta konfiantza hori funtsezkoa izan da emakumezkoen futboleko maila gorenera igotzeko helburua lortzeko.
Ander Guevara: “Alavesekin 100 partida betetzea gauza inportantea da niretzat"
28 urteko gasteiztarrak 100. partida jokatu zuen Arabako taldearekin aurreko asteburuan, Osasunaren aurkako derbian. Asteburu honetarako beste erronka bat dauka: Alavesek Realaren aurka jokatuko duen derbia irabaztea.
Sanchez Flores: “Ondo lehiatzeko eta aurkari ona izateko asmoa dugu”
Quique Sanchez Flores Alavesen entrenatzaileak prentsaurrekoa eman du, Realaren aurkako derbiari buruz hitz egiteko. Aurkariaren kalitatea azpimarratu du, eta adierazi du ahalik eta ondoen lehiatzeko gogoz jardungo dutela. (Adierazpenak, gaztelaniaz).
Angel Perez, Realaren aurkako derbiari buruz: “Badakigu ez dela batere erraza izango, baina hiru puntuak nahi ditugu”
Angel Perez Alavesen jokalariak prentsaurrekoa eman du babazorroek asteburu honetan Realaren aurka jokatuko duten derbiari buruz hitz egiteko.
Toni Martinez: “Atzetik hasten zarenean partida bikoitza da"
Toni Martinez Alaveseko jokalariaren adierazpenak, EA Sports Ligako 30. jardunaldiko partidan Osasunaren aurka 2-2 berdindu ondoren.
Elene Errasti: “Egun berezia da, inoiz ahaztuko ez duguna"
Gloriosas Alaveseko jokalariak maila gorenera igo ostean hitz egin du.
Alaves Gloriosas lehen mailara igo da!
Europaren aurkako garaipenari eta Valentziarekiko puntu aldeari esker, Gasteizko taldeak igoera zuzena ziurtatu du.
Sanchez Flores: “Partida bakoitza irabaztera irten beste aukerarik ez dugu ikusten"
Quique Sanchez Flores Alaveseko entrenatzaileak "finala" balitz bezala hartu du igandean Osasunaren aurka jokatuko duten derbia. Geldialdiak Alavesi taktika lantzeko aukera eman diola azpimarratu du, partida horri begira baikor agertu da, eta "arima osoa" eta "energia guztia" jarriko dutela esan du.
Pablo Ibañez, igandeko Alaves-Osasuna derbiaz: “Partida oso berezia izango da niretzat”
Kirol ibilbide osoa Osasunan eman eta gero, Alaveseko erdilariak taldekide ohiak izango ditu aurkari Mendizorrotzan. Derbian, Gasteizko taldea saiatuko da islatzen Sanchez Flores entrenatzaileak jokalariei adierazi diena.
Andrea Esteban: “Asteburu honetan taldea maila gorenera itzuliko dela ziurtatzea espero dut"
Hain zuen, Valentziak Bartzelona B liderraren zelaian jokatuko du; beraz, Valentziak galdu edo berdintzen badu eta Alavesek Cacereño mendean hartzen badu, babazorroak maila gorenean arituko dira datorren denboraldian.